2 SAMUEL 4:4 - Biblia Guarani Tumpa Iñee

⁴ Jonatán, Saúl taɨ güɨnoi metei taɨ oguatambae, jee Mefi-boset. Echa Mefi-boset pandepo año güɨnoi yave, jërakua omano Saúl jare taɨ Jonatán Jezreel pe vae yave iyangarekoa kuña ovoɨ jare otekuarai; ërei iyandeko otekuarai jeko pegua oitɨ jare opɨta oguatambae.

2 SAMUEL 4:4 Iomraidhean Croise

2 SAMUEL 21:7

Mburuvicha guasu iñɨ̈ro Mefi-boset, Jonatán taɨ pe, jae ko Saúl jɨmɨmino. Jókuae ñererökuavee päve yandeYa jee re David jare Jonatán oyapo reta oyoupe vae.

2 SAMUEL 9:13

Ërei Mefi-boset oguatambae, oiko Jerusalén pe, echa okaru avei oiko mburuvicha guasu ndive.

2 SAMUEL 9:3

Jayave mburuvicha guasu oparandu chupe: —¿Mbaetɨ pa kia jembɨre Saúl iñemuña reta güi, che anoi vaerä mboroparareko jese Tumpa jee re? Jare Siba jei chupe: —Oime jembɨre metei Jonatán taɨ, jae ko oguatambae.

2 SAMUEL 9:6

jare Mefi-boset, Saúl jɨmɨmino ou ma oväe David oïa pe yave, oyetavatɨka itindɨasɨ ɨvɨ re omboete reve. —Mefi-boset —jei David. —¡Ko aï! —jei jae.

1 REYES 11:17

Ërei Hadad, jayave michia yae vɨteri, otekuarai Egipto kotɨ amogüe jëtaɨgua oyeokuai tu pe vae reta ndive.

1 CRÓNICAS 8:34

Jonatán taɨ jae Merib-baal, jare Merib-baal taɨ jae Micaía.

1 CRÓNICAS 9:40

Jonatán taɨ jae Merib-baal, jae ko Micaía tu.

1 SAMUEL 29:1

Filisteo juvicha reta omboatɨ opaete isundaro reta Afec pe, jare Israel iñemuña reta oyembojeyupa ɨesaɨ Jezreel pe oï vae iyɨpɨ pe.

1 SAMUEL 29:11

Jökorai köe ñoete David jare jupiegua kuimbae reta yogüɨraja ye filisteo reta iɨvɨ pe; jare filisteo reta yogüɨraja Jezreel pe.