Apocalipsis 17:1 - Biblia Guarani Tumpa Iñee

¹ Jayave jókuae chiu araɨgua reta chiu kopa güɨnoi vae reta güi metei ou jei cheve: “Eyu kuae pe. Aechaukata ndeve kërai oñejäauka jókuae kuña iyaguasa pota vae ɨ reta re oguapɨ oï vae.

Nuevo Testamento Guaraní Pe

¹ Jare jocuae siete araɨgua jocuae siete jɨru güɨnoi vae reta güi metei ou cheve jei: —Eyu cuae pe. Taicuauca ndeve quirai oñejaaucata co jocuae cuña iyaguasa vae ɨ guasu reta re oguapɨ vae —jei—.

Apocalipsis 17:1 Iomraidhean Croise

ISAÍAS 1:21

¡Tëta guasu jupi vae! ¿Këraiägua pa reyu repɨta metei kuña iyaguasa pota vae rami? Yepi, jeta kuae pe jupi vae reta jare jeko kavi vae reta, ërei añave jaeño ma oñeväe kuae pe oporoyuka vae reta.

ISAÍAS 57:3

Pe, imbaekuaa vae reta, peya katu, menda re oyuvanga vae, jare iyaguasa pota vae reta.

JEREMÍAS 2:20

Ɨma yae güi ma reyembopɨapochɨ chekotɨ, mbaetɨ reipota reyapo cheporookuai. Rere: ‘Mbaetɨ aipota ayeokuai.’ Opaete ɨvɨtɨ ɨvate vae re jare opaete ɨvɨra iküaraɨa kavi yae vae igüɨ ñavo rupi reiko iyaguasa pota vae rami.

JEREMÍAS 51:13

Nde, Babilonia, ɨ̈aka reta ipäu pegua, jare jeta ndembaeyekou vae. ¡Oväe ma ndeve ndeapɨ vaerä! ¡Oväe ma iyapɨ vaerä ndembaepotarai!

EZEQUIEL 31:4

Ama jare ɨ reta ombokuakuaa, iyɨ́vɨri rupi oguata ɨ reta; jare opaete ɨvɨra reta omboɨu.

San Lucas 24:32

Jayave jei reta oyoupe: —Jáeramo yepe imiari ou oiko yandeve tape rupi yave yandembopɨa-kërai etei, omombeu kavi yandeve Tumpa Iñee re yave.

San Lucas 9:30

Jare mókoi kuimbae imiari ñogüɨnoi Jesús ndive. Jae reta ko Moisés jare Elías.

Apocalipsis 1:1

Jesucristo oechauka Tumpa omee chupe vae, oikuaauka vaerä jembiokuai reta pe ɨmambae oasata vae. Jesucristo ombou iaraɨgua omombeu vaerä che jembiokuai Juan pe;

Apocalipsis 15:1

Aecha oyekuaa ye ara re ïru mbae tuichagüe jare ñanemopɨakañɨ vae, jae ko: Chiu araɨgua chiu mbaesusere taɨkuegua güɨnoi vae reta. Echa jókuae reta rupi iyapɨta Tumpa iyarasɨ.

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.

Apocalipsis 18:1

Jare kuae jaɨkue rupi aecha ïru araɨgua ogüeyɨ ou ara güi imbaepuere yae reve, jare ɨvɨ jembipe jókuae araɨgua jembipe pe.

Apocalipsis 19:2

Echa iporojäa reta añete jare jupi ko; echa jae ojäa jókuae kuña iyaguasa pota vae, opa güɨrokomegua opaete ɨvɨ pegua reta iyaguasa pota pe, ërei Tumpa oyepɨ ma jembiokuai reta imano re.”

Apocalipsis 19:9

Jare jae jei cheve: “Eikuatía körai: ‘Oyerovia ko jókuae Vecha kuimbae taɨrusu vae imenda pe oyeparea oike vaerä vae reta.’ ” Jekuae jei ye: “Kuae ñee reta ko Tumpa iñee añetete vae.”

Apocalipsis 21:15

Jare imiari cheve vae güɨnoi täkuarasɨ mbae oñejäa pɨpe vae rami vae oro pegua, oñejäa vaerä tëta guasu, jöke reta jare ikësea.

Apocalipsis 21:9

Jayave jókuae chiu araɨgua reta chiu kopa chiu mbaesusere taɨkuegua tɨnɨe güɨnoi vae güi metei ou chekotɨ jare jei cheve: “Eyu kuae pe, taechauka ndeve Vecha kuimbae taɨrusu vae imenda ïrurä vae.”

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”