1 SAMUEL 9:3 - Biblia Guarani Tumpa Iñee

³ Jare Cis, Saúl tu imburika reta yepe opa okañɨ; jáeramo jei taɨ Saúl pe: —Eraja nderupíe metei tembiokuai, jare pekua peeka mburika reta.

1 SAMUEL 9:3 Iomraidhean Croise

JUECES 10:4

Jair güɨnoi treinta taɨ, mburika re opo vae reta, jare güɨnoi treinta tëta guasu; kuae tëta guasu reta jee “Jair jëta guasu reta”. Kuae reta ñogüɨnoi ɨvɨ Galaad pe.

JUECES 5:10

Pe reta, pepo mburika kuña tïi vae re vae; jare peguapɨ peporojäa vae, jare pe reta peguata vae, pemoërakua.

1 SAMUEL 10:14

Metei Saúl itutɨ jei chupe jare jembiokuai pe: —¿Kerupi pa peiko? Jare jae jei: —Rojo roeka mburika reta; jare mbaetɨ roväe chupe ramo rojo roväe Samuel pɨri.

1 SAMUEL 10:2

Añave, reo ma cheɨpɨ güi yave, reväeta mókoi kuimbae reta Raquel jɨvɨa iyɨpɨ pe, Benjamín iñemuña reta iɨvɨ pe, Selsa jee vae pe. Jae reta jeita ndeve jókuae mburika reta reo reeka vae opa ma oñeväe ye; nderu mbaetɨ ma ipɨatɨtɨ jókuae re; añave perei ma ipɨaä oï, jei reve: “Mbae ra ko ayapota cheraɨ kotɨ.”

1 SAMUEL 9:2

Cis güɨnoi metei taɨ, Saúl jee vae, taɨrusu jare kunumi kavi. Opaete Israel iñemuña reta ipɨte pe mbaetɨ yé chugüi ïru kunumi kavi; jare ipuku yae opaete vae reta güi.

1 SAMUEL 9:20

Jókuae mburika mboapɨ ara ma okañɨ pegüi vae, agüɨye ndepɨatɨtɨ jese reta, echa oñeväe ma chupe. Ërei opaete Israel pegua mbaeyekou ndembaerä ko jare nderu iñemuña reta peguarä ko.

1 SAMUEL 9:4

Jare oasa reta ɨvɨtɨ Efraín rupi jare yogüɨraja oväe ɨvɨ Salisa pe; jare mbaetɨ oväe. Jare oasa reta yogüɨraja ɨvɨ Saalim rupi, mbaetɨ oväe, javoi oasa reta yogüɨraja Benjamín iñemuña reta iɨvɨ rupi jare mbaetɨ oväe reta imburika.