Apocalipsis 17:3 - Biblia Guarani Tumpa Iñee

³ Jayave araɨgua chereraja Espíritu Santo imbaepuere pe ñuu kotɨ. Jare joko pe aecha metei kuña oguapɨ oï metei mbaemɨmba guasu pɨ̈ta vae chiu iñäka vae jare payandepo jäti vae re. Jare jókuae mbaemɨmba guasu re oyekuatía oï jeta tee jare jókuae tee reta rupi jei ikavimbae vae Tumpa kotɨ.

Nuevo Testamento Guaraní Pe

³ Jayave araɨgua chereraja Espíritu Santo imbaepuere pe ñuu pe. Jare joco pe aecha metei cuña opo oi metei maemɨmba guasu pɨta vae re. Jare jocuae maemɨmba guasu re oyecuatía oi jeta jee jare jocuae cuatía reta rupi jei icavi mbae vae Tumpa cotɨ. Jare siete co jocuae maemɨmba guasu iñaca jare diez jati.

Apocalipsis 17:3 Iomraidhean Croise

1 REYES 18:12

Aja ramboeve kuae güi yandeYa iEspíritu ndererajata kuae güi che mbaetɨ aikuaa vae pe. Javoi che aja Acab pe romombeu yave royuta roeka, javoi Acab mbaetɨ neväe yave, cheyukata. Che nderembiokuai chetaɨrusu güive amboete yandeYa vae ko.

2 REYES 2:16

jare jei reta chupe: —Mase, ore nderembiokuai pɨte pe oime cincuenta kuimbae jëia vae. Toyogüɨraja toeka jókuae ndemboea, güɨramoi yandeYa iespíritu oupi jare oitɨ mbae nunga ɨvɨtɨ re, ani ɨvɨtɨ päu pe. Ërei Eliseo jei chupe reta: —Agüɨye pemondo metei ave.

CANTARES 8:5

¿Kia pa kuae ñuu kotɨ güi ou vae, iñäka omboyeko ou, oaɨu vae iyatiɨ re vae? Ɨvɨra manzana igüɨ pe romomba; joko pe ndesɨ imembɨrasɨ, joko pe ndesɨ oyekuaku, jare rea.

EZEQUIEL 11:24

Javoi Tumpa imbaepuere chereupi jare chereraja ye Babilonia pe, jókuae oechauka cheve vae rupi, jókuae tembipɨɨ reta ñogüɨnoia pe. Jare joko pe okañɨ chegüi opaete oyekuaa cheve vae.

EZEQUIEL 3:12

Jayave yandeYa imbaepuere chemopüa, jare cheraɨkue kotɨ aendu ñee täta jɨapu vae jei: “¡Toyemboeteuka yandeYa iyemboetea, jae oïa güi!”

EZEQUIEL 8:3

Jare jókuae kuimbaeecha vae ombou ipo jare chepɨɨ chea pe. Jare Tumpa imbaepuere chereraja ɨvate ɨvɨ güi, Tumpa oechauka cheve vae rupi chereraja Jerusalén pe, jare cheñono öke japɨpe pegua pe, ɨvɨtuguasu kotɨ omae vae pe, joko pe oï tumpa-raanga yandeYa omboarasɨuka vae iä.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 7:20

Aipota tëi vi aikuaa kavi jókuae payandepo jäti reta regua jare jäti michi vae, oime jesa güɨnoi vae jare jeta mbaembae ikavimbae jei vae re, echa tuichaecha oyekuaa ïru reta güi, jare mbaeporou mboapɨ jäti opa oyeakɨo chugüi oeya vaerä jókuae jäti michi vae jendarä.

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

San Mateo 27:28

Jayave sundaro reta omboi Jesús güi jemimonde jare omondeuka chupe temimonde pɨ̈ta vae.

Hechos 8:39

Jare oë reta ɨ güi yave, yandeYa iEspíritu güɨraja joko güi Felipe. Jare eunuco mbaetɨ ye oecha. Jare oyerovia reve ojo jëta kotɨ.

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,

Apocalipsis 12:14

Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.

Apocalipsis 12:3

Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jäti jare iñäka ñavo re güɨnoi äka-regua.

Apocalipsis 12:6

Jare jókuae kuña otekuarai ñuu kotɨ, echa joko pe Tumpa omokätɨro chupe jendarä. Jare joko pe omongaru retata kuña mil dosciento sesenta ara rupi.

Apocalipsis 17:18

Jare jókuae kuña reecha vae jae ko tëta guasu opaete ɨvɨ pegua mburuvicha guasu reta re mbaepuere güɨnoi vae.”

Apocalipsis 17:4

Jare jókuae kuña jemimonde pɨ̈taü jare pɨ̈taasɨ, jare oñemopöra oro, ita ipöra yae vae reta pe; güɨnoi ipo pe metei kopa oro pegua, tɨnɨe oï mbae pɨ̈chɨi vae pe jare ikavimbae vae pe;

Apocalipsis 18:12

Mbaembae oro pegua, korepoti pegua, ita ipöra yae vae reta, lino ikavi vae, temimonde pɨ̈taü vae, seda, temimonde pɨ̈taasɨ vae, oipotagüe ɨvɨra ipiche kavi vae, opaete mbae elefante jäi mbuku pegua, opaete ɨvɨra jepɨ yae vae pegua, jiero iyu vae pegua, jiero pegua jare ita mármol jee vae pegua;

Apocalipsis 18:16

jei reve: “Paravete tëta guasu, oyemonde lino ikavigüe pe vae, pɨ̈taü vae pe, pɨ̈taasɨ vae pe, oñemopöra oro pe, ita ipöra vae pe jare ïru oipotagüe ita ipöra vae pe.

Apocalipsis 21:10

Jayave araɨgua chereraja Espíritu Santo imbaepuere pe metei ɨvɨtɨ guasu ɨvate vae re, jare oechauka cheve tëta guasu Jerusalén oñeñono tee Tumpa peguarä vae ogüeyɨ ou ara güi Tumpa oïa güi.

Apocalipsis 4:2

Jare jupiveiño Espíritu Santo güɨnoi mbaepuere cheré; jare aecha metei tenda mborookuaía pegua oï ara pe, jare kia oguapɨ oï pɨpe.