1 SAMUEL 7:4 - Biblia Guarani Tumpa Iñee

⁴ Jayave Israel iñemuña reta oekɨ omombo Baal iä reta, jare Astarot iä reta, jare omboete reta yandeYaño.

1 SAMUEL 7:4 Iomraidhean Croise

1 REYES 11:33

chereeya reta vae jeko pegua, jare omboete reta Astoret, Sidón pegua reta itumpa kuña, jare Quemos Moab pegua reta itumpa, jare Moloc Amón iñemuña reta itumpa; mbaetɨ oguata reta cheremimbota rupi, oyapo reta vaerä sɨmbi vae cheresa róvai, jare cheporookuai reta, tu David oyapo rami.

1 REYES 11:5

Omboete Astoret, jae ko Sidón pegua reta itumpa kuña, jare Milcom, Amón iñemuña reta itumpa-raanga ikavimbae yae vae.

1 REYES 8:48

oyerova opaete ipɨa jare jekove ndive ndekotɨ yave jókuae ɨvɨ jovaicho reta güɨrajaa pe, jare oyerure omae reve kuae ɨvɨ remee iñemuñagüe reta pe kuae tëta reiparavo vae kotɨ yave,

2 REYES 23:15

Jaeramiño vi, mɨmba oyeyuka oyeapɨ jese vae Bet-el pe oï vae, mbaemboete renda ɨvɨtɨ rupigua Jeroboam, Nabat taɨ oyapo vae, kuae rupi Israel iñemuña reta pe oyapouka mbaeyoa; Josías opa oyoka, opaetei omongúi jare oapɨ Asera iä.

OSEAS 14:3

Asiria pegua reta ngaraa ipuere orereroasayepe, ngaraa vi orepuere rotekuarai kavayu re. Ngaraa ye ma roe ‘oretumpa’, mbae iä royapo orepo pe vae pe, oreYa, ndeño reiparareko tɨ̈reɨ.”

OSEAS 14:8

Efraín jeita: ‘Ngaraa ye ma aeka tumpa-raanga reta.’ ¡Che ayeapɨsakata jare ayangarekota chembae vae reta re! Che ko jae metei ɨvɨra jokɨ katu avei vae rami, cheré toväe chembae vae reta mbae ikavi vae.”

JUECES 2:11

Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

JUECES 2:13

Oeya reta yandeYa jare omboete reta tumpa-raanga Baal jare Astarot.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”

1 SAMUEL 7:5

Jare Samuel jei: “Pemboatɨ opaete tëta Israel iñemuña reta Mizpa pe, ayerureta peré yandeYa pe.”