Apocalipsis 10:3 - Biblia Guarani Tumpa Iñee

³ Jayave täta osapúkai metei yaguapope oñee rami. Jare osapúkai yave, jɨapu ara chiu vese.

Nuevo Testamento Guaraní Pe

³ Jayave tanta osapúcai metei yaguapope oñee rami. Jare araɨgua osapúcai ma yave, jɨapu ara siete vese.

Apocalipsis 10:3 Iomraidhean Croise

SALMOS 29:3

YandeYa iñee oyeendu ɨguasu iárambo, Tumpa iyemboetea vae jɨapu; ¡yandeYa oï ɨguasu reta iárambo!

PROVERBIOS 19:12

Mburuvicha guasu iyarasɨ, yaguapope pochɨ vae iñee rami, ërei ipɨakavi, ɨsápɨi oa ñana re rami.

ISAÍAS 31:4

YandeYa jei cheve körai: “Yaguapope ani yaguapope raɨ oñee jembia iárambo vae mbaetɨ okɨɨye, yepe tëi vecha iyangarekoa reta oyomboatɨ oiämondo vaerä isapúkai pe, ngaraa oñeiämondouka chupe reta, jökoraita ko yandeYa Imbaepuere yae ete vae ou oepɨ tëta imbae vae ɨvɨtɨ Sión re.

ISAÍAS 42:13

YandeYa oëta, metei jëia yae ñeraro regua vae rami, jare oñerarota, ñeraro regua yavaetegüe rami; osapúkai pukaita jare omoamɨrita jovaicho reta.

ISAÍAS 5:29

yaguapope oñee rami, osapúkai retata, yaguapope raɨ oñee rami, ombokɨrɨrɨuta jäi oipɨɨ jembia vae rami, güɨraja jare mbaetɨta kia ipuere opɨ̈ro chugüi rami.

JEREMÍAS 25:30

Nde, Jeremías, emoërakua opaete kuaekuae reta. Ere chupe reta: ‘CheYa iñeeäta ɨvate güi, jae oikoa ikɨambaea güi. Imbae vae reta kotɨ iñeeäta; uva oitɨami vae itairari, otairarita opaete ɨvɨ pegua reta kotɨ.

EZEQUIEL 10:5

Araɨgua querubín reta ipepo jɨapu oyeendu oka ikatu pegua pe. Tumpa Imbaepuere yae ete vae imiari oï rami.

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

JOEL 3:16

YandeYa iñeeäta ɨvɨtɨ Sión güi yave, jae ko Jerusalén pe, ara jare ɨvɨ okanata. Erei yandeYa ko Israel iñemuña reta iñepïroka, jae ko tëta imbae vae iyeroviaka.

AMÓS 1:2

Amós jei: YandeYa iñeeäta yave ɨvɨtɨ Sión güi, jae ko Jerusalén, kapii jenda opa ipiru jare ɨvɨtɨ Carmelo jee vae pe ñana opa vi ipiru.

AMÓS 3:8

Yaguapope oñee yave, ¿kia pa mbaetɨta okɨɨye? YandeYa Tumpa omoë iñee yave, ¿kia pa mbaetɨta imiari jese?

Apocalipsis 14:2

Jare aendu ñee ara güi täta jɨapu jeta ɨ vae jɨapu rami jare ararɨapu täta vae rami. Jókuae ñee jeta vae arpa imbopúa reta ombopu vae rami.

Apocalipsis 15:1

Aecha oyekuaa ye ara re ïru mbae tuichagüe jare ñanemopɨakañɨ vae, jae ko: Chiu araɨgua chiu mbaesusere taɨkuegua güɨnoi vae reta. Echa jókuae reta rupi iyapɨta Tumpa iyarasɨ.

Apocalipsis 15:7

Jare jókuae irundɨ oikove vae reta güi metei omee jókuae chiu araɨgua reta pe chiu kopa oro pegua, jókuae kopa reta tɨnɨe Tumpa iyarasɨ pe, jae ko oiko jekuaekuae avei rupi vae.

Apocalipsis 4:5

Jare jókuae tenda güi oë ama-vera, ararɨapu jare ñee reta. Jare jókuae tenda jóvai chiu mechero jendɨ ñogüɨnoi, jae ko Espíritu Santo chiu jembiapo güɨnoi vae.

Apocalipsis 8:5

Jayave araɨgua oipɨɨ ikäti kavi vae incienso oyeapɨ pɨpe vae jare omotɨnɨe tätapɨi jendɨ vae pe mɨmba oyeyuka oyeapɨ jese vae güi, jare omombo ɨvɨ re, jare oyeendu ararɨapu, ñee reta, ama-vera jare ɨvɨkana.