Apocalipsis 13:16 - Biblia Guarani Tumpa Iñee

¹⁶ Jare oyókuai opaete vae, michia reta, okuakuaa vae reta, oikokatu vae reta, iparavete vae reta, tembiokuaimbae reta jare tembiokuai reta güɨnoi vaerä metei kañɨmaa ipo iyakatu re ani jesɨva re.

Nuevo Testamento Guaraní Pe

¹⁶ Jare oyócuai opaete vae - michia reta jare ocuacuaagüe reta, oicocatu vae reta jare paravete vae reta, mbaeti oyeócuai vae reta jare oyeócuai vae reta - güɨnoi vaera metei marca ipo iyacatu re ani jesɨva re.

Apocalipsis 13:16 Iomraidhean Croise

2 CRÓNICAS 15:13

Jare kia nunga vae mbaetɨ oeka yandeYa Israel iTumpa vae yave omano vaerä, okuakuaa vae ani michia, kuimbae ani kuña.

JOB 34:19

Jae mbaetɨ oñeñono mburuvicha reta ndive, mbaetɨ vi omborɨ oikokatu vae reta paravete vae reta güi, echa jae jembiapo ko opareve.

SALMOS 115:13

iporerekuata ko oipoɨu chugüi vae reta re, paravete vae reta re jare oikokatu vae reta re.

SALMOS 49:2

iyemboetea vae reta jare iyemboeteambae reta, oikokatu vae reta jare paravete vae reta.

ÉXODO 13:9

Kuae toiko pepoapɨ re ani peresɨva re mbae ikañɨmaa vae rami, pemaendúa avei vaerä yandeYa iporookuai re; jae perenoe imbaepuere yae ete rupi Egipto güi vae jeko pegua.

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

ZACARÍAS 13:6

Jare oparanduta chupe: ‘¿Këraiägua pa ndepere ndepo pe?’ Jare jae jeita: ‘Chevɨa-ïru reta ko chembopere cherëta pe.’ ”

Hechos 26:22

Ërei Tumpa chemborɨ ramo, oimeño aikove kuae ara. Chemiari michi vae reta pe jare tuichagüe reta pe, mbaetɨ ambuaeyee jae Moisés jare ñeemombeúa reta jei oikota vae re:

1 Corintios 12:13

echa metei Espíritu Santo rupi yayembobautisa opaete, Cristo jete yayeapo vaerä. Judío reta ani judiombae vae reta, tembiokuai ani tembiokuaimbae vae reta. Jare opaete vae yaɨu metei vae Espíritu Santo güi.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Gálatas 6:17

Añave güive agüɨye kia tachemoambeko. Echa cherete re anoi chepere reta vae oikuaauka, yandeYa Jesús jembiokuai ko che vae.

Efesios 6:8

Peikuaa kuae: Oyeokuai vae ani oyeokuaimbae vae oyapo mbae ikavi vae yave, yandeYa omeeta chupe mbae ikavi vae oyapo rupi.

DEUTERONOMIO 11:18

Jáeramo, peñono kuae ñee reta pepɨa pe, jare peñapɨti ikañɨmaa vaerä pepoapɨ re jare peresɨva re.

DEUTERONOMIO 6:8

Jare ikañɨmaa vaerä peñapɨtita pepoapɨ re jare peresɨva re, pemomaendúa avei vaerä;

Colosenses 3:11

Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.

2 Timoteo 3:8

Imbaekuaa vae Janes jare Jambres oyovaicho Moisés ndive rami, jökorai vi kuae kuimbae reta oyovaicho añete vae ndive, pɨ̈chɨi vae reño oyemongeta reta, iporogüɨrovia opa omokañɨ vae reta.

Apocalipsis 11:18

Jare tëtaguasu reta iyarasɨ. Ërei ndearasɨ oväe ma rejäa vaerä omanogüe reta, jare remboekovia vaerä nderembiokuai ñeemombeúa reta, oporogüɨrovia vae reta, jare omboete nderee vae reta michia reta jare okuakuaa vae reta, jare remboai vaerä ɨvɨ omboai vae reta.”

Apocalipsis 15:2

Aecha vi ɨguasu vidrio rami vae tata ndive oyea vaeecha vae. Jare jókuae mbaemɨmba guasu ɨguasu güi oë vae jare iä jare ikañɨmaa jare jee inúmero omoamɨri vae reta oyemboɨ ñogüɨnoi jókuae ɨguasu vidrio rami vae re, güɨnoi reve arpa reta Tumpa omee chupe reta vae.

Apocalipsis 19:18

peu vaerä mburuvicha guasu reta isoogüe, sundaro ruvicha reta isoogüe, kuimbae jëia yae vae reta isoogüe, kavayu reta isoogüe, kavayu regua reta isoogüe, opaete vae reta isoogüe: Tembiokuai jare tembiokuaimbae isoogüe, michia reta jare okuakuaa vae reta isoogüe!”

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 19:5

Jare oë metei ñee Tumpa iguapɨa güi jei: “Pemboete ñaneTumpa, pe opaete jembiokuai reta jare oipoɨu chugüi vae, michia reta jare okuakuaa vae reta.”

Apocalipsis 20:12

Jare aecha omanogüe reta oyemboɨ ñogüɨnoi Tumpa jóvai, okuakuaa vae reta jare michia reta. Jare tembikuatía reta oyepea, jare oyepea ïru tembikuatía, jae ko tembikuatía tekove pegua. Jare omanogüe reta oñejäauka jembiapo reta tembikuatía reta pe oyekuatía oï rupi.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.

Apocalipsis 6:15

Jare mburuvicha guasu reta ɨvɨ pegua, mburuvicha reta, oikokatu vae reta, sundaro ruvicha reta, mbaepuere güɨnoi vae reta, jare opaete tembiokuai reta jare opaete tembiokuaimbae reta oñemi ɨvɨkua reta rupi jare itakua ɨvɨtɨ rupigua reta rupi;

Apocalipsis 7:3

jei reve: “¡Agüɨye perokomegua ɨvɨ jare ɨguasu jare ɨvɨra reta, ndei ñaneTumpa jembiokuai reta jesɨva romokañɨmaa mbove!”