2 Juan 1:1 - Biblia Guarani Tumpa Iñee

¹ Che oporogüɨrovia vae reta itenondegua aikuatía kuae tupapire pe Tumpa peparavo vae, joko pe peyemboatɨ vae reta pe, che poaɨu añete vae re. Mbaetɨ cheño poaɨu, opaete añete vae oikuaa vae reta vi.

Nuevo Testamento Guaraní Pe

¹ Che co jae Juan. Jecuaeño aico oporogüɨrovia vae reta itenondeguara. Nde co jae metei cuña Tumpa oiparavo vae. Aicuatía ai cuae tupapire ndeve jare nemembɨ reta pe. Che poaɨu añete vae perovia rambue. Jae ramiño vi opaete añete vae oicuaa vae reta peraɨu che poaɨu rami.

2 Juan 1:1 Iomraidhean Croise

San Lucas 1:3

Jáeramo jaekavi cheve, che vi aikuatía vaerä ndeve, mburuvicha Teófilo, amombeu vaerä ndeve kërai opaete oyeapo. Echa che aikuaa kavi opaete iyɨpɨ güive oasa vae.

San Juan 8:32

Jare peikuaata añete vae, jare añete vae peyorata ko.

Hechos 11:30

Jökorai oyapo reta. Omondo reta oporogüɨrovia vae reta itenondegua reta pe Bernabé jare Saulo ndive.

Romanos 16:13

Tamaraeme vi toï yandeYa jembiparavo Rufo jare ichɨ. Jare ichɨ oyangareko kavi cheré chesɨ rami vae.

Gálatas 2:14

Jáeramo aecha yave mbaetɨ oyapo jupi rupi ñee ikavi vae jei vae rami, jae Pedro pe opaete vae jovake: “Nde ko judío, ërei reiko judiombae vae reta yogüɨreko rami, mbaetɨ reiko judío rami. Jáeramo, ¿maera pa reipota judiombae vae reta yogüɨreko judío reta rami?”

Gálatas 2:5

Ërei mbaetɨ etei roñemaeño jese reta, echa roipota jekuaeño penoi vaerä ñee ikavi vae añetete vae.

Gálatas 3:1

Galaciaɨgua reta, iyarakuaambae reta. ¿Kia pa pembotavɨ kavi yae, agüɨye vaerä perovia añete vae? Echa roechauka kavi yae ma peve, kërai Jesucristo oyekutu kurusu re vae.

Gálatas 5:7

Ikavi yae peguata tëi. ¿Kia pa oeyauka peve añete vae?

Colosenses 1:5

peäro peï reve Tumpa oñovatu ma peve ara pe vae ramo. Pe reta peikuaa kuae regua, ñee ikavi vae añete vae peendu yave.

1 Timoteo 2:4

jae oipota opaete vae oyemboasauka jare oikuaa kavi añete vae.

Hebreos 10:26

Echa yandeyoa yave ñanekɨ̈reɨ reve añete vae yaikuaa güire, mbaetɨ ye ma kia oñemee vaerä mbaeyoa reta re;

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.

1 Pedro 5:13

Opaete oporogüɨrovia vae Babilonia pe ñogüɨnoi vae omondo peve tamaraeme. Tumpa oiparavo reta jae peparavo rami. Jaeramiño vi cheraɨ Marcos omondo peve tamaraeme.

1 Juan 2:21

Mbaetɨ ko aikuatía peve añete vae mbaetɨ peikuaa ramo, aikuatía ko peve peikuaa ramo. Jare pe reta peikuaa ko añete vae güi ngaraa etei oë apu.

1 Juan 3:18

Cheraɨ aaɨu vae reta, agüɨye yayoaɨu ñaneñee peño ani yandeyuru peño, toyekuaa yayapo vae rupi jare añetete rupi.

2 Juan 1:13

Ïru oporogüɨrovia vae Tumpa oiparavo vae reta omondo vi tamaraeme peve. ¡Amén!

2 Juan 1:5

Jare añave pomoñera cherɨvɨ reta, mbaetɨ aikuatía peve mborookuai ipɨau vae rami, jaeño iyɨpɨ güive yaikuaa vae, jae ko yayoaɨu päve vaerä.

3 Juan 1:1

Che oporogüɨrovia vae reta itenondegua, aikuatía ndeve cherɨvɨ aaɨu vae Gayo, añete vae re.