Apocalipsis 12:9 - Biblia Guarani Tumpa Iñee

⁹ Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 12:9 Iomraidhean Croise

GÉNESIS 3:1

Ërei ngatu mboi oasa ipoki oporombotavɨ vaerä opaete ïru mbaemɨmba reta ñana rupigua yandeYa Tumpa oyapogüe güi. Jare kuae mboi jei kuña pe: —¿Tumpa jei pa jayave peve agüɨye vaerä peu opaete ɨvɨra reta kó pegua iagüe?

GÉNESIS 3:13

Jayave yandeYa Tumpa jei kuña pe: —¿Maera pa ko kuae reyapo? Kuña jei Tumpa pe: —Mboi ko chembotavɨ, jare jau.

1 CRÓNICAS 21:1

Satanás oñemopüa Israel iñemuña reta re jare omokɨ̈reɨ David ipɨa pe oipapa vaerä Israel iñemuña reta.

2 CRÓNICAS 18:21

Jare jae jei chupe: “Ajata amee ñee apu pegua opaete ñeemombeúa mburuvicha guasu pe oyeokuai vae reta pe.” Jare yandeYa jei: “Ekua eyapo jökorai jare embotavɨuka.”

SALMOS 109:6

Emopüa chupe reta jupimbae vae, Satanás toï iyakatu pe.

ISAÍAS 14:12

¡Maera pa ko rea ara güi, yasɨtata köembiya, jembipeasɨ köe-pota yave vae! Reyeitɨuka ɨvɨ re, nde remoamɨri yepi tëtaguasu reta vae.

ISAÍAS 27:1

Jókuae ara yandeYa oyukata ikɨsepuku täta yae vae, yavaete jare tuicha vae pe Leviatán jee vae, mboi guasu iñäkua yae vae, ipire jaimbe vae; oyukata jókuae mbaeporou ɨguasu pe oï vae.

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

EZEQUIEL 28:16

Jeta yae remaemee vae jeko pegua reyembopɨapochɨ jare ndeyoa. Jáeramo rogüɨnoe romombo cheɨvɨtɨ güi, romombo yasɨtata reta ipɨte güi, nde querubín reporoangarekose vae.

San Mateo 13:39

Jókuae, ko iya jovaicho trigoraanga oñotɨ vae oyembojaanga aña guasu re. Mbaepoo oyembojaanga kuae ɨvɨ iyapɨta vae re. Ombaepoo vae reta oyembojaanga araɨgua reta re.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 4:1

Jayave Espíritu Santo güɨraja Jesús ñuu pe. Jare joko pe aña guasu omomiari oyavɨuka vaerä tëi chupe.

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Mateo 4:5

Jayave aña guasu güɨraja Jesús tëta guasu Jerusalén pe jare omboyeupi tupao iyapɨte re.

San Mateo 4:8

Jayave aña guasu jekuae güɨraja ye Jesús metei ɨvɨtɨ guasu ɨvate yae vae re, jare oechauka chupe opaete ɨvɨ pegua mborookuaía reta, iyemboetea reve reve.

San Lucas 10:18

Jayave Jesús jei chupe reta: —Che aecha Satanás oa ara güi ama-vera rami.

San Lucas 13:16

Mase, kuae kuña Abraham iñemuña pegua ko. Ërei Satanás dieciocho año ma omombaerasɨ. ¿Mbaetɨta pa jaekavi oyembogüera vaerä kuae mbaerasɨ güi ara mbutuu pe?

San Lucas 22:3

Jayave Satanás oya Judas Iscariote re, jae ko doce vae reta güi metei.

San Lucas 22:31

YandeYa jei Simón pe: —Simón, Simón, mase, Satanás oyerure ma peré, pemboyao vaerä trigo oyembogua rami.

San Lucas 8:12

Jókuae temitɨ tape rupi oa vae oyembojaanga amogüe Tumpa iñee oendu vae reta re. Javoi ou aña guasu oekɨ ipɨa güi Tumpa iñee, agüɨye vaerä güɨrovia jare oyemboasauka reta.

San Juan 12:31

Oväe ma ara oñejäa vaerä ɨvɨ pegua reta. Aña, kuae ɨvɨ juvicha oyemombo ma ko.

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

San Juan 16:11

Jare morojäa regua oikuaaukata, echa aña kuae ɨvɨ juvicha oñejäauka ma.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Hechos 5:3

Jayave Pedro jei chupe: —Ananías, ¿maera pa remaeño Satanás güɨnoi mbaepuere nderé, ndeapu vaerä Espíritu Santo pe jare reekɨ ndeyeupe ndeɨvɨ jepɨgüe güi?

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

2 Corintios 11:14

Ërei agüɨye ñanepɨakañɨ kuae re, echa Satanás etei ipuere oyemonde Tumpa iaraɨgua rami.

2 Corintios 11:3

Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

2 Corintios 12:7

Jáeramo, yandeYa oechauka cheve mbaembae tuichagüe vae rupi agüɨye vaerä oasa ete ayembotuicha, ou cheve metei yuu yanderete re oï vae rami vae, jae ko Satanás jembiokuai oiporarauka cheve vae.

2 Corintios 2:11

agüɨye vaerä Satanás ñanemoamɨri, echa yaikuaa kavi ko jae iñuai.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

2 Tesalonicenses 2:3

Ërei agüɨye pemaeño kia re kërai ave yepe tapembotavɨ. Echa jókuae ara, ngaraa ou ndei ou mbove yembopɨapochɨ Tumpa kotɨ vae iara, jare kuimbae mbaeyoa pegua oyekuaata vae, okañɨteita vae.

1 Timoteo 2:14

Adán mbaetɨ ko oyembotavɨuka, kuña ko oyembotavɨuka. Jare oyembotavɨuka ramo oa mbaeyoa pe.

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

Hebreos 2:14

Opaete taɨ reta ɨvɨ pegua reta ko, jáeramo Jesús etei vi oyeapo ɨvɨ peguarä, imano rupi omoamɨri vaerä aña guasu güɨnoise mbaepuere mano re vae,

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

1 Juan 5:19

Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.

Judas 1:9

Ërei araɨgua tenondegua Miguel etei oñoraro yave aña guasu ndive oyoaka reve Moisés jetegüe re, oipoɨu omboeko vaerä aña guasu. Jaeño jei chupe: “YandeYa toñeengata ndeve.”

Apocalipsis 12:12

¡Jáeramo, peyerovia ara jare pɨpegua reta! ¡Ërei paravete ɨvɨ pegua reta jare ɨguasu pegua reta! ¡Echa aña guasu ogüeyɨ ma peve iyarasɨ yae reve, echa jae oikuaa michi peguaño ma oikota!”

Apocalipsis 12:3

Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jäti jare iñäka ñavo re güɨnoi äka-regua.

Apocalipsis 12:7

Javoi Miguel jare iaraɨgua reta ndive täta oñeraro ara pe jókuae mbaeporou ndive. Mbaeporou jare iaraɨgua oñeraro,

Apocalipsis 12:8

ërei jae reta mbaetɨ ipuere oporomoamɨri jare mbaetɨ ma jendarä ara pe.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 16:14

jae reta ko aña reta iespíritu, mɨakañɨ oyapo vae reta. Jae reta yogüɨraja opaete ɨvɨ rupi mburuvicha guasu reta jëta guasu ñavo rupi omboatɨ oñeraro vaerä Tumpa Imbaepuere yae vae iporojäa iara pe.

Apocalipsis 18:2

Jare osapúkai reve jei: “Oa ma, oa ma Babilonia guasu. Opɨta aña reta jëtarä, opaete espíritu ikɨa vae oikoarä. Güɨra oyeumbae jare oñereröɨro vae jëtarä.

Apocalipsis 18:23

Jaeramiño vi ngaraa ye ma jendɨ ndepɨpe mechero, ani kia omenda vae iarete. Echa omaemee yepi joko pe vae reta tuichagüe reta yepi, echa ndepaye reta rupi rembotavɨ opaete tëtaguasu reta.”

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 2:13

‘Che aikuaa opaete reyapogüe reta jare kia pe reiko vae, Satanás jenda mborookuaía pegua oïa pe. Ërei pe reta jekuaeño perovia cheré jare mbaetɨ chekuaku, Antipas chemombeu kavi vae oyeyukauka jókuae Satanás oikoa pe ave.

Apocalipsis 2:24

Ërei pe reta jare opaete Tiatira pe peï vae reta, mbaetɨ jókuae mboromboe omomoe vae reta, jare mbaetɨ oikuaa Satanás iporomboe tɨpɨ yae vae reta, che yae peve mbaetɨta ma amoïru mborookuai,

Apocalipsis 2:9

‘Che aikuaa opaete reyapogüe reta, jare kërai reiporara jare ndeparavete vae (ërei reikokatu ko); aikuaa vi kërai jókuae judío jei iyeupe vae reta jei ñee ikavimbae vae ndekotɨ vae, ërei jae reta ko oyeapo Satanás imbae reta.

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.

Apocalipsis 20:8

jayave oëta ombotavɨ vaerä opaetei tëtaguasu reta ɨvɨ pegua, ojota Gog pe jare Magog pe omboatɨ vaerä ñeraro peguarä. Jeta yaeta ko, ɨvɨkuitï ɨguasu jembeɨ pe oï rami.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.

Apocalipsis 9:1

Jayave araɨgua pandepoa omoñee mimbɨguasu, jare aecha metei yasɨtata oa ara güi ɨvɨ pe; jare oñemee chupe ɨvɨkua guasu illave.

Apocalipsis 9:20

Jare opaete ɨvɨ pegua reta mbaetɨ omano kuae mbaembae rupi vae, mbaetɨ oyepoepɨ jembiapo reta ikavimbae güi, mbaetɨ vi oeya mbaemboete aña reta pegua jare tumpa-raanga oro pegua, korepoti pegua, jiero iyu vae pegua, ita pegua jare ɨvɨra pegua; yepe tëi jókuae tumpa-raanga reta mbaetɨ omae, mbaetɨ oendu ani oguata;