1 SAMUEL 5:4 - Biblia Guarani Tumpa Iñee

⁴ Pɨareve pe oecha reta ye itumpa Dagón jekuae yepɨso ɨvɨ pe yandeYa ikäjou jóvai, iñäka jare ipo mókoi reve opa oyeka oï öke pe etei, jaeño jetegüe opɨta.

1 SAMUEL 5:4 Iomraidhean Croise

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

ISAÍAS 40:20

Paravete vae oeka ɨvɨra täta vae, ɨvɨra mbaetɨta ikúi vae, jare oeka kia oikatu mbae iä oyapo vae, oyapo vaerä chupe mbae iä ipöra kavi vae, täta kavi oï vae.

JEREMÍAS 10:11

(Körai pere itumpa-raanga pota vae reta kotɨ: “Okañɨta ko ɨvɨ güi tumpa-raanga reta mbaetɨi oyapo ara jare ɨvɨ vae; mbaetɨ eteita opɨta chugüi reta metei ave ɨvɨ pe.”)

JEREMÍAS 10:14

Opaete kuimbae reta yarakuaambae ko. Tumpa-raanga omondɨkui oyapo vae oñemomaraiukata opɨta, echa ko jembiapo reta oporombotavɨ, mbaetɨ jekove;

JEREMÍAS 10:15

jaanga retaño ko. YandeYa iporojäa iara pe, opaeteita ko oyemboai reta.

JEREMÍAS 50:2

“Emoërakua kuae, tëtaguasu reta rupi, eikuaauka chupe reta. Emopüa bandera remokañɨmaa vaerä ñemoñee, agüɨye nekïriiño epɨta. Ere: ‘¡Babilonia oñepɨ̈ro! ¡Tumpa-raanga Bel opɨta ñemomarai pe, tumpa-raanga Merodac opa oyemboai! ¡Itumpa-raanga añetembae, opa oyemboai!’

DANIEL 11:8

Opɨ̈rota güɨraja Egipto kotɨ itumpa-raanga reta, mbae iä reta jiero oyemondɨkui oyeapo vae pegua jare jembiporu reta ipöra yae vae korepoti pegua jare oro pegua. Ërei mbovɨ año rupi jae oyembosɨrɨta oiko mburuvicha guasu ɨvɨtuguasu kotɨgua güi,

MIQUEAS 1:7

Opaete mbae iä reta opata oyeyoka, opaete ikorepoti reta opata ókai jare opaete itumpa-raanga reta opata oyeyoka; echa iyaguasa pota vae reta ikorepoti re ko kuae reta oyeapo, jare iyaguasa pota vae reta ikorepotirä opa yeta ojo.”

1 SAMUEL 6:5

Peyapo pire mbaerasɨ ñakɨ̈ta vae iä jare anguya reta iä, peɨvɨ güɨrokomegua vae jare pemee mbaemboete Israel iñemuña reta iTumpa pe, güɨramoi mbaetɨta ma oiporarauka peve, petumpa reta pe jare peɨvɨ pe.