2 SAMUEL 1:2 - Biblia Guarani Tumpa Iñee

² Mboapɨa ara pe, ou metei kuimbae Saúl jeyupa güi, jemimonde opa ipächa jare iñäka ɨvɨ katuai ipɨatɨtɨ güi; ou oväe David oïa pe yave, oyetavatɨka itindɨasɨ ɨvɨ re omboete reve.

2 SAMUEL 1:2 Iomraidhean Croise

GÉNESIS 22:4

Mboapɨa ara pe Abraham omopüa iñäka jare oecha matɨ güi jókuae ɨvɨtɨ Tumpa omombeu chupe vae.

GÉNESIS 37:29

Jaɨkue rupi Rubén ojo ye omae ɨvɨkua re, jare oecha José mbaetɨ ma oï pɨpe yave omondoro jemimonde ipɨatɨtɨ güi.

GÉNESIS 37:34

Jayave Jacob omondoro jemimonde, jare oyemonde temimonde mbɨatɨtɨ pegua pe, jökorai ipɨatɨtɨ oiko ɨma ara rupi taɨ re.

GÉNESIS 43:28

Jae reta itindɨ omboete reve jei: —Oreru ikaviño oï; oikoveño ko.

2 SAMUEL 1:3

Jare David oparandu chupe ketɨ güi ra ou vae. Jayave jókuae kuimbae jei: —Israel iñemuña reta jeyupa güi ko atekuarai.

2 SAMUEL 13:19

Jayave Tamar oipɨɨ tanimbu jare oñono iñäka re jare omondoro jemimonde jeta ipïra vae, jare ipo oñono reve iñäka re jäse oyaeo ojo oiko.

2 SAMUEL 14:4

jare jókuae kuña Tecoa pegua ojo mburuvicha guasu jóvai, jare oyetavatɨka itindɨasɨ ɨvɨ re omboete reve, jare jei: —¡Chemborɨ cheya!

2 SAMUEL 15:32

Jare David ojo ma oväe ɨvɨtɨ iyapɨte re omboete vaerä Tumpa yave, ko ou oövaiti arquita Husai, jemimonde omondoro reve jare ɨvɨ iñäka re ipɨatɨtɨ güi.

2 SAMUEL 24:20

Arauna omae tape re yave, oecha yogüeru ikotɨ mburuvicha guasu iyɨvɨrigua reta ndive. Jayave Arauna opüa ojo oövaiti jare oyetavatɨka itindɨ ɨvɨ re mburuvicha guasu jóvai,

2 SAMUEL 4:10

jare metei oyemongeta ikaviecha oyapo ou yave omombeu cheve Saúl imano regua yave, che aipɨɨ jare ayukauka Siclag pe jókuae güeru omoërakua cheve vae re.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

ESTER 5:1

Jare mboapɨa ara pe Ester oyemonde kavi, jare oike mburuvicha guasu jo joka japɨpe pe, oyemboɨ mburuvicha guasu öke re katu oguapɨ oïa jóvai.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

EZEQUIEL 27:30

Jäse retata nderé, neräpiro retata jasɨ katu reve, oñono retata iñäka re ɨvɨkúi, oyapayere retata tanimbu pe.

OSEAS 6:2

Mókoi ara jaɨkue rupi omee yeta tekove yandeve; mboapɨa ara pe yandemoingove yeta, jare yaikoveta jae jóvai.

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

San Mateo 12:40

Echa Jonás opɨta mboapɨ ara jare mboapɨ pɨ̈tu jókuae jevae tuicha yae vae ɨ rupigua jɨe pe. Jökorai che Kuimbaerä ayeapo vae apɨtata mboapɨ ara jare mboapɨ pɨ̈tu ɨvɨgüɨ pe.

San Mateo 16:21

Jókuae ara güive Jesús omombeu jemimboe reta pe kërai jae ojota ko Jerusalén pe, jare oiporarauka yaeta chupe tenondegua reta, sacerdote reta itenondegua reta, jare mborookuai re oporomboe vae reta vae; jare oyuka retata ërei mboapɨ araa pe oikove yeta vae.

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.

1 SAMUEL 20:41

Jare jembiokuai ojo ma yave, David oë arayevɨ kotɨ güi ita yatɨ oï vae ikupe güi, oyetavatɨka ɨvɨ re mboapɨ ye itindɨasɨ reve, javoi oyoovapɨte jare oñoäpiro reta, ërei David jeta yae oyaeo.

1 SAMUEL 25:23

Jare Abigail oecha yave David ogüeyɨ voi imburika güi, jare oyetavatɨka itindɨasɨ reve ɨvɨ re David jóvai.

1 SAMUEL 4:12

Jare jókuae ñeraroa güi otekuarai metei kuimbae Benjamín iñemuña pegua, ojo oväe jókuae ara voi Silo pe. Ipächa jemimonde jare iñäka ɨvɨ katuai.

1 SAMUEL 4:16

Jókuae kuimbae jei Elí pe: —Ayu ramoete aväe. Atekuarai kuae ara ñeraroa güi. —¿Maratu pa cheraɨ? —jei Elí.