1 SAMUEL 2:2 - Biblia Guarani Tumpa Iñee

² ¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!

1 SAMUEL 2:2 Iomraidhean Croise

2 SAMUEL 22:3

cheTumpa, cheñepɨ̈roa, nderé tayeko cheyeopiaka, mbaepuere chereepɨ vae, añepɨ̈ro kavi yae nderé vae, chereroasayepe vae. ¡Chereroasayepe mbaesusere güi vae!

2 SAMUEL 22:32

¿Oime ye pa ïru Tumpa, yandeYa güi? ¿Oime ye pa ïru Tumpa ipuere yandereepɨ vae?

2 SAMUEL 7:22

jáeramo, nde cheYa Tumpa: ¡Tuichagüe yae ko nde! Echa mbaetɨ ko kia nde rami vae, jare mbaetɨ yé ïru Tumpa ndegüi, echa ore etei ko roendu jókuae.

1 REYES 8:23

jei: “CheYa, Israel iTumpa, mbaetɨ Tumpa nde rami vae, ɨvate ara pe ave, ani ɨvɨ pe, nde reñovatu morogüɨrökuavee päve nderembiokuai reta peguarä vae, nderóvai oguata kavi, opaete ipɨa ndive kavi vae reta;

SALMOS 111:9

Oepɨ imbae vae reta, oñono iporogüɨrökuavee päve jekuae avei pegua. Jee ikɨambae jare ikɨɨyea ko.

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 18:31

Echa, ¿oime ye pa ïru Tumpa cheYa Tumpa güi? ¿Oime pa ïru Tumpa ipuere yandereepɨ vae?

SALMOS 71:19

CheRu Tumpa, ndembaejupi oupitɨ ara; nde reyapo mbae tuicha yae vae reta. ¡Mbaetɨ yé kia nde rami!

SALMOS 71:3

Nde eiko avei cheve metei ita guasu rami cheñepɨ̈rokarä, ¡nde reñererökuavee chereroasayepe vaerä! ¡Nde ko jae ita guasu rami cheve vae, jare cheñepɨ̈roa!

SALMOS 73:25

¿Oime ra kia yé cheve ara pe? ¡Mbaetɨ! ¡Jaeño nde! Mbaetɨ ye mbae aipota kuae ɨvɨ pe.

SALMOS 86:8

CheYa Tumpa, ¡mbaetɨ tumpa-raanga reta güi metei ave nde rami vae! ¡Nderembiapo ave mbaetɨ omboyovake vae!

SALMOS 89:6

Echa, ¿kia pa ara pe oime ndemboyovake vaerä, cheYa? Imbaepuere vae reta güi, ¿oime pa kia ndemboyovake vaerä?

SALMOS 89:8

CheYa Tumpa, Tumpa Imbaepuere yae ete vae, ¿kia pa nde rami? Ndembaepuere yae ko cheYa, añete vae pe reñeova etei reï.

SALMOS 99:3

Toyemboete jee, kɨɨyea yae vae jare tuicha yae vae. ¡Tumpa ko Iyoambae!

SALMOS 99:5

¡Pembotuicha yandeYa Tumpa, peyetavatɨka petindɨasi reve jóvai! ¡Tumpa ko Iyoambae!

SALMOS 99:9

Pembotuicha yandeYa Tumpa, ¡peyetavatɨka chupe iɨvɨtɨ oñeñono tee vae jóvai! ¡YandeYa Tumpa ko Iyoambae!

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ISAÍAS 40:18

¿Kia ndive pa pepuere pemboyovake Tumpa? ¿Mbae iä pa peyapota Tumpa iärä?

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

JEREMÍAS 10:6

CheYa, mbaetɨ kia nde rami vae; nde ko tuichagüe, nderee tuichagüe jare imbaepuere yae vae.

LEVÍTICO 11:44

Echa che ko jae peYa Tumpa; jáeramo peñeñono tee jare peiko tee mbaeyoa güi, echa che ko iyoambae. Jáeramo agüɨye peyemongɨa kuae mɨmba reta ipɨtía re oguata vae rupi.

LEVÍTICO 11:45

Echa che ko jae peYa pogüɨnoeuka ɨvɨ Egipto güi vae, aiko vaerä peTumparä. Jáeramo peiko tee mbaeyoa güi, echa che ko iyoambae.’

LEVÍTICO 19:2

“Ere opaete Israel iñemuña reta pe: Peiko tee peyoambae, echa che peYa Tumpa iyoambae ko.

Romanos 15:4

Opaete oyekuatía tenonde Tumpa Iñee pe vae, oyekuatía ko yandemboe vaerä. Echa oyekuatía ko yaikatu vaerä mbɨaguasu jare mbɨakatu rupi ñaäro.

Romanos 4:8

Oyerovia kuimbae, Tumpa mbaetɨ omboeko mbaeyoa re vae.”

DEUTERONOMIO 3:24

‘CheYa Tumpa, nde remboɨpɨ reechauka che nderembiokuai pe ndetuicha yae vae, jare ndembaepuere; echa mbaetɨ yé ïru Tumpa ara pe ani ɨvɨ pe ikavi yae oyapo vaerä nde reyapo rami vae.

DEUTERONOMIO 32:20

jare jei: ‘Ayerovata chugüi reta, ¡yaecha maratu oasa reta! Echa kuimbae jeko kavimbae reta ko, cheraɨ jupimbae reta ko.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 4:35

Oyekuaa peve peikuaa vaerä yandeYa jae ko Tumpa, mbaetɨ yé ïru chugüi.

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.

1 Pedro 1:16

echa oyekuatía oï körai: “Peiko tee mbaeyoa güi, echa che ko iyoambae.”