Apocalipsis 15:4 - Biblia Guarani Tumpa Iñee

⁴ ¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”

Nuevo Testamento Guaraní Pe

⁴ Opaete vae oquɨyeta ndegüi, oreYa. Opaete vae omboeteta nderee. Echa ndeño co jae iyoa mbae vae. Opaete ɨvɨ pegua reta yogüeruta nemboete vaera. Echa oyecuaa ma quirai nde reporojaa jupi vae rupi —jei reta.

Apocalipsis 15:4 Iomraidhean Croise

SALMOS 105:7

YandeYa jae ko ñaneTumpa; ¡jae ipo pe ko oï opaete ɨvɨ!

SALMOS 111:9

Oepɨ imbae vae reta, oñono iporogüɨrökuavee päve jekuae avei pegua. Jee ikɨambae jare ikɨɨyea ko.

SALMOS 22:23

Pemboete yandeYa, pe peipoɨu chugüi vae reta, ¡opaete pe Jacob iñemuña reta, pemboete yandeYa! ¡Peipoɨu chugüi, opaete pe Israel iñemuña reta!

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

SALMOS 22:3

Ërei nde ko iyoambae, nde ko Israel iñemuña reta ndemboete vae.

SALMOS 86:9

Opaete tëtaguasu reta nde ko reyapo, yogüeruta omee mbaemboete ndeve cheYa, jare omboete yae retata nderee.

SALMOS 89:7

Tumpa kɨɨyea araɨgua reta ipɨte pe, tuicha yae opaete iyɨ́vɨri rupi ñogüɨnoi vae reta pe.

SALMOS 97:8

CheYa Tumpa, Sión jare tëta reta Judá pegua oyerovia yae mborookuai remee vae re;

SALMOS 99:5

¡Pembotuicha yandeYa Tumpa, peyetavatɨka petindɨasi reve jóvai! ¡Tumpa ko Iyoambae!

SALMOS 99:9

Pembotuicha yandeYa Tumpa, ¡peyetavatɨka chupe iɨvɨtɨ oñeñono tee vae jóvai! ¡YandeYa Tumpa ko Iyoambae!

ISAÍAS 24:15

Opaete kuaekuae re pemboete yandeYa, kuaraɨ oëa kotɨgua reta, ɨguasu päu rupigua reta pemboete yandeYa, Tumpa Israel pegua.

ISAÍAS 25:3

Jáeramo ko, tëta imbaepuere yae vae reta ndemboete, jare kuimbae reta jëia vae, oipoɨu ndegüi.

ISAÍAS 26:9

Pɨ̈tu yave cheä-yekɨi nderé, aikove aiko ramboeve roekata ndeimbove voi, opaete chepɨa ndive ko roeka. Nde rejäa yave ɨvɨ pegua reta, kuimbae reta oikuaata jupi vae.

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

ISAÍAS 60:5

Reechata jare reyerovia yaeta, nepɨakañɨ yaeta; echa güeru retata ndeve mbaeyekou reta tëtaguasu reta ɨguasu jembeɨ rupigua güi, güeru retata ndeve ïru tëtaguasu reta imbaeyekou reta.

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

HABACUC 1:12

CheYa Tumpa, ¿jaeä pa ko nde reiko avei vae cheTumpa Iyoambae omanombae vae? CheYa, ita guasu cheñepɨ̈roa, nde remee Caldeaɨgua pe neporojäa, remopüa jae reta oiporarauka vaerä.

ZACARÍAS 14:16

Jare opaete oikoveño yogüeru oporepeña Jerusalén re vae reta, oyeupita año ñavo omboete vaerä Mburuvicha guasu, yandeYa Imbaepuere yae ete vae jare omboareteta o ñairaka pegua.

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

Romanos 15:9

judiombae vae reta omboete vaerä vi Tumpa, jae iporoparareko re, Tumpaa Iñee oyekuatía oï rami: “Jáeramo, che toromboete judiombae vae reta ipɨte pe. Tatairari ndeve.”

1 Pedro 1:16

echa oyekuatía oï körai: “Peiko tee mbaeyoa güi, echa che ko iyoambae.”

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 14:7

iñeeäta reve jei: “Peipoɨu Tumpa güi jare pemboete, echa iporojäa iora ou ma oväe. Pemboete ara, ɨvɨ, ɨguasu jare ɨesaɨ reta iyapoa.”

Apocalipsis 16:5

Jare aendu araɨgua ɨ re mbaepuere güɨnoi vae jei: “OreYa Tumpa, nde ko jupi vae, iyɨpɨ güive jare añave reiko vae, Iyoambae vae, echa rejäa opaete mbaembae,

Apocalipsis 16:7

Jare aendu ñee mɨmba oyeyukagüe oyeapɨ oñemeea güi, jei: “Añete ko, oreYa Tumpa Imbaepuere yae vae, neporojäa reta añete ko jare jupi ko.”

Apocalipsis 19:2

Echa iporojäa reta añete jare jupi ko; echa jae ojäa jókuae kuña iyaguasa pota vae, opa güɨrokomegua opaete ɨvɨ pegua reta iyaguasa pota pe, ërei Tumpa oyepɨ ma jembiokuai reta imano re.”

Apocalipsis 19:8

Jembirekorä vae pe oñemee ma temimonde lino ikavigüe, ikɨambae jare jembipe vae. Echa lino ikavi vae ko jae oporogüɨrovia vae reta jeko jupi vae.”

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei:

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!