1 SAMUEL 4:8 - Biblia Guarani Tumpa Iñee

⁸ ¿Këraita pa yaiko? ¿Kia pa yandereepɨta kuae Tumpa imbaepuere yae vae güi? ¡Jae ko jókuae Tumpa Egiptoɨgua reta oyuka ñuu rupi oipotagüe mbaerasɨ pɨ̈chɨi pe vae!

1 SAMUEL 4:8 Iomraidhean Croise

ÉXODO 15:14

Opaete tëta reta oendu yave orɨrɨi retata; mbae jasɨ güi oyeetepokata filisteo reta,

ÉXODO 7:5

Jare Egiptoɨgua reta oikuaata che ko jae peYa vae, aitɨ yave chembaepuere Egipto re, Israel iñemuña reta pogüɨnoe jae reta ipɨte güi yave.

ÉXODO 9:14

echa añave opaete mbaerasɨ reta amondota nderé, nderembiokuai reta re, nerëta pegua reta re, reikuaa vaerä mbaetɨ ye ïru Tumpa che rami opaete kuae ɨvɨ pe vae.

Apocalipsis 11:6

Kuae mókoi reve güɨnoi mbaepuere ara re agüɨye vaerä okɨ opaete ara reta Tumpa iñee omoërakua reta ramboeve. Jaeramiño vi güɨnoita mbaepuere ɨ re oyapo vaerä tugüɨrä. Jaeramiño vi güɨnoita mbaepuere oiporarauka vaerä ɨvɨ pegua reta pe oipotagüe tembiporara jae reta ikɨ̈reɨ oyapo rupi.

1 SAMUEL 4:7

filisteo reta omboɨpɨ okɨɨye, jare jei reta: “¡Ou Tumpa jae reta jeyupa pe! ¿Këraita pa añave yaiko? ¡Echa tenonde yave mbaetɨ jökorai!

1 SAMUEL 4:9

¡Peñemoäta ngatu filisteo reta, peyembokuimbae ñeraro pe, agüɨye vaerä peyeokuai hebreo reta pe, jae reta oyeokuai peve rami! ¡Peyembokuimbae jare peñoraro!”

1 SAMUEL 5:7

Kuae oecha yave Asdod pegua reta, jei: “Agüɨye topɨta yandepɨte pe Israel iñemuña reta iTumpa ikäjou, echa oiporarauka yandeve jare ñanetumpa Dagón pe.”