2 SAMUEL 2:26 - Biblia Guarani Tumpa Iñee

²⁶ Jayave Abner osapúkai Joab pe jei reve: —¿Jekuae ñotai pa omano vae? ¿Mbaetɨ pa reikuaa kuae rupi outa yandeve mbɨatɨtɨ jasɨ katu yae vae? ¿Kërai yave pa rereta ndesundaro reta pe, agüɨye mo vaerä oaɨkuemoña jëtara reta?

2 SAMUEL 2:26 Iomraidhean Croise

JEREMÍAS 46:14

“Emoërakua Egipto pe; jae ko Migdol pe, Menfis pe jare Tafnes pe: ‘¡Pemae ngatu, peï kavi peï! ¡Echa tovaicho reta oyere, omboai vaerä peɨvɨ!’

Hechos 7:26

Pɨareve pe oecha mókoi jëtara oñeraro ñogüɨnoi, jare oipota tëi oñono kavi reta. Jáeramo jei chupe reta: “Kuimbae reta, pe reta metei tëtara vae ko. ¿Maera pa ikavimbae vae peyapo oyoupe?”

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

OSEAS 11:6

Outa ñeraro jëta guasu reta re, opata omboai tëta raɨ reta, oyemongeta reta ikavimbae oyapo vaerä jeko pegua.

JEREMÍAS 12:12

Opaete ñuu ɨvate vatea rupi yogüeru oporomboai vae reta, echa che peYa, kɨsepuku anoi omboai vaerä kuae ɨvɨ jembeɨ güive ïru jembeɨ pe, ngaraa oime mbɨakatu metei vae pe ave.

JEREMÍAS 4:21

¿Kërai yave regua pa aechata bandera ñeraro pegua, ani kërai yave pa aendu poita mimbɨguasu iñee ñeraro pegua?”

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

ISAÍAS 1:20

ërei ngatu mbaetɨ yave pekɨ̈reɨ, jare peyembopɨapochɨ chekotɨ yave, opata ko pemano ñeraroa pe.” Echa yandeYa etei ko jei jökorai.

PROVERBIOS 17:14

Oporomoñorarouka vae, ɨ̈aka güi ɨ oyepɨyere rami ko; ndei ñañererokomegua pɨpe mbove, yayembosɨrɨ chugüi.

SALMOS 4:2

Pe kuimbae reta, ¿kërai yave regua pa perekota cheyemboetea ñemomarai pe? ¿Kërai yave regua pa peipota jare peekata mbaetɨ mbaerä osirive vae jare añetembae vae?

JOB 19:2

¿Kërai yave regua pa chembopɨatɨtɨta, jare cheapasota peñee reta pe?

JOB 18:2

¿Kërai yave pa nemiari poita? Eyemongeta kavi räri, javoi ñanemiari.

2 SAMUEL 11:25

Jayave David jei ñee jerajaa pe: —Ere Joab pe agüɨye tipɨatɨtɨ jókuae re, jökorai ko ñeraro; jeiete toïraro jókuae tëta guasu omoamɨri regua. Jökorai emoäta ngatu.

2 SAMUEL 2:16

jare oyopɨɨ reta iñäka pe, oyokutu reta iñäruka pe kɨsepuku pe, jökorai opa oyoyuka reta metei rami. Jáeramo oyembojee Helcat-hazurim jókuae, kuae oï Gabaón pe.

2 SAMUEL 2:14

Jayave Abner jei Joab pe: —Toñoraro kunumi reta yanderóvai. Jare Joab jei: —Toñoraro.

2 SAMUEL 2:25

Joko pe Benjamín iñemuña reta oñemoïru metei ramiño Abner ndive; jare oñepɨ̈ro reta jókuae ɨvɨtɨ iyapɨte re.

2 SAMUEL 2:27

Jare Joab jei: —YandeYa jee re tae ndeve, mbaetɨ neñee remoë yave, chesundaro reta jekuaeñota ko oaɨkuemoña viña jëtara reta köe regua.