Apocalipsis 1:5 - Biblia Guarani Tumpa Iñee

⁵ jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 1:5 Iomraidhean Croise

SALMOS 51:2

Cheyoe yeyé ikavimbae güi, chetɨo cheyoa güi.

SALMOS 72:11

¡Opaete mburuvicha guasu reta toyetavatɨka itindɨasɨ reve jóvai! ¡Opaete tëtaguasu reta toyeokuai chupe!

SALMOS 89:27

Jare che amee eteta chupe oï vaerä cheraɨrɨpɨrä, tuicha yae vaerä mburuvicha guasu reta ɨvɨ pegua güi.

PROVERBIOS 14:5

Mbae oecha kavi etei vae, iyapuä imiari; ërei mbaetɨ oecha vae, iyapu imiari.

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

DANIEL 2:2

Jayave mburuvicha guasu omondo oenɨiuka ichoropa vae reta, yasɨ pɨau re jare yasɨtata re güɨrovia vae reta jare mbae oasata vae oikuaa vae reta, jae ko Caldeaɨgua iyarakuaa vae reta, oikuaauka vaerä chupe ipaɨu regua. Jayave yogüeru mburuvicha guasu jóvai.

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

LEVÍTICO 13:58

Ërei temimonde, tembiapo ani mbaepɨaa ani oipotagüe tembiapo mɨmba pire pegua oyeekɨ chugüi mbaerasɨ ókui vae, toyeputuka ye, jayave topɨta ikɨambae.”

ZACARÍAS 13:1

Jókuae ara oyepeata metei ɨesaɨ David iñemuña reta peguarä jare Jerusalén pegua reta peguarä, oyeapo vaerä yetɨo mbaeyoa güi jare ikɨa Tumpa jóvai vae güi.

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Juan 13:1

Ndei arete Pascua mbove. Jesús oikuaa ara oväe ma oeya vaerä kuae ɨvɨ ojo ye vaerä Tu oïa pe. Jare kërai oaɨu imbae vae reta ɨvɨ pe ñogüɨnoi vae, jare oaɨu yae iyapɨ regua.

San Juan 13:34

Amee peve metei mborookuai ipɨau vae, jae ko: Peyoaɨu. Peyoaɨu che poaɨu rami.

San Juan 15:9

CheRu cheraɨu rami che poaɨu. Peï avei cheporoaɨu pe.

San Juan 18:37

Jayave Pilato jei chupe: —¿Jayave, nde pa ko jae mburuvicha guasu? Jesús jei chupe: —Rere ma ko nde etei che mburuvicha guasu vae. Kuaerä aa. Kuaerä ayu ɨvɨ pe. Ayu amombeu vaerä añete vae. Opaete añete vae güɨrovia vae reta oyeapɨsaka cheñee re.

San Juan 3:11

Añetete che jae ndeve, oremiari ko roikuaa vae re jare romombeu ko roecha vae. Ërei mbaetɨ perovia romombeu peve vae.

San Juan 3:16

Echa Tumpa oaɨu yae ɨvɨ pegua reta. Jáeramo omee Taɨ jaevaeño vae, oipotagüe güɨrovia jese vae güɨnoi vaerä tekove opambae vae, ngaraa ojo kañɨtei pe.

San Juan 3:32

Jae omoërakua oecha jare oendu vae, ërei mbaetɨ kia güɨrovia jae omoërakua vae re.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Hechos 26:23

Echa jae reta jei Cristo oiporara ñotai ko, jare jae tenonde oikove yeta ko omanogüe reta ipɨte güi, oechauka vaerä tembipe judío reta jare judiombae vae reta pe.”

Romanos 3:25

jae ko Tumpa omee, oime vaerä ñɨ̈ro jugüɨ rupi yarovia yave, jökorai oyekuaa kërai Tumpa jupi ko, arakae iñɨ̈ro yave ipɨaguasu reve opaete mbaeyoa reta re;

Romanos 8:37

Ërei yepe tëi opaete kuae oyeapo yandeve, jekuaeñoi ñaporomoamɨri jókuae yanderaɨu vae rupi.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Efesios 2:4

Ërei Tumpa yandeparareko yae, jare yanderaɨu yae ramo,

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

DEUTERONOMIO 18:2

Mbaetɨta oñemee ɨvɨ chupe reta jëtara reta pe oñemee rami, yandeYa etei ko jae reta imbaeyekou, jae oñererökuavee chupe reta rami.

DEUTERONOMIO 23:5

Ërei yandeYa Tumpa mbaetɨ oipota oyeapɨsaka Balaam re; jare oipoepɨ yepopeyu mborerekua pe, echa yandeYa Tumpa peraɨu.

DEUTERONOMIO 7:8

YandeYa peraɨu ramo, jare oipota ombopo jókuae peñemuñagüe reta pe güɨrökuavee jee re vae jeko pegua perenoe Egipto güi imbaepuere pe, jare pereepɨ yeokuaiasɨ katu güi, Egipto pegua mburuvicha guasu Faraón ipo güi.

Colosenses 1:18

Jae ko oporogüɨrovia vae reta iñäka, jare jae ko tenondegua vae. Echa jae tenonde voi oikove ye omanogüe reta ipɨte güi, jae oiko vaerä opaete vae itenondeguarä.

1 Timoteo 6:13

Royókuai Tumpa omee tekove opaete mbaembae pe vae jóvai, jare Jesucristo omombeu kavi añete vae regua Poncio Pilato jóvai vae jee re,

1 Timoteo 6:15

Echa jókuae ara oväe yave, Tumpa oechaukata ko yandeYa Jesucristo. Jaeño ko mbaepuere iYa, mburuvicha guasu reta Juvicha guasu, Imbaepuere yae ete mbaepuere güɨnoi vae reta güi vae,

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

1 Pedro 1:19

jaeño Cristo jugüɨ jepɨ yae vae rupi, jókuae vecha kuimbae taɨrusu vae jete kavi jare ikɨambae vae oñemee Tumpa pe rami.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

1 Juan 4:10

Kuae re oï mboroaɨu: Mbaetɨ ko yande yaaɨu Tumpa ramo, jaeño jae yanderaɨu jare ombou Taɨ rupi iñɨ̈ro vaerä yandeyoa reta re.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 11:3

Jare ambouta mókoi kuimbae chemoërakua vae reta, omoërakua vaerä mil dosciento sesenta ara, oyemonde reta reve temimonde mbɨatɨtɨ pegua pe.”

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”

Apocalipsis 2:13

‘Che aikuaa opaete reyapogüe reta jare kia pe reiko vae, Satanás jenda mborookuaía pegua oïa pe. Ërei pe reta jekuaeño perovia cheré jare mbaetɨ chekuaku, Antipas chemombeu kavi vae oyeyukauka jókuae Satanás oikoa pe ave.

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.