1 SAMUEL 6:3 - Biblia Guarani Tumpa Iñee

³ Jae reta jei: —Pemondo ye Tumpa ikäjou yave, agüɨye pemondo jökoraiño, pemondo vi mbota peyemboepɨ vaerä, jayave pekuerata jare peikuaata maera Tumpa oiporarauka peve.

1 SAMUEL 6:3 Iomraidhean Croise

JOB 10:2

Jaeta Tumpa pe: Agüɨye chemboeko; eikuaauka cheve maera ko reyemboyovaicho che ndive vae.

ÉXODO 23:15

Toyeapo cheve arete mbɨyape oyembovumbae regua; chiu ara peuta mbɨyape oyembovumbae, che poyókuai rami, jae ko yasɨ Abib pe, echa kuae yasɨ pe peë Egipto güi; jare agüɨye metei ave ipogüɨrai tou cheróvai.

ÉXODO 34:20

Ërei pemboepɨ metei vecha kuimbae taɨrusu vae pe mburika imembɨrɨpɨ kuimbae, mbaetɨ ko yave peiyayu rakɨo. Pemboepɨ vi opaete peraɨrɨpɨ ñavo. Agüɨye metei ave tipogüɨrai tou cheróvai.

ÉXODO 8:15

Ërei Faraón oecha jaekaviño ma oputuu ye yave, omotäta ipɨa jare mbaetɨ oipota oyeapɨsaka jae reta iñee re, yandeYa jei rami.

LEVÍTICO 5:6

Togüeru cheve mɨmba rókai güi metei mɨmba kuña, cheɨ̈ro vaerä chupe iyoa re; metei vecha taɨrusu vae ani kavara, jare sacerdote toyapo chupe cheɨ̈ro vaerä iyoa re.

LEVÍTICO 6:6

Togüeru cheve iyoa re jɨmba reta güi metei vecha kuimbae jete kavi vae, nde emae kavi jepɨ re, jare tomee sacerdote pe, cheɨ̈ro vaerä iyoa re.

DEUTERONOMIO 16:16

Opaete kuimbae reta toyogüeru mboapɨ vese año pe yandeYa Tumpa jóvai, jókuae jae oiparavo jee oï pɨpea pe: Arete mbɨyape oyembovumbae pegua pe, arete semana vae pe, jare o ñairaka pegua iyarete pe. Agüɨye etei kia tou ipogüɨrai yandeYa jóvai,

1 SAMUEL 5:11

Jare omboatɨ reta opaete filisteo juvicha reta, jare jei chupe reta: “Peraja peeya Israel iñemuña reta iTumpa ikäjou, oyererúa güi, agüɨye vaerä opa ñamano.” Echa jërakua oï mano opaete jókuae tëta guasu pe, Tumpa oiporarauka yae oï joko pe.

1 SAMUEL 5:7

Kuae oecha yave Asdod pegua reta, jei: “Agüɨye topɨta yandepɨte pe Israel iñemuña reta iTumpa ikäjou, echa oiporarauka yandeve jare ñanetumpa Dagón pe.”

1 SAMUEL 5:9

Jare güɨraja reta oeya Gat pe yave, yandeYa imbaepuere rupi okɨɨye yae jókuae tëta pegua reta, oiporarauka chupe reta, michia güive okuakuaa vae re oë pire mbaerasɨ ñakɨ̈ta vae.

1 SAMUEL 6:8

Peipɨɨ Tumpa ikäjou jare peñono käretou pe, jare jókuae mbae iä reta oro pegua pemondo mbota teko re vae, peñono metei jɨru pe käjou iyɨpɨ pe, jare pemaeño käretou tojo jaeiño.

1 SAMUEL 6:9

Jare pemae peï jese; jare tape ojo Bet-semes kotɨ vae rupi ojo yave iɨvɨ ae pe, jayave Tumpa ko oiporarauka tuicha yandeve, ërei mbaetɨ ojo yave jókuae tape rupi, jayave jaeä ko oiporarauka yandeve, mbaerasɨiño ko.