Apocalipsis 1:16 - Biblia Guarani Tumpa Iñee

¹⁶ Jae güɨnoi chiu yasɨtata reta ipo iyakatu pe, jare iyuru güi oë metei kɨsepuku jaimbe yoyavi vae. Jova jembipe yae kuaraɨ jembipe yae rami.

Nuevo Testamento Guaraní Pe

¹⁶ Jae güɨnoi siete yasɨtata reta ipo iyacatu pe, jare iyuru güi oe metei quɨsepucu jaimbeyoyavi vae. Jova oesape yae cuaraɨ ara mbɨte yave oesape rami.

Apocalipsis 1:16 Iomraidhean Croise

JOB 38:7

Opaete yasɨtata reta köeti yave omoembipe vae ombaemboete yave, jare araɨgua reta opaete oyerovia katu yave.

SALMOS 45:3

Jëia vae, ¡eñono ndekúa re ndekɨsepuku! ¡Jae ko ndearuandapa ndeyemboetea!

CANTARES 6:10

¿Kia pa ko kuae köembipe rami oyekuaa ou vae? Ipöra yae yasɨ rami, oporoesaka kuaraɨ rami, ¡jëguambae, sundaro jeta vae jëguambae rami!

ISAÍAS 11:4

oporojäata ko jupi rupi paravete vae reta re, oñemoëta arakuaa katu reve kavi, ipɨa omomichi vae reta re; jare iñee rupi oporonupata, iñee pe oyukata iTumpa potambae.

ISAÍAS 24:23

Jare yandeYa Imbaepuere yae ete vae oguapɨ mburuvicha guasurä ɨvɨtɨ Sión re, Jerusalén pe yave, yasɨ jare kuaraɨ ngaraa ma oesape, jare tëta imbae pegua tenondegua reta oecha iyemboetea.

ISAÍAS 49:2

Kɨsepuku jaimbe vae rami oyapo chekü, chemoia ipo igüɨ pe, cheapo uvɨ jakuaroviasɨ vae rami jare cheñono iuvɨrɨru pe.

DANIEL 12:3

Yarakuaa katu vae reta omboesapeta, ara jembipe rami; jeta vae omboe jupi re vae reta, omboesapeta yasɨtata rami jekuae avei pegua.

DANIEL 8:10

Jókuae okuakuaa ojo regua oväe yasɨtata reta pe; jare oitɨ mbovɨ yasɨtata reta jare opa opɨ̈ro pɨ̈ro jese,

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

Hechos 26:13

Cheruvicha guasu, ërei kuaraɨ ara mbɨte ma oï yave tape rupi aja ramboeve, aecha metei tembipe ara güi jembipeasɨ yae kuaraɨ güi vae. Ou cheré jare cherupíe yogüɨraja vae reta re.

Efesios 6:17

Peñono peäka re äka-ɨru jiero pegua yemboasa pegua, jare peiporu Tumpa iñee, jae ko kɨsepuku Espíritu pegua.

Hebreos 4:12

Echa Tumpa iñee ko oikove jare imbaepuere, jaimbe yae metei kɨsepuku jaimbe yoyavi vae güi, ipuere oike yandepɨa pe jare yanderekove pe, yandeyoapɨa pɨa pe jare ñaneäputuu pe; ojäa yandeyemongeta reta jare yandepɨa jemimbota reta.

Apocalipsis 1:20

Taikuaauka ndeve mbae re ko oyembojaanga chiu yasɨtata reta chepo cheakatu pe reecha vae jare chiu mechero jenda oro pegua re: Chiu yasɨtata reta, jae ko jókuae chiu tëta reta pe oporogüɨrovia vae reta iaraɨgua reta; jókuae chiu mechero jenda reta reecha vae jae ko chiu tëta reta pe oporogüɨrovia vae reta.

Apocalipsis 10:1

Jare aecha ogüeyɨ ara güi araɨgua imbaepuere yae vae oñeova amapɨtu pe jare iñäka re yɨɨ, jova jembipeasɨ kuaraɨ rami jare itɨma reta tata jɨsɨ vae rami.

Apocalipsis 12:1

Jare oyekuaa ara re mbae tuichagüe, jae ko: Metei kuña kuaraɨ pe oyemonde rami, jare oyemboɨ oï yasɨ iárambo, jare iñäka re äka-regua doce yasɨtata güɨnoi vae.

Apocalipsis 19:15

Jare iyuru güi oë metei kɨsepuku jaimbe vae. Pɨpe oyuka vaerä tëtaguasu pegua reta. Jare oporookuaita ipopoka jiero pegua pe. Opɨ̈rota jese reta uva oñetɨami yave oñepɨ̈ro jese vae rami, Tumpa Imbaepuere yae vae iyarasɨ yae rupi.

Apocalipsis 19:21

Jare opaete mbaemɨmba guasu isundaro reta oyeyukauka kavayu re opo vae ikɨsepuku oë iyuru rupi vae pe. Jare opaete güɨra reta oyemoangapɨɨ isoogüe reta re.

Apocalipsis 2:1

Eikuatía Efeso pegua oporogüɨrovia vae reta iaraɨgua pe: Güɨnoi chiu yasɨtata reta ipo iyakatu pe vae, oguata chiu mechero jenda oro pegua ipɨte rupi vae, jei:

Apocalipsis 2:12

Eikuatía Pérgamo pegua oporogüɨrovia vae reta iaraɨgua pe: Kɨsepuku jaimbe yoyavi vae güɨnoi vae jei:

Apocalipsis 2:16

Jáeramo, eeya ndeyemongeta ikavimbae vae ndepɨa pe oï vae; echa mbaetɨ yave ayuta ɨmambae ndeve, añorarota jae reta ndive kɨsepuku cheyuru güi oë vae pe.

Apocalipsis 3:1

Eikuatía Sardis pegua oporogüɨrovia vae reta iaraɨgua pe: Chiu espíritu vae jare chiu yasɨtata reta güɨnoi vae jei: ‘Che aikuaa opaete reyapogüe reta, nerërakua reikove ko, ërei remano ko.

JUECES 3:16

Ërei Aod yepe oyapo iyeupe kɨsepuku jaimbe yoyavi vae, medio metro puku vae jare oñono jemimonde igüɨ pe iyakatu kotɨ;

JUECES 5:31

¡Jökorai tokañɨtei opaete nderovaicho reta cheYa Tumpa, jare nderaɨu vae reta tijembipeasɨ, kuaraɨ jembipeasɨ rami!” Jókuae jaɨkue rupi oiko mbɨakatu jókuae ɨvɨ pe cuarenta año.