Apocalipsis 2:23 - Biblia Guarani Tumpa Iñee

²³ Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

Nuevo Testamento Guaraní Pe

²³ Jare ayucata jocuae cuña imembɨ reta, jare opaete oporogüɨrovia vae oñemboatɨatɨ vae reta oicuaata quirai che aicuaa opaete vae iñemongueta ipɨa pe oi vae. Jare ameeta peve metei ñavo peparavɨquɨ ae rupi.

Apocalipsis 2:23 Iomraidhean Croise

1 CRÓNICAS 17:18

¿Mbae ye pa jaeta ndeve cheYa Tumpa? Echa nde chekuaa ko.

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

2 CRÓNICAS 6:30

nde eendu ara güi, reikoa güi, neɨ̈ro chupe jare emboekovia chupe oguata kavi rupi, echa ndeño reikuaa opaete kuimbae reta ipɨa jare iyemongeta.

JOB 24:23

Tumpa omaeño oiko pɨagüive reta, ërei jae omae opaete oyapogüe reta re.

SALMOS 139:1

CheYa Tumpa, nde remae kavi cheré, jare chekuaa;

SALMOS 26:2

Emae kavi cheré cheYa Tumpa, ¡cheñono morojäa pe! ¡Ejäa cheyemongeta reta jare chepɨa!

SALMOS 44:21

¿mbaetɨta ra reikuaa kuae re? Echa nde reikuaa ko opaete mbae oñemi oï kuimbae ipɨa pe vae.

SALMOS 62:12

CheYa Tumpa mboroparareko ndembae ko, echa nde remboekoviata metei ñavo vae pe jembiapo oï rupi.

SALMOS 7:9

¡Topa mo añave jeko kavimbae reta jembiapo, ërei emomɨ̈rata, jupi yogüɨreko vae reta! Echa nde, Tumpa jupi vae ko, reikuaa yemongeta kia iyɨvɨte pe güɨnoi vae.

JEREMÍAS 11:20

Ërei nde, cheYa Imbaepuere yae ete vae, jupi rupi oporojäa vae; nde reikuaa opaete kuimbae reta iyemongeta vae. Emaeño taecha, kërai reiporarauka chupe reta vae, echa ndepo pe che añeñono.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JEREMÍAS 20:12

CheYa Imbaepuere yae ete vae, nde remae kavi jupi rupi yogüɨreko vae re vae, nde reikuaa katu kuimbae ipɨa iyemongeta vae, eechauka cheve kërai reiporarauka chupe reta vae, echa che añeñono ndepo pe.

SOFONÍAS 1:11

¡Peyaeo, pe tëta Mactes jee vae pegua reta, echa opata okañɨtei omaemee vae reta, opaete korepoti omee vae reta!

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

San Juan 4:16

Jayave Jesús jei chupe: —Ekua eenɨi neme, jare peyu kuae pe.

Hechos 1:24

Jayave oyerure reta Tumpa pe körai: “OreYa, nde reikuaa opaete ipɨa vae, eechauka oreve kia nunga ra reiparavo ma kuae mókoi kuimbae güi,

Romanos 14:12

Jökorai metei ñavo yamombeuta Tumpa pe yandeyegua.

Romanos 8:27

Tumpa oikuaa opaete vae iyemongeta vae, oikuaa vi Espíritu Santo mbae ko oipota jei vae. Echa Espíritu Santo oyerure Tumpa jemimbota rupi kavi, imbae vae reta re.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

Gálatas 6:5

Metei ñavo toyapo kavi iparavɨkɨ ae.

DEUTERONOMIO 13:11

Jökorai opaete Israel iñemuña reta toikuaa jare toipoɨu, jökorai ngaraa ma oime ikavimbae oyapo vae.

DEUTERONOMIO 17:13

Opaete vae oendu kuae yave, oipoɨuta jare ngaraa ma oyapo oyembotuicha reve.

DEUTERONOMIO 19:20

Jare opaete oendu yave kuae oipoɨuta, jare ngaraa ye ma oyapo reta jókuae nunga ikavimbae pepɨte pe.

DEUTERONOMIO 21:21

Jayave opaete kuimbae reta tëta pegua toyapi ita pe toyuka. Jökorai peekɨ ikavimbae pepɨte güi, jare opaete Israel iñemuña reta oendu yave oipoɨuta.

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

1 Pedro 1:17

Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi.

Apocalipsis 2:11

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae, ngaraa etei oiporara mano mokoía.’

Apocalipsis 2:7

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’

Apocalipsis 20:12

Jare aecha omanogüe reta oyemboɨ ñogüɨnoi Tumpa jóvai, okuakuaa vae reta jare michia reta. Jare tembikuatía reta oyepea, jare oyepea ïru tembikuatía, jae ko tembikuatía tekove pegua. Jare omanogüe reta oñejäauka jembiapo reta tembikuatía reta pe oyekuatía oï rupi.

Apocalipsis 20:13

Jare ɨguasu omboeterenga opaete omanogüe reta ñogüɨnoi pɨpe vae. Jare mano jare omanogüe reta ñogüɨnoia omboeterenga opaete omanogüe reta ñogüɨnoi pɨpe vae. Jare metei ñavo oñejäauka reta jembiapo oï rupi.

Apocalipsis 22:12

YandeYa jei: “¡Mase, ko ayu yeta ɨmambae! Jare aruta mbota amboekovia vaerä metei ñavo pe jembiapo oï rupi.

Apocalipsis 6:8

Amae jare aecha metei kavayu iyu vae. Jare opo kavayu re vae jee ko Mano. Jare Omanogüe reta jenda oiko Mano jaɨkue. Jare oñemee chupe reta mbaepuere jeta yeyé ɨvɨ pegua reta re, ipuere vaerä oyukauka reta ñeraro rupi, karuai pe, mbaerasɨ pɨ̈chɨi pe jare mɨmba pochɨ vae reta pe.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”