Apocalipsis 2:14 - Biblia Guarani Tumpa Iñee

¹⁴ Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.

Nuevo Testamento Guaraní Pe

¹⁴ “Erei chepuere pomboeco mbovɨ mbaembae re. Echa oime pepɨte pe ñogüɨnoi Balaam iporomboe güɨrovia vae reta. Balaam omboe Balac quirai ipuere omboavai Israel pegua reta. Echa jae reta omboɨpɨ jou tembíu tumpa-raanga reta pe oñererocuavee vae jare oyapo aguasa.

Apocalipsis 2:14 Iomraidhean Croise

ISAÍAS 57:14

Jayave oyeenduta jei: “Peyapo kavi jare pemboipe tape, pembosɨrɨ tape güi mbae oporomboavai vae reta, chembae vae reta oasa vaerä.”

JEREMÍAS 6:21

Jáeramo yandeYa jei: “Ko añono kuae tëta chembae oyepɨaka jare ogüɨapi vaerä. Tu reta jare taɨ reta; jëta-ɨpɨ rupigua reta jare iñeïru reta omanota vi.”

EZEQUIEL 3:20

Jaeramiño vi kuimbae jupi oiko vae opia jare oyapo yave ikavimbae, jare che añono yave mbae oasa vaerä, jae omanota, echa nde mbaetɨ remboarakuaa; mbaetɨta amae jupi oiko vae re; ërei che romboekota imano re.

EZEQUIEL 44:12

Oyeokuai reta tumpa-raanga reta jare oyavɨuka reta Israel iñemuña reta pe jeko pegua. Jáeramo jae cheree re ae ikotɨ reta, toiporara reta iyoa re ae.

NÚMEROS 24:14

Aja yeta cherëta kotɨ, ërei tamombeu voi ndeve këraita kuae tëta oyapo kuri nerëta vae.

NÚMEROS 31:16

Mase, Madián pegua kuña reta jeko pegua ko, Israel iñemuña reta oyemboyovaicho yandeYa kotɨ, omboete reta Baal-peor, Balaam iporomboarakuaa rupi, jáeramo ko ou mbaerasɨ pɨ̈chɨi yae vae oparapiti, opaete vae reta re.

NÚMEROS 31:8

Jare oyuka reta mburuvicha guasu Madián pegua reta: Evi, Requem, Zur, Hur jare Reba; pandepo mburuvicha guasu reta. Jare oyuka reta vi kɨsepuku pe Balaam, Beor taɨ.

San Mateo 18:7

¡Paravete ɨvɨ pegua reta! Oñono mbaemboavai ïru vae pe vae. Echa jökorai ñotai ko. ¡Paravete jókuae oñono mbaemboavai ïru vae reta pe vae!

Hechos 15:29

Agüɨye peu soo tumpa-raanga reta pe oñererökuaveegüe, jare mɨmba oyeyuvɨgüe isoo jare mbaerugüɨ. Agüɨye peyapo aguasa. Kuae roe peve vae peyapo yave, jaekavi ko. Tumpa ndiveño.”

Hechos 21:25

Ërei roikuatía ma judiombae oporogüɨrovia vae reta pe agüɨye vaerä oyapo mborookuai. Jaeño agüɨye tou reta soo tumpa-raanga pe oñemee vae, jare mbaerugüɨ, jare mɨmba oyeyuvɨgüe isoo, jare agüɨye toyapo aguasa.

Romanos 11:9

Jaeramiño vi David jei körai: “Opaete iarete reta tembíu kavi pegua, toï chupe reta ñuai reta rami. Toï chupe reta ogüɨapi vaerä jare oiporara vaerä.

Romanos 14:13

Jáeramo agüɨye mo yayoangao ïru vae ndive, jaeño yaeka agüɨye vaerä ïru oporogüɨrovia vae ogüɨapi yandereko pegua.

Romanos 14:21

Ikavi ko agüɨye reu soo, ani vino, ani oipotagüe mbae ïru oporogüɨrovia vae ipuere ombogüɨapi, omboarasɨ ani ombopɨtu vae.

Romanos 9:32

¿Maera ra mbaetɨ oyembojupiuka? Echa mbaetɨ oyapo reta mborogüɨrovia rupi. Mborookuai jei vae oyapo vae reño oipota oyembojupiuka reta. Jáeramo ipɨ̈sa-yeyuka reta ita pɨ̈sa-yeyuka pegua re.

1 Corintios 1:23

ërei yande yamombeu chupe reta Cristo omano kurusu re vae regua. Ërei kuae pɨ̈sa-yeyuka Judío reta peguarä, jare judiombae vae reta peguarä mbokere.

1 Corintios 7:2

Ërei agüɨye vaerä oime aguasa, metei ñavo kuimbae togüɨnoi jembireko ae jare metei ñavo kuña togüɨnoi ime ae.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

JOSUÉ 24:9

Joko güi opüa Balac, Zipor taɨ, Moab iñemuña reta juvicha guasu, jare oñeraro pe reta ndive. Balac omondo oekauka Balaam, Beor taɨ, oyepopeyu vaerä pekotɨ.

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.

2 Pedro 2:15

Echa oeya reta tape isɨmbi vae, jare opa jopa reta, omomoe reta Balaam, Beor taɨ jeko, echa Balaam oaɨu yae korepoti jupimbae vae oyapo vae rupi omongana vae;

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.

Apocalipsis 2:4

Ërei oime mbae jae vaerä ndeve, jae ko mbaetɨ ma cheraɨu tenonde yave rami.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.