Apocalipsis 12:3 - Biblia Guarani Tumpa Iñee

³ Jare oyekuaa vi ara re ïru mbae tuichagüe, jae ko: Metei mbaeporou tuichagüe pɨ̈ta vae. Güɨnoi chiu iñäka, payandepo jäti jare iñäka ñavo re güɨnoi äka-regua.

Nuevo Testamento Guaraní Pe

³ Jare oyecuaa ye ara re iru chepɨacañɨ yae jese vae. Jae co metei maemɨmba guasu pɨta vae. Siete co iñaca reta jare diez jati reta. Jare iñaca ñavo re güɨnoi iñaca regua.

Apocalipsis 12:3 Iomraidhean Croise

ISAÍAS 27:1

Jókuae ara yandeYa oyukata ikɨsepuku täta yae vae, yavaete jare tuicha vae pe Leviatán jee vae, mboi guasu iñäkua yae vae, ipire jaimbe vae; oyukata jókuae mbaeporou ɨguasu pe oï vae.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

ISAÍAS 9:15

(Iñäka ombojaanga ko tenondegua reta jare mburuvicha reta re, juguai ombojaanga ko ñeemombeúa reta oporomboe apu re vae reta re.)

DANIEL 2:41

Jare ipɨ reta jare ipɨ̈sa reta reecha vae, jiero oyea ñaeu oyɨgüe ndive oñaeu-apo vae jembiapo rami vae; jae ko, metei mborookuaía oyemboyaota vae; ërei oimeta jese täta ave jiero rami, jókuae jiero reecha oyea ñaeu oyɨgüe ndive rami vae.

DANIEL 2:42

Jare ipɨ̈sa reta oyea jiero jare ñaeu oyɨgüe ndive ramo, jókuae mborookuaía oimeta täta vae, ërei oimeta vi mbaetɨ etei täta vae.

DANIEL 7:20

Aipota tëi vi aikuaa kavi jókuae payandepo jäti reta regua jare jäti michi vae, oime jesa güɨnoi vae jare jeta mbaembae ikavimbae jei vae re, echa tuichaecha oyekuaa ïru reta güi, jare mbaeporou mboapɨ jäti opa oyeakɨo chugüi oeya vaerä jókuae jäti michi vae jendarä.

DANIEL 7:24

Payandepo mbaeporou jäti reta vae jae ko, payandepo mburuvicha guasu reta oporookuaita jókuae mborookuaía pe vae. Jókuae reta jaɨkue rupi jekuae ïru vae oyeupi yeta mborookuaía pe, kuae ambuaeyee yaeta tenondegua reta güi, jare omboaita mboapɨ, jókuae tenondegua mburuvicha reta güi.

Apocalipsis 12:1

Jare oyekuaa ara re mbae tuichagüe, jae ko: Metei kuña kuaraɨ pe oyemonde rami, jare oyemboɨ oï yasɨ iárambo, jare iñäka re äka-regua doce yasɨtata güɨnoi vae.

Apocalipsis 12:13

Jare jókuae mbaeporou oikuaa yave oyemombouka ma ko ɨvɨ pe, oaɨkuemoña jókuae kuña imembɨ kuimbae vae.

Apocalipsis 12:17

Jayave mbaeporou pochɨ kuña pe, jare ojo oñeraro kuña iñemuña reta jembɨregüe ndive, jókuae Tumpa iporookuai reta jei vae oyapo vae reta jare güɨrovia Jesucristo re vae reta.

Apocalipsis 12:4

Jare júguai pe ombotɨrɨrɨ mbɨte seri yasɨtata reta, jare omombo ɨvɨ re. Jare jókuae mbaeporou guasu oyemboɨ kuña imembɨ oata oï vae jóvai, opa vaerä jou imembɨ chugüi oa rupive.

Apocalipsis 12:7

Javoi Miguel jare iaraɨgua reta ndive täta oñeraro ara pe jókuae mbaeporou ndive. Mbaeporou jare iaraɨgua oñeraro,

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 13:1

Ayemboɨ ɨguasu jembeɨ pe ɨvɨkuitï pe, jare aecha mbaemɨmba guasu oë ɨguasu güi, güɨnoi chiu iñäka, payandepo jäti jare jókuae jäti ñavo re güɨnoi äka-regua. Jare iñäka re güɨnoi tee ikavimbae Tumpa kotɨ vae.

Apocalipsis 13:2

Jare jókuae mbaemɨmba guasu aecha vae metei yaguaparaecha, jare ipɨ oso ipɨecha, jare iyuru yaguapope iyuruecha. Jare mbaeporou guasu tenonde aecha vae omee chupe imbaepuere jare iguapɨa mburuvicha pegua.

Apocalipsis 13:4

jare omboete reta mbaeporou guasu omee mbaepuere mbaemɨmba guasu pe vae. Jaeramiño vi omboete reta jókuae mbaemɨmba guasu, jei reve: “Mbaetɨ yé ko kia kuae mbaemɨmba guasu rami vae. ¿Kia pa ipuereta oñeraro jae ndive?”

Apocalipsis 15:1

Aecha oyekuaa ye ara re ïru mbae tuichagüe jare ñanemopɨakañɨ vae, jae ko: Chiu araɨgua chiu mbaesusere taɨkuegua güɨnoi vae reta. Echa jókuae reta rupi iyapɨta Tumpa iyarasɨ.

Apocalipsis 16:13

Jare aecha oë mbaeporou iyuru güi, mbaemɨmba guasu iyuru güi jare ñeemombeúa raanga iyuru güi mboapɨ espíritu ikɨa vae pïte rami vae;

Apocalipsis 17:12

Jare jókuae payandepo jäti reecha vae oyembojaanga payandepo mburuvicha guasu reta re. Kuae payandepo reve ndeiño güɨnoi iporookuaía. Ërei güɨnoi retata mbaepuere yogüɨreko vaerä mburuvicha guasu retarä metei ora pegua jókuae mbaemɨmba guasu ndive.

Apocalipsis 17:16

Jare jókuae payandepo jäti reecha mɨmba guasu re vae omotareɨta jókuae kuña iyaguasa vae, omombota oeya inandi reve; jouta kuña isoo jare oapɨ tata pe;

Apocalipsis 17:7

Jayave araɨgua jei cheve: “¿Maera pa nepɨakañɨ? Tamombeu ndeve yaikuaambae vae kuña regua, mbaemɨmba guasu kuña ou jese vae regua, jókuae chiu iñäka jare payandepo jäti.

Apocalipsis 19:12

Jesa tata jendɨ vae rami ko, jare iñäka re güɨnoi jeta äka-regua reta. Jare oyekuatía oï jese metei tee, mbaetɨ kia oikuaa vae, jaeño etei oikuaa.

Apocalipsis 20:2

Jare oipɨɨ jókuae mbaeporou guasu, mboi ñɨma vae, jae ko aña guasu Satanás. Jare oipokua mil año pegua.