Apocalipsis 1:4 - Biblia Guarani Tumpa Iñee

⁴ Che Juan aikuatía kuae tupapire chiu tëta reta Asia pegua pe peporogüɨrovia vae reta pe, Tumpa ipɨakavi jare ipɨakatu pemboresive, jae ko iyɨpɨ güive, añave jare outa vae, jare chiu espíritu vae, Tumpa iguapɨa jóvai oï vae

Nuevo Testamento Guaraní Pe

^4-5 Che aicuatía ai cuae tupapire peporogüɨrovia vae siete tenta Asia pegua pe peñemboatɨatɨ vae reta pe. Tumpa jare jocuae siete araɨgua Tumpa jemimbota oyapo vae reta - jae reta oñemboɨ Tumpa iguapɨa jóvai - jare Jesucristo tomee peve ipɨacavi jare ipɨacatu. Tumpa iyɨpɨ güive jare añave jecuaeño oico. Jare jae jecuae oita. Jesucristo co jae jecuaeño omombeu cavi Tumpa regua vae. Jae tenonde voi oicove ye ou omanogüe vae reta ipɨte güi. Jae co opaete ɨvɨ pegua reta juvicha guasu reta Juvicha. Jae ñanderaɨu jare omboai opaete ñanembaeyoa reta jugüɨ ae pe.

Apocalipsis 1:4 Iomraidhean Croise

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

ÉXODO 3:14

Jare Tumpa jei Moisés pe: —CHE KO JAE CHE. Jare jei: Köraita rere Israel iñemuña reta pe: “CHE KO jee vae chembou pekotɨ.”

ISAÍAS 11:2

Jese oïta yandeYa iEspíritu; espíritu pɨaarakuaa katu pegua jare arakuaa katu, espíritu yemboarakuaa pegua jare mbaepuere pegua, espíritu oikuaa yae mbae vae, jare oipoɨu yandeYa güi vae.

ISAÍAS 41:4

¿Kia pa oyapo kuae? ¿Kia pa oyapo iyɨpɨ güive kërai yogüɨreko vaerä kuimbae reta? Che peYa, jae ko Tumpa, oikoño mai vae.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

ZACARÍAS 3:9

Echa, ko Josué jóvai añono ita; kuae ita jaevaeño vae güɨnoi chiu iyɨke; mase, ko che aikuatiata jei yandeYa Imbaepuere yae ete vae, jare ɨvɨ pegua reta iyoa aekɨta metei ara pe.

ZACARÍAS 4:10

“Echa jókuae ara oyemboɨpɨ ramo yave mbaeä etei omae jese vae reta oyeroviata, jare oecha retata Zorobabel ipo pe güɨnoi plomada.” Kuae jaɨkue rupi araɨgua jei ye: “Kuae chiu mechero vae reta jae ko yandeYa jesa omae opaete ɨvɨ re vae.”

ZACARÍAS 6:5

Jare araɨgua jei cheve: “Kuae jae ko irundɨ ɨvɨtu reta oë yandeYa opaete ɨvɨ iya jóvai güi vae.

San Juan 1:1

Iyɨpɨ ete pe oiko Ñee. Jare jókuae Ñee oiko Tumpa ndive. Jae ko Tumpa etei.

Hechos 19:10

Jökorai oyapo mókoi año rupi, jökorai opaete judío jare griego reta Asia pegua oendu ñee yandeYa Jesús regua.

Hechos 2:9

Echa yande reta ko Partiaɨgua, Mediaɨgua, Elam pegua, Mesopotamia, Judea, Capadocia, Ponto, Asia,

Romanos 1:7

Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

1 Corintios 1:3

YandeRu Tumpa jare yandeYa Jesucristo ipɨakavi jare ipɨakatu toï pe ndive.

2 Corintios 1:2

YandeRu Tumpa jare yandeYa Jesucristo toï peve ipɨakavi jare ipɨakatu.

Hebreos 13:8

Jesucristo ko oyepoepɨmbae etei iyɨpɨ güive, añave jare jekuae avei pegua.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Apocalipsis 1:1

Jesucristo oechauka Tumpa omee chupe vae, oikuaauka vaerä jembiokuai reta pe ɨmambae oasata vae. Jesucristo ombou iaraɨgua omombeu vaerä che jembiokuai Juan pe;

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:17

Jare aecha yave, aa jóvai omano vae rami. Jayave jae oñono ipo iyakatu cheré jare jei cheve: “Agüɨye ekɨɨye. Che ko jae tenondegua ete jare taɨkuegua ete,

Apocalipsis 1:20

Taikuaauka ndeve mbae re ko oyembojaanga chiu yasɨtata reta chepo cheakatu pe reecha vae jare chiu mechero jenda oro pegua re: Chiu yasɨtata reta, jae ko jókuae chiu tëta reta pe oporogüɨrovia vae reta iaraɨgua reta; jókuae chiu mechero jenda reta reecha vae jae ko chiu tëta reta pe oporogüɨrovia vae reta.

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 16:5

Jare aendu araɨgua ɨ re mbaepuere güɨnoi vae jei: “OreYa Tumpa, nde ko jupi vae, iyɨpɨ güive jare añave reiko vae, Iyoambae vae, echa rejäa opaete mbaembae,

Apocalipsis 2:12

Eikuatía Pérgamo pegua oporogüɨrovia vae reta iaraɨgua pe: Kɨsepuku jaimbe yoyavi vae güɨnoi vae jei:

Apocalipsis 2:18

Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae:

Apocalipsis 2:8

Eikuatía Esmirna pegua oporogüɨrovia vae reta iaraɨgua pe: Tenondegua ete jare taɨkuegua ete, omano, ërei oikove ye vae jei:

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”

Apocalipsis 22:8

Che Juan aendu jare aecha kuae mbaembae. Jare aendu jare aecha güire ayetavatɨka chetindɨasɨ jókuae araɨgua oechauka mbaembae cheve vae jóvai amboete vaerä.

Apocalipsis 3:1

Eikuatía Sardis pegua oporogüɨrovia vae reta iaraɨgua pe: Chiu espíritu vae jare chiu yasɨtata reta güɨnoi vae jei: ‘Che aikuaa opaete reyapogüe reta, nerërakua reikove ko, ërei remano ko.

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei:

Apocalipsis 4:5

Jare jókuae tenda güi oë ama-vera, ararɨapu jare ñee reta. Jare jókuae tenda jóvai chiu mechero jendɨ ñogüɨnoi, jae ko Espíritu Santo chiu jembiapo güɨnoi vae.

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”

Apocalipsis 5:6

Jare aecha metei Vecha kuimbae taɨrusu vae oyeyukagüe rami vae. Oyemboɨ oï jókuae tenda jare jókuae irundɨ oikove vae reta ipäu pe, tenondegua okuakuaa vae reta ipäu pe. Jae güɨnoi chiu jäti jare chiu jesa jae ko Espíritu Santo chiu jembiapo vae opaete ɨvɨ rupi oyemondo vae.

Apocalipsis 8:2

Jare aecha jókuae chiu araɨgua Tumpa jóvai oyemboɨ ñogüɨnoi vae reta. Jare oñemee chupe reta chiu mimbɨguasu.