1 SAMUEL 4:3 - Biblia Guarani Tumpa Iñee

³ Yogüeru ye ma ñeraroa güi teyupa pe yave, Israel iñemuña itenondegua reta jei: “¿Maera pa yandeYa yandeyukauka filisteo reta pe? ¡Yaja yaru yandeYa ikäjou morogüɨrökuavee päve pegua Silo güi, jókuae käjou toï yandepɨte pe, yandereepɨ vaerä yanderovaicho reta güi!”

1 SAMUEL 4:3 Iomraidhean Croise

2 SAMUEL 15:25

Ërei mburuvicha guasu jei Sadoc pe: —Eraja ye Tumpa ikäjou tëta guasu pe. Jare YandeYa ipɨakatu ko chekotɨ yave, jae ko chereroyerova yeta, aecha vaerä kuae Tumpa ikäjou jare tupao guakapi pegua.

1 CRÓNICAS 17:1

David oiko ma jo pe yave, jei Tumpa iñeemombeúa Natán pe: —Mase, che aiko o kavi ɨvɨra ɨ̈vɨrare pegua pe, ërei Tumpa ikäjou morogüɨrökuavee päve pegua oï o guakapi pegua peño.

SALMOS 74:1

CheRu Tumpa, ¿maera pa oremombo jekuae avei pegua? ¿Maera pa ndearasɨ yae, ndevecha reta ndekapii jokɨ katúa rupigua kotɨ?

SALMOS 74:11

¿Maera pa ndepo reñomi? ¿Maera pa reñeküavaiño remae?

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

ISAÍAS 58:3

ërei ngatu jei reta: ‘¿Maera pa yayekuakuta tembíu güi? Tumpa mbaetɨ ko yandereecha. ¿Maera pa ñañemomichita? Tumpa mbaetɨ ko oikuaa.’ Yekuaku tembíu güi iara pe, peyapo pepɨa jemimbotaño, jare perekoasɨ katu oyeokuai peve vae reta.

ISAÍAS 59:1

YandeYa mbaetɨ ko ipo ombosɨrɨ, mbaetɨ vaerä oporogüɨroasayepe, mbaetɨ ko oyopia iyapɨsa, mbaetɨ vaerä oendu.

ISAÍAS 59:2

Ërei peyoa reta pemboyao peTumpa güi, peyoa reta oñovauka Tumpa jova pegüi, agüɨye vaerä oyeapɨsaka peré.

JEREMÍAS 3:16

Javoi jeta yae ma peñemuña perëtaguasu pe yave, ngaraa ma kia oyemoambeko käjou morogüɨrökuavee päve pegua yandeYa imbae re, kia ave ngaraa ma imaendúa jese, ngaraa ma vi oata, ngaraa vi ipɨau oyeapo. Che peYa, jae ndeve körai.

JEREMÍAS 7:4

Agüɨye perovia jókuae oporombotavɨ vae reta re. ¡YandeYa itupao ko kuae, ngaraa maratu yaasa!, jei vae reta re.

NÚMEROS 10:33

Jökorai opa yogüɨraja yandeYa iɨvɨtɨ güi, oguata reta mboapɨ ara; jare käjou morogüɨrökuavee päve pegua yandeYa imbae, ojo jae reta ndive jókuae mboapɨ ara rupi, güɨraja jókuae oputuu retata vae kotɨ.

NÚMEROS 10:35

Käjou oyemboɨpɨ oyereroata yave, Moisés jei körai: “¡Epüa cheYa! ¡Topa toñemoai moai nderovaicho reta! ¡Totekuarai ndegüi nemotareɨ vae reta!”

NÚMEROS 31:6

Jare Moisés omondo ñeraro pe Finees sacerdote Aarón taɨ ndive, jae güɨraja vaso reta o mbaemboetea pegua, jare mimbɨguasu ipo pe omoñee vaerä.

DEUTERONOMIO 29:24

Jayave opaete tëtaguasu pegua reta jeita: ‘¿Maera ra Tumpa jökorai oyapo kuae ɨvɨ? ¿Mbae re ra iyarasɨ mbatee?’

DEUTERONOMIO 31:26

“Peipɨɨ kuae tembikuatía mborookuai reta oyekuatía oï pɨpe vae, jare peñono yandeYa Tumpa ikäjou morogüɨrökuavee päve pegua iyɨpɨ pe, jare toï joko pe ïru vae reta pe oikuaauka vaerä peregua.

2 Timoteo 3:5

jupi vae rami yogüɨrekota, ërei ngaraa etei oyekuaa jese jupi vae, agüɨye eñemoïru jókuae nunga reta ndive.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.

JOSUÉ 4:7

Pe pereta chupe reta: ‘Ɨ̈aka Jordán pegua ɨ oyemboyao yandeYa ikäjou morogüɨrökuavee päve pegua jenonde yave. Jókuae käjou oasa ɨ̈aka Jordán yave, pɨpegua ɨ oyemboyao. Kuae ita reta opɨta ko Israel iñemuña reta oyemomaendúa avei vaerä kuae pe oasagüe re.’ ”

JOSUÉ 6:6

Jayave Josué Nun taɨ oenɨi sacerdote reta, jare jei chupe reta: “Peraja Tumpa ikäjou morogüɨrökuavee päve pegua, jare chiu sacerdote togüɨraja mimbɨ vecha kuimbae-räti pegua yandeYa ikäjou jenonde.”

JOSUÉ 7:7

Jare Josué jei: —¡CheYa Tumpa! ¿Maera pa reroasa kuae tëta ɨ̈aka Jordán? ¿Amorreo reta pe oremee vaerä pa, opa oremokañɨtei vaerä pa? ¡Ropɨtañota tëi yepe ɨ̈aka Jordán jovaicho pe!

JOSUÉ 7:8

¡CheYa! ¿Mbae pa jaeta? Echa Israel iñemuña reta opa otekuarai jovaicho reta güi.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.

Judas 1:5

Jáeramo yepe tëi peikuaa ma, ërei aipota pomomaendúa ye kuae re: YandeYa güɨnoe Israel pegua reta Egipto güi. Ërei taɨkue rupi opa omokañɨtei jese güɨroviambae vae reta.

1 SAMUEL 1:24

Jare ombokambu poi güire, güɨraja jupíe; jare mboapɨ toro taɨrusu vae, jare veintidó kilo trigo jare metei jɨru vino; güɨraja yandeYa jo pe Silo pe; ërei kunumi raɨ michi vɨteri.

1 SAMUEL 14:18

Jare Saúl jei Ahías pe: —Eru Tumpa ikäjou cheve. Echa jayave rupi oimeño Tumpa ikäjou Israel iñemuña reta ndive.

1 SAMUEL 4:2

jare filisteo reta opüa Israel iñemuña reta re; omboɨpɨ oñoraro reta, jare Israel iñemuña reta ñamɨri, filisteo reta oporoyuka cuatro mil ñeraroa pe.