Apocalipsis 13:5 - Biblia Guarani Tumpa Iñee

⁵ Oñemee vi chupe jei vaerä mbae tuichagüe jare ñee ikavimbae vae Tumpa kotɨ. Oñemee chupe mbaepuere oyapo vaerä jókuae ikavimbae cuarenta y dos yasɨ.

Nuevo Testamento Guaraní Pe

⁵ Jare Tumpa omaeño jocuae iru maemɨmba guasu re oñemboete yae vaera jare jei vaera icavi mbae vae Tumpa cotɨ. Jare oñemee chupe mbaepuere jocorai oyapo vaera cuarenta y dos yasɨ.

Apocalipsis 13:5 Iomraidhean Croise

SALMOS 12:3

YandeYa omokañɨteita opaete iñee-yukɨ imiari vae reta, oyembotuicha reve imiari vae,

EZEQUIEL 35:13

Pe reta peyembotuicha chekotɨ peñee rupi, jeta ñee ikavimbae pere chekotɨ. Che aendu ko.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 12:12

Oyeroviata ko jókuae ipɨaguasu reve kavi oäro vae, oupitɨ regua mil tresciento treinta y cinco ara.

DANIEL 7:11

Jayave che amae jókuae mbaeporou jäti jeta mbaembae ikavimbae jei vae oyeendu jeko pegua; amae aï oyuka reta regua jókuae mbaeporou jare jete opaetei oyembojaɨ jaɨ, javoi oitɨ reta tata pe opa vaerä ókai.

DANIEL 7:20

Aipota tëi vi aikuaa kavi jókuae payandepo jäti reta regua jare jäti michi vae, oime jesa güɨnoi vae jare jeta mbaembae ikavimbae jei vae re, echa tuichaecha oyekuaa ïru reta güi, jare mbaeporou mboapɨ jäti opa oyeakɨo chugüi oeya vaerä jókuae jäti michi vae jendarä.

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

DANIEL 8:14

Jare jae jei chupe körai: ‘Dos mil tresciento ara regua. Jókuae jaɨkue rupi o mbaemboetea oyetɨo yeta.’

2 Tesalonicenses 2:3

Ërei agüɨye pemaeño kia re kërai ave yepe tapembotavɨ. Echa jókuae ara, ngaraa ou ndei ou mbove yembopɨapochɨ Tumpa kotɨ vae iara, jare kuimbae mbaeyoa pegua oyekuaata vae, okañɨteita vae.

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

Apocalipsis 11:7

Jare opa ma Tumpa regua omoërakua yave, jókuae mbaeporou ɨvɨkua guasu güi oë vae oñerarota ikotɨ reta jare omoamɨri retata jare oyukata.

Apocalipsis 12:14

Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.

Apocalipsis 12:6

Jare jókuae kuña otekuarai ñuu kotɨ, echa joko pe Tumpa omokätɨro chupe jendarä. Jare joko pe omongaru retata kuña mil dosciento sesenta ara rupi.

Apocalipsis 13:7

Jare Tumpa omaeño jese oñeraro vaerä oporogüɨrovia vae reta kotɨ jare omoamɨri vaerä. Oñemee vi chupe mbaepuere opaete ñemuña, tëta reta, ñee ambuae mbuae jare tëtaguasu reta re.