1 SAMUEL 26:3 - Biblia Guarani Tumpa Iñee

³ Jare Saúl oyembojeyupa ɨvɨtɨ Haquila re kuaraɨ oëa kotɨ oï ñuu vae pe, tape jembeɨ pe. David oï ñuu pe jare oikuaa Saúl oaɨkuemoña yepe ojo joko pe.

1 SAMUEL 26:3 Iomraidhean Croise

SALMOS 63:1

¡CheRu Tumpa, nde ko jae cheTumpa! Ndei köe mbove roekata, echa cheɨuve yae rami nderé, cherete etei ndereeka, ɨvɨ otini jare ɨ mbaetɨa pe rami.

1 SAMUEL 23:15

David okɨɨye oiko Saúl güi, echa oeka oyuka vaerä. Jáeramo opɨta oiko Hores pe ñuu Zif pe.

1 SAMUEL 23:19

Jare Zif pegua reta yogüɨraja Gabaa pe imiari vaerä Saúl pe, jei reta: —David oime oñemi oï ɨ̈vavira Hores re, ɨvɨtɨ Haquila iyapɨ re, arayevɨ kotɨ.

1 SAMUEL 24:3

Jare jókuae tape rupi ojo oväe metei vecha reta jókai pe yave, oike ɨvɨkuarusu oï joko pe vae pe omaña vaerä. David jare jupiegua reta ñogüɨnoi jókuae ɨvɨkua jugua pe.

1 SAMUEL 26:1

Zif pegua reta yogüeru Saúl pɨri Gabaa pe jei reta reve: “David oime oï ɨvɨtɨ Haquila re, kuaraɨ oëa kotɨ ñuu güi.”

1 SAMUEL 26:4

Jare David omondo omae vɨari vae reta, jökorai oikuaa kia pe oime oï Saúl vae.