2 SAMUEL 2:1 - Biblia Guarani Tumpa Iñee

¹ Kuae jaɨkue rupi David oparandu yandeYa pe, jei reve: —¿Ajata pa kia nunga tëta guasu Judá pegua pe? Jare yandeYa jei chupe: —Ekua. Jare David jei ye: —¿Kia pe pa ajata? Jare jae jei chupe: —Ekua Hebrón pe.

2 SAMUEL 2:1 Iomraidhean Croise

GÉNESIS 13:18

Jayave Abram oyupavo jare opa oekɨ güɨraja jo guakapi pegua, jare ou oñemoëta, kuimbae Mamre jee vae oikoa kotɨ, tëta Hebrón iyɨpɨ kotɨ. Joko pe omopüa mɨmba oyeyuka oyeapɨ jese vae yandeYa peguarä.

GÉNESIS 32:2

Jare Jacob oecha yave jei: “Tumpa jeyupa ko kuae” jare ombojee jókuae ɨvɨ Mahanaim.

2 SAMUEL 15:7

Irundɨ añoa pe Absalón jei mburuvicha guasu pe: —Romoñera remaeño vaerä aja Hebrón pe, ajata ambopo ñererökuavee ayapo yandeYa pe vae.

2 SAMUEL 2:11

Jare David oiko mburuvicha guasurä Hebrón pe, Judá iñemuña reta re chiu año jare ova yasɨ.

2 SAMUEL 5:19

Jayave David oparandu yandeYa pe jei reve: —¿Aëta pa añoraro filisteo reta ndive? ¿Remoamɨriuka retata pa cheve? Jayave yandeYa jei chupe: —Eë chupe, echa ameeta ndepo pe, remoamɨri reta vaerä.

2 SAMUEL 5:23

Jare David oparandu kuae regua yandeYa pe yave, jae jei chupe: “Agüɨye ekua jóvai kotɨ rupi, ekua ikupe kotɨ rupi chupe reta, ɨvɨra iyaɨsɨ vae reta jenda re katu eë chupe reta.”

1 REYES 2:11

David oiko cuarenta año mburuvicha guasurä Israel iñemuña reta re: Chiu año Hebrón pe, jare treinta y tres año Jerusalén pe.

1 CRÓNICAS 29:7

omee reta tupao pe mbaravɨkɨ oyeapota vae peguarä ciento sesenta y cinco mil kilo jare diez mil reare oro pegua, tresciento treinta mil kilo korepoti, jare seisciento mil kilo seri jiero iyu vae jare mboapɨ millón tresciento mil kilo jiero.

2 CRÓNICAS 11:10

Zora, Ajalón jare Hebrón; jae ko opaete tëta guasu reta jëguambae Judá pe jare Benjamín pe vae.

SALMOS 143:8

Ndeimbove yave eikuaauka cheve ndeporoparareko, echa ndereño ayeko. Eikuaauka cheve kërai aiko vaerä, echa ndeveño ayerure.

SALMOS 27:4

Metei mbae aiporu yandeYa pe, jaeño kuae aipota vae: Aï vaerä yandeYa itupao pe, opaete ara aikove aiko ramboeve, amae vaerä yandeYa ipöra re, amboete vaerä itupao pe.

EZEQUIEL 36:37

Che peYa Tumpa jae körai: Israel iñemuña reta oiporu cheve vae ayapota; amoñemuña retata jeta, vecha reta jeta oñemuña rami.

NÚMEROS 13:22

Omboɨpɨ oike reta Neguev rupi, yogüɨraja oväe Hebrón pe; joko pe yogüɨreko Ahimán, Sesai jare Talmai, Anac iñemuña reta. Tëta Hebrón yepe oyeapo chiu año ndei oiko mbove tëta Zoán Egipto pegua.

NÚMEROS 27:21

Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

JOSUÉ 15:13

Josué omee Caleb, Jefone taɨ pe Judá iñemuña reta iɨvɨ pe. YandeYa oyókuai rami omee chupe tëta guasu Arba jae ko Hebrón. Arba jae ko Anac tu.

JUECES 1:1

Josué omano güire, Israel iñemuña reta oparandu yandeYa pe oikuaa reta vaerä kia nunga ñemuña ra tenonde oyeupita ojo oñeraro cananeo reta ndive.

1 SAMUEL 10:22

Jare oparandu reta ye yandeYa pe, mbaetɨño ra ou oväe jókuae kuimbae joko pe. Jare yandeYa jei: “Oime kuae pe oñemi oï voɨta pɨte pe.”

1 SAMUEL 23:2

Jare David oparandu yandeYa pe jei reve: —¿Ajata pa añeraro filisteo reta ndive? Jare yandeYa jei chupe: —Ekua eñeraro jare eepɨ tëta guasu Keila.

1 SAMUEL 23:4

Jayave David oparandu ye yandeYa pe, jare yandeYa jei: —Epüa jare ekua Keila pe, che ameeta ndepo pe filisteo reta.

1 SAMUEL 30:31

Hebrón pe, jare opaete jókuae ɨvɨ David jupiegua reta ndive oguataa rupi.