2 SAMUEL 5:2 - Biblia Guarani Tumpa Iñee

² Jare tenonde voi ma ko, Saúl oikose oreruvicha guasurä yave, nde ko rerajase Israel iñemuña reta ñeraroa pe jare reroyerova ye yepi. Jare yandeYa jei yoapɨ ndeve: ‘Nde reyangarekota tëta chembae vae Israel re, jare nde reikota Israel pe mburuvicharä.’ ”

2 SAMUEL 5:2 Iomraidhean Croise

GÉNESIS 49:24

Ërei ngatu igüɨrapa omopɨ̈rata yae, iyɨva omomɨ̈rata yae. ¡Yasoropai Imbaepuere yae ete vae pe, Jacob iTumpa pe! ¡Yasoropai Oporoangareko vae pe, Israel iñepɨ̈roa pe!

2 SAMUEL 6:21

Jayave David jei chupe: —YandeYa jóvai ko apɨrae, jae ko cheparavo nderu güi jare ndero pegua reta güi aiko vaerä mburuvicharä Israel pe, tëta yandeYa imbae vae reta re. Jáeramo, apɨrae ñotai ko jae jóvai.

2 SAMUEL 7:7

Opaete ara aiko ramboeve Israel iñemuña reta ndive, mbaetɨi aiporu che añono chembae vae reta juvicharä vae pe, oyapo vaerä o ɨ̈vɨrare pegua cheve reta.

2 SAMUEL 7:8

Jayave ere cherembiokuai David pe, che peYa imbaepuere yae ete vae jae körai chupe: ‘Che rogüeru mɨmba rókai güi jare mɨmba reta re reyangarekoa güi, reiko vaerä tëta Israel chembae vae juvicharä;

2 REYES 20:5

“Eyerova ye jare ere Ezequías pe, chembae vae reta juvicha pe: ‘Körai jei yandeYa, neñemuñagüe David iTumpa: Che aendu ndeyerure jare aecha nderesaɨ. Rombogüerata jare mboapɨ araa pe reota chetupao pe.

1 CRÓNICAS 11:2

Jare tenonde rupi Saúl oikose mburuvicha guasurä oreve yave, nde ko rerajase Israel iñemuña reta ñeraroa pe, jare reroyerova reta ye yepi. Jare yandeYa jei vi ndeve: ‘Nde reyangarekota tëta chembae Israel re, jare reikota Israel pe mburuvicharä.’ ”

2 CRÓNICAS 1:10

Añave emee cheve arakuaa katu, kërai aroguata kavi vaerä kuae tëta; echa, ¿kia pa ipuereta güɨroata kuae tëta ndembae vae, jeta yae vae?”

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

EZEQUIEL 34:23

Jare ambouta metei vecha iyangarekoa, jae oyangarekota jese reta; jae ko cherembiokuai David, jae oyangarekota jese reta; jae oikota iyangarekoarä.

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

NÚMEROS 27:17

toë jae reta jenonde jare toike jae reta jenonde, togüɨnoe jare togüɨroike reta, agüɨye vaerä ndembae vae reta yogüɨreko vecha iyangarekoambae rami.

San Mateo 2:6

“Nde Belén, ɨvɨ Judá pegua michi yae vaeä ko nde Judá pegua tëta guasu reta güi. Echa ndegüi oëta oporogüɨroata vae. Jae oyangarekota Israel pegua chembae vae reta re.”

San Juan 10:11

Che ko jae vecha reta iyangarekoa ikavi vae. Vecha reta iyangarekoa ikavi vae omano vecha reta oepɨ vaerä.

Hebreos 2:10

Tumpa opaete mbaembae iyapoa, jese oï opaete mbaembae vae pe ikavi jeta ɨvɨ pegua reta oyeapo vaerä taɨ retarä, jáeramo, omee oiporara vaerä Jesús jare oupitɨ oporomboasa vaerä.

1 SAMUEL 13:14

Ërei añave ndeporookuaía ngaraa oiko avei. YandeYa oeka ma iyeupe metei kuimbae jae ipɨakatu jese vae, jókuae yandeYa oiparavo ma oï vaerä mburuvicharä kuae tëta jae imbae vae re, nde mbaetɨ reñovatu yandeYa ndeokuai jese vae jeko pegua.

1 SAMUEL 16:1

YandeYa jei Samuel pe: —¿Kërai yave regua pa reäpirota Saúl? Che aröɨrogüe ma ko, agüɨye vaerä güɨnoi iporookuaía Israel iñemuña reta re. Emotɨnɨe vecha kuimbae-räti asaite pe, jare eyu, romondota Isaí pɨri Belén pe, echa taɨ reta güi aiparavo cheyeupe mburuvicha guasurä.

1 SAMUEL 18:13

Jayave Saúl ombosɨrɨ iyeugüi jare oñono mil vae sundaro reta juvicharä; jare David güɨraja jare güeru ye yepi ñeraroa güi.

1 SAMUEL 18:16

Ërei opaete Israel kotɨgua jare Judá kotɨgua oaɨu David, echa jae güɨraja jare güeru ye yepi ñeraroa güi.

1 SAMUEL 18:5

Jare David ojo oipota rupi Saúl omondoa kotɨ, jare yarakuaa katu reve kavi oiko. Jare Saúl oñono kuimbae ñeraro regua reta itenondeguarä, jare jae reta ipɨakatu yae omae jese, jökorai vi Saúl iyɨvɨrigua reta.

1 SAMUEL 25:28

Che romoñera neɨ̈ro vaerä cheve kuae re. Echa yandeYa oyangarekota nderé jare neñemuña reta re, echa nde reñeraro yandeYa jee re. Jare reikove reiko ramboeve mbaetɨ ikavimbae oyekuaa nderé.

1 SAMUEL 25:30

Jare yandeYa ombopo ma yave opaete iporogüɨrökuavee nderé, jare neñono ma mburuvicharä Israel iñemuña reta re yave,

1 SAMUEL 9:16

“Pɨareve koyave etei, che ambouta ndépɨri metei kunumi Benjamín iñenuña reta iɨvɨ kotɨ güi, jae reiparavota Israel iñemuña reta pe mburuvicharä jae oepɨta chembae vae, filisteo reta ipo güi; echa aiparareko amae jese reta, jäse aendu jeko pegua.”