Apocalipsis 10:1 - Biblia Guarani Tumpa Iñee

¹ Jare aecha ogüeyɨ ara güi araɨgua imbaepuere yae vae oñeova amapɨtu pe jare iñäka re yɨɨ, jova jembipeasɨ kuaraɨ rami jare itɨma reta tata jɨsɨ vae rami.

Nuevo Testamento Guaraní Pe

¹ Jare aecha iru araɨgua ipɨrata yae vae ogüeyɨ ou ara güi. Jemimonde co jae metei amapɨtu jare iñaca re oi metei yɨɨ. Jova cuaraɨ echa jare ipɨ reta mócoi tata jendɨ vae echa.

Apocalipsis 10:1 Iomraidhean Croise

SALMOS 104:3

Reñono reikoa ɨguasu iárambo, jare reñono amapɨtu reta nekäretourä, ɨvɨtu re reguata.

SALMOS 97:2

Amapɨtu pɨtumimbi vae oñova güɨnoi; iguapɨa imomɨ̈rataa jae ko mbaejupi jare añete vae,

ÉXODO 16:10

Aarón imiari ramboeve Israel iñemuña reta ndive, omae reta ñuu kotɨ jare oecha reta yandeYa iyemboetea jembipe oyekuaa amapɨtu re.

CANTARES 5:15

itɨmaka reta, okɨta ita mármol jee vae pegua, oguapɨ oro oyeambae vae re rami; puku kavi ɨ̈vɨrare Líbano pegua rami.

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

ISAÍAS 54:9

“Jáeramo, Noé oiko yave ramita, Noé pe añererökuavee cheree ae re, ngaraa ye ma ɨvɨ opa amboai vaerä ɨ pe, jökorai vi añave, añererökuavee cheree ae re, ngaraa ye ma chearasɨ ndekotɨ, ngaraa ye ma añeengata ndeve.

LAMENTACIONES 3:44

Reñeova amapɨtu pe, agüɨye vaerä oreyerure reendu.

EZEQUIEL 1:28

Okɨ yave yɨɨ oyekuaa ara re rami jembipeasɨ iyɨ́vɨri. Jökorai oyekuaa yandeYa iyemboetea. Kuae aecha yave, ayetavatɨka jare chetindɨasɨ ɨvɨ re, javoi aendu metei ñee.

DANIEL 10:6

Jete jembipeasɨ ita ikavi vae berilo rami, jova jendɨasɨ ama-vera rami, jesa reta tata jendɨ rami, iyɨva jare ipɨ reta jiero iyu vae oyemboembipeasɨ vae rami, jare iñee jɨapu, jeta vae iñee jɨapu oyeendu rami.

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

LEVÍTICO 16:2

YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

San Lucas 21:27

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

Hechos 26:13

Cheruvicha guasu, ërei kuaraɨ ara mbɨte ma oï yave tape rupi aja ramboeve, aecha metei tembipe ara güi jembipeasɨ yae kuaraɨ güi vae. Ou cheré jare cherupíe yogüɨraja vae reta re.

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 18:1

Jare kuae jaɨkue rupi aecha ïru araɨgua ogüeyɨ ou ara güi imbaepuere yae reve, jare ɨvɨ jembipe jókuae araɨgua jembipe pe.

Apocalipsis 18:21

Jayave metei araɨgua imbaepuere yae vae oipɨɨ metei ita, ita tuicha vae oyembaeso pɨpe rami vae, jare omombo ɨguasu pe jei reve: “Köraita rea tätagüe tëta guasu Babilonia. Ngaraa ye ma kia ndereecha.

Apocalipsis 20:1

Jare aecha metei araɨgua ogüeyɨ ou ara güi, güeru ɨvɨkua guasu illave, jare ipo pe metei karena tuicha vae.

Apocalipsis 4:3

Joko pe oguapɨ oï vae ita ipöra yae vae reta jaspe jare cornalina jee vae rami oyekuaa. Jare jókuae tenda iyɨ́vɨri rupi oï yɨɨ ita ipöra yae vae esmeralda rami vae.

Apocalipsis 5:2

Jare aecha metei araɨgua ipɨ̈rata vae, iñeeäta reve omoërakua vae jei: “¿Kia pa jupi oyora vaerä chiu tembikuatía imboyaa jare oipea vaerä?”

Apocalipsis 8:13

Amae jare aendu metei güɨraké oveve ara mbɨte rupi, jare iñeeäta reve jei: “¡Paravete ɨvɨ pegua reta oiporara yaeta ko ïru mboapɨ araɨgua reta mimbɨguasu omoñee yave!”