2 SAMUEL 9:3 - Biblia Guarani Tumpa Iñee

³ Jayave mburuvicha guasu oparandu chupe: —¿Mbaetɨ pa kia jembɨre Saúl iñemuña reta güi, che anoi vaerä mboroparareko jese Tumpa jee re? Jare Siba jei chupe: —Oime jembɨre metei Jonatán taɨ, jae ko oguatambae.

2 SAMUEL 9:3 Iomraidhean Croise

2 SAMUEL 19:26

Jare jae jei: —Cherembiokuai chembotavɨ cheya. Echa che aguatambae ko, jáeramo jae tëi chupe oyokua vaerä mburika cheve, aja vaerä tëi nderupíe cheya.

2 SAMUEL 19:27

Ërei jae yapu ndeve chekotɨ. Ërei nde cheruvicha guasu Tumpa iaraɨgua rami ko, eyapo jaekavi ndeve vae.

2 SAMUEL 4:4

Jonatán, Saúl taɨ güɨnoi metei taɨ oguatambae, jee Mefi-boset. Echa Mefi-boset pandepo año güɨnoi yave, jërakua omano Saúl jare taɨ Jonatán Jezreel pe vae yave iyangarekoa kuña ovoɨ jare otekuarai; ërei iyandeko otekuarai jeko pegua oitɨ jare opɨta oguatambae.

2 SAMUEL 9:13

Ërei Mefi-boset oguatambae, oiko Jerusalén pe, echa okaru avei oiko mburuvicha guasu ndive.

2 SAMUEL 9:7

Jare David jei chupe: —Agüɨye ekɨɨye, echa che anoita mboroparareko ndekotɨ nderu Jonatán jeko pegua. Opata amboyevɨ ye ndeve opaete neramɨigüe Saúl iɨvɨ; jare nde rekaru aveita che ndive.

San Lucas 6:36

Peporoparareko, peRu Tumpa iporoparareko rami.

DEUTERONOMIO 10:15

YandeYa ipɨakatu jare iporoaɨu peñemuñagüe reta re, jaɨkue rupi iñemuña reta oiparavo, jae ko pe reta, opaete tëta reta güi añave peecha rami.

DEUTERONOMIO 4:37

Echa jae oaɨu yae peñemuñagüe reta jeko pegua perenoe Egipto güi jae etei imbaepuere tuichagüe ndive.