Apocalipsis 16:4 - Biblia Guarani Tumpa Iñee

⁴ Jare araɨgua mboapɨa opɨyere kopa güɨnoi vae ɨ̈aka reta re jare ɨesaɨ reta re, jare opa oyeapo tugüɨrä.

Nuevo Testamento Guaraní Pe

⁴ Jare iru araɨgua opɨyere jɨru güɨnoi vae ɨ osɨrɨ vae reta jare ɨ jesaɨ vae reta re. Mboapɨ ma oyepɨyere. Jare ɨ osɨrɨ vae reta jare ɨ jesaɨ vae reta oyeapo tugüɨra.

Apocalipsis 16:4 Iomraidhean Croise

SALMOS 78:44

ɨ reta oipoepɨ yave tugüɨ pe, agüɨye vaerä oɨu reta chugüi.

ÉXODO 8:5

YandeYa jei Moisés pe: —Ere Aarón pe: “Eropövee ndepopoka ɨ̈aka reta re, ɨ̈aka raɨ reta jare ɨupa reta re, joko güi oë vaerä pïte reta opaete ɨvɨ Egipto re.”

ISAÍAS 50:2

¿Maera pa ayu yave, mbaetɨ etei kia aväe chupe? ¿Maera pa aporoenɨi tëi yave, mbaetɨ kia ave omoë iñee? Jae reta iyemongeta pe, mbaetɨ potaecha ndipo aepɨ reta, mbaetɨ potaecha ndipo chepuere ayora reta iyeupe. Cheñee peño ko opa amondɨpa ɨguasu jare ɨ̈aka reta opa amotini; jevae ɨ rupigua reta opa omano ɨ oata jeko pegua.

EZEQUIEL 35:8

Jókuae ɨvɨtɨ reta, ɨvɨtɨ päu ipe kavi vae reta jare ɨ̈aka reta tɨnɨeta ñeraro pe omano vae reta jëogüegüe pe.

OSEAS 13:15

Yepe tëi togüɨnoi jeta mbaembae jëtara reta ipɨte pe, outa ɨvɨtuakuvo, yandeYa iɨvɨtuai oyepeyu ñuu kotɨ güi vae, kuae omotinita jare omondɨpata ɨesaɨ reta. Tovaicho reta güɨrajata pembaembae jepɨ yae vae.

Apocalipsis 11:6

Kuae mókoi reve güɨnoi mbaepuere ara re agüɨye vaerä okɨ opaete ara reta Tumpa iñee omoërakua reta ramboeve. Jaeramiño vi güɨnoita mbaepuere ɨ re oyapo vaerä tugüɨrä. Jaeramiño vi güɨnoita mbaepuere oiporarauka vaerä ɨvɨ pegua reta pe oipotagüe tembiporara jae reta ikɨ̈reɨ oyapo rupi.

Apocalipsis 14:7

iñeeäta reve jei: “Peipoɨu Tumpa güi jare pemboete, echa iporojäa iora ou ma oväe. Pemboete ara, ɨvɨ, ɨguasu jare ɨesaɨ reta iyapoa.”

Apocalipsis 16:5

Jare aendu araɨgua ɨ re mbaepuere güɨnoi vae jei: “OreYa Tumpa, nde ko jupi vae, iyɨpɨ güive jare añave reiko vae, Iyoambae vae, echa rejäa opaete mbaembae,