Apocalipsis 1:6 - Biblia Guarani Tumpa Iñee

⁶ jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

Nuevo Testamento Guaraní Pe

⁶ Jare ñandeapo mburuvicha guasu retara jare sacerdote retara yayeócuai vaera Tumpa pe - jae co Jesucristo Tu. Jesucristo toñemboeteuca jare togüɨnoi opaete mbaepuere jecuaecuae aveiño. Amén.

Apocalipsis 1:6 Iomraidhean Croise

ÉXODO 19:6

Pe reta peiko teeta sacerdote rami, tëta oñeñono tee cheveguarä vae.” Kuae ñee reta emombeu opaete Israel iñemuña reta pe.

ISAÍAS 61:6

Jei retata pekotɨ, Tumpa isacerdote reta, Tumpa pe oyeokuai vae reta. Peyekouta ïru tëtaguasu reta imbaeyekou re, jae reta iyemboetea pe peyemboeteta.

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

San Juan 5:23

Opaete vae omboete vaerä Taɨ, Tu omboete reta rami. Mbaetɨ omboete reta Taɨ vae, omboeteä ko Tu, ombou vae.

Romanos 11:36

Echa opaete mbaembae ou yandeYa güi. Jae oyapo opaete mbaembae iyeupeguarä. YandeYa toyemboeteuka jekuae avei pegua. Amén.

Romanos 15:6

metei rami pemee mbaemboete Tumpa, yandeYa Jesucristo Tu pe.

Filipenses 2:11

jare opaete vae jei vaerä Jesucristo ko jae opaete vae iYa. Kuae rupi yandeRu Tumpa oyemboete vaerä.

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

1 Pedro 5:11

Jae toyemboeteuka jare timbaepuere jekuaekuae avei rupi. ¡Amén!

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

Judas 1:25

Tumpa jaeño vae jare yarakuaa vae, Yandemboasa vae pe toñemee mbaemboete, yembotuicha jare mbaepuere, añave jare jekuaekuae avei rupi. ¡Amén!

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 20:6

Oyerovia ko tenonde oikove ye vae, echa oñeñono tee Tumpa peguarä vae reta ko. Jókuae mano mokoía ngaraa ipuere jese reta. Jae reta yogüɨrekota Tumpa jare Cristo isacerdoterä. Jare oporookuai retata jae ndive mil año.

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”

Apocalipsis 5:10

oreapo mburuvicha guasu retarä, sacerdote retarä ñaneTumpa pe. Jare roporookuaita ɨvɨ pe.”