2 SAMUEL 17:2 - Biblia Guarani Tumpa Iñee

² Jare jae ikangɨ oï yave iparanoe taë chupe, tamongɨɨye jare totekuarai opaete jupiegua reta. Jayave tayuka mburuvicha guasu jaeño pe.

2 SAMUEL 17:2 Iomraidhean Croise

2 SAMUEL 16:14

Jare mburuvicha guasu jare jupiegua reta ikangɨ yae opa yogüɨraja oväe ɨ̈aka Jordán pe, jare oputuu reta joko pe.

2 SAMUEL 17:1

Kuae jaɨkue rupi Ahitofel jei Absalón pe: —Añave emaeño taiparavo doce mil kuimbae, jare kuae pɨ̈tu voi taë taɨkuemoña David.

1 REYES 22:31

Ërei mburuvicha guasu Siria pegua jei jókuae treinta y dos sundaro ruvicha käretou ñeraro pegua reta pe, agüɨye vaerä oñeraro reta oipotagüe ndive, jaeño mburuvicha guasu Israel pegua ndive.

NEHEMÍAS 4:5

Agüɨye neɨ̈ro chupe reta ikavimbae oyapo reta vae re, agüɨye emboai iyoa reta nderóvai güi, echa iñee jasɨ katu reta omopüa ñogüɨnoi tëta guasu ikësea vae reta kotɨ.”

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

San Mateo 21:38

Ërei ko iporúa reta oecha yave uvarupa iya taɨ, jei reta oyoupe: Kuae ko jae ko iyarä vae. Peyu yayuka, ñapɨ̈ro chugüi iko.

San Mateo 26:31

Jayave Jesús jei chupe reta: —Opaete pe reta opata chereeya kuae pɨ̈tu. Echa Tumpa Iñee pe oyekuatía oï körai: “Ayukata vecha reta iyangarekoa, jare vecha reta opata oñemoai moai.”

San Juan 11:50

Echa ikavita ko yandeve metei kuimbae omano vaerä opaete vae reta jekovia pe, opaetei tëtaguasu oyemboai vaerägüe.

DEUTERONOMIO 25:18

ñogüɨnoe oporepeña peré tape pe, ñogüɨnoe ipɨtugüe taɨkue opɨta vae reta pe; pekangɨ yae peï yave; mbaetɨ etei oipoɨu reta Tumpa güi.