Apocalipsis 16:14 - Biblia Guarani Tumpa Iñee

¹⁴ jae reta ko aña reta iespíritu, mɨakañɨ oyapo vae reta. Jae reta yogüɨraja opaete ɨvɨ rupi mburuvicha guasu reta jëta guasu ñavo rupi omboatɨ oñeraro vaerä Tumpa Imbaepuere yae vae iporojäa iara pe.

Nuevo Testamento Guaraní Pe

¹⁴ Jae reta co aña mɨacañɨ reta ipuere oyapo vae reta. Jae reta yogüɨraja opaete ɨvɨ rupi mburuvicha guasu ñavo oicoa pe. Jae reta omboatɨ opaete mburuvicha guasu reta oñoraro vaera Tumpa opaete mbaepuere güɨnoi vae ndive. Oñoraro retata co jae ndive jocuae Tumpa iara pe.

Apocalipsis 16:14 Iomraidhean Croise

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

1 Timoteo 4:1

Ërei Espíritu Santo omombeu kavi yandeve kërai ara reta taɨkuegua pe amogüe vae oyerovata iporogüɨrovia güi, ojo vaerä espíritu oporombotavɨ vae reta ndive jare aña reta iporomboe rupi,

Apocalipsis 20:8

jayave oëta ombotavɨ vaerä opaetei tëtaguasu reta ɨvɨ pegua, ojota Gog pe jare Magog pe omboatɨ vaerä ñeraro peguarä. Jeta yaeta ko, ɨvɨkuitï ɨguasu jembeɨ pe oï rami.

1 Juan 5:19

Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.

Santiago 3:15

Echa jókuae arakuaa mbaetɨ ko ou Tumpa güi. Ɨvɨ peguaño ko, kuimbae reta iyarakuaaño ko, aña pegua ko.

Apocalipsis 16:16

Jare omboatɨuka reta hebreo iñee pe Armagedón jee vae pe.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

2 Tesalonicenses 2:9

Jókuae ikavimbae iyapoa outa Satanás jembiapo rupi; outa mbaepuere tuichagüe ndive jare mɨakañɨ reta yembotavɨ pegua rupi.

San Marcos 13:22

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

Apocalipsis 3:10

Reyapo che jae ndeve reyapo vaerä vae ndepɨaguasu reve ramo, che roepɨta opaete ɨvɨ pe yogüɨreko vae reta oiporarata oñejäa yave vae güi.

Romanos 1:8

Tenonde ete amee yasoropai Tumpa pe Jesucristo rupi peré, echa jërakua peporogüɨrovia opaete ɨvɨ rupi.

Apocalipsis 16:7

Jare aendu ñee mɨmba oyeyukagüe oyeapɨ oñemeea güi, jei: “Añete ko, oreYa Tumpa Imbaepuere yae vae, neporojäa reta añete ko jare jupi ko.”

Apocalipsis 13:3

Jare aecha metei jókuae mbaemɨmba guasu ɨguasu güi oë vae iñäka ipere omano vaerä etei. Ërei okuera jókuae ipere güi. Jare opaete ɨvɨ pegua reta ipɨakañɨ jókuae mbaemɨmba guasu re,

Apocalipsis 6:17

Echa oväe ma ara Vecha kuimbae taɨrusu vae iyarasɨ yae vaerä, ¿kia pa ipuereta güɨropɨa?

EZEQUIEL 14:9

Metei ñeemombeúa oyembotavɨuka vae omoërakua vae mbaetɨ oyembopo yave, che ko ambotavɨ jókuae ñeemombeúa; che aiporaraukata chupe jare amokañɨta chembae vae reta ipɨte güi.

San Lucas 2:1

Jókuae ara rupi, mburuvicha guasu Augusto César jee vae omee mborookuai opaete vae oyepapauka vaerä.

1 REYES 22:6

Mburuvicha guasu Israel pegua omboatɨ opaete ñeemombeúa reta, oupitɨ cuatrociento rupi, jare oparandu chupe reta: —¿Jaekavi pa aporepeña vaerä tëta Ramot re ɨvɨ Galaad pe ani mbaetɨ pa? Jayave jae reta jei: —Eporepeña jese, echa yandeYa omeeta ndepo pe.

San Mateo 24:14

Jare kuae ñee ikavi vae Tumpa iporookuaía pegua oñemoërakuata opaete ɨvɨ rupi, opaete ɨvɨ pegua reta oendu vaerä. Jayave outa kañɨtei.

JOSUÉ 11:5

Opaete kuae mburuvicha guasu reta oyomboatɨ, jare yogüeru oyembojeyupa ɨupa Merom iyɨvɨri, oñeraro reta vaerä Israel iñemuña reta ndive.