1 SAMUEL 2:1 - Biblia Guarani Tumpa Iñee

¹ Ana oyerure, jei körai: “CheYa chepɨa oyerovia nderé chemopɨ̈rata nde, tamoë cheñee cherovaicho reta kotɨ. ¡Ayerovia yae chemborɨ vae re!

1 SAMUEL 2:1 Iomraidhean Croise

2 CRÓNICAS 20:27

Jare opaete Judá pegua reta jare Jerusalén pegua reta oyerova ye Jerusalén kotɨ, Josafat tenonde oiko chupe reta, yogüeru oyerovia katu reve, echa yandeYa omboyerovia reta oepɨ ramo jovaicho reta güi.

NEHEMÍAS 11:17

jare Matanías, Micaía taɨ ko tupao guasu pe otairari vae reta itenondegua, jae omboɨpɨ mbaemboete tairari pegua jare omee yasoropai Tumpa pe yerure iora pe; Matanías, Micaía taɨ, Micaía jae ko Zabdi taɨ, Zabdi jae ko Asaf taɨ. Bacbuquías ko jae mburuvicha Matanías jaɨkuegua, jëtara reta ipɨte güi; jare Abda, Samúa taɨ, Samúa jae ko Galal taɨ, Galal jae ko Jedutún taɨ.

JOB 16:15

Ayemonde temimonde mbɨatɨtɨ pegua pe, cheäka añono ɨvɨkúi pe.

SALMOS 118:14

Cheñepɨ̈roa jare chetairari ko yandeYa. ¡Jae ko chereroasayepe vae!

SALMOS 13:5

Ërei che ayeko ndeporoparareko re, chepɨa oyeroviata ndeporogüɨroasayepe re.

SALMOS 148:14

¡Jae ko ombotuicha yae tëta imbae vae imbaepuere! ¡Pemboete yandeYa, opaete imbae vae reta, pe Israel iñemuña reta! ¡Pe köiño peï chugüi vae reta! ¡Aleluya!

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 20:5

Ore royeroviata reporomoamɨri vae re, roupita bandera oreTumpa jee re. ¡YandeYa tomee ndeve opaete reiporu vae!

SALMOS 21:2

Remee chupe ipɨa pe oipota vae, neäteɨä remee chupe oiporu ndeve vae.

SALMOS 35:9

Jayave ayeroviata nderé cheYa, ayeroviata ndeporogüɨroasayepe re.

SALMOS 51:15

CheYa, eipea cheyuru, jare tatairari toromboete.

SALMOS 71:8

Opaete ara cheñee rupi, toime avei mbaemboete ndeyemboetea regua.

SALMOS 75:10

Echa jae omokañɨta iyoa vae reta imbaepuere, ërei jupi vae reta pe oñemoïruta imbaepuere.

SALMOS 89:17

Echa nde ko jae imbaepuere jare iyemboetea; ndepɨakavi rupi rembotuicha orembaepuere.

SALMOS 89:18

¡OreYa Tumpa nde ko jae oreyeopiaka! ¡Oreruvicha guasu jae ko Iyoambae Israel pegua!

SALMOS 89:24

Cheporoparareko jare cheñee añete vae oikota jae ndive, cheree re imbaepuere tuicha yaeta.

SALMOS 9:14

Chemiari vaerä ndeño ipuere ndemboete vae. Tëta guasu Sión jöke pe amoërakuata. Ayerovia, echa nde chereroasayepe.

SALMOS 92:10

Ërei nde, remoïru chepɨ̈rata, toro ipɨ̈rata rami, reñono olivo iasaite ikäti kavi vae cheäka re.

ÉXODO 15:1

Jayave Moisés jare Israel iñemuña reta otairari yandeYa pe körai: “Che tatairari yandeYa pe, echa oyemboyekuaa kërai jae tuicha yae ete ko; opa omopɨ̈tupa ɨguasu pe kavayu jare kavayu regua reta.

ÉXODO 15:21

jare María jei chupe reta: “Petairari yandeYa pe, echa oyembotuicha yae ete, opa omopɨ̈tupa ɨguasu pe kavayu jare kavayu regua reta.”

HABACUC 3:1

Kuae jae ñeemombeúa Habacuc iyerure sigionot.

San Lucas 1:69

Jae ombou yandeve jembiokuai David iñemuña pegua metei Oporogüɨroasayepe vae imbaepuere yae vae.

Romanos 5:11

Jare mbaetɨ kuaeño, yayerovia vi Tumpa re yandeYa Jesucristo rupi, echa Cristo rupi yamboresive yembopɨakatu.

DEUTERONOMIO 33:17

Toro taɨrɨpɨ rami ko iyemboetea, toro jäti rami ko, pɨpe oikututa opaete tëta reta ɨvɨ pegua; jökorai ko jeta Efraín iñemuña reta, jare Manasés iñemuña reta.”

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

Filipenses 4:4

Peyerovia katu avei yandeYa re. ¡Peyerovia katu avei!

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

1 SAMUEL 1:6

Jare iñemɨi Penina omoambeko avei, omboarasɨ jare ombopɨatɨtɨ vaerä, echa yandeYa mbaetɨ omee imembɨ vaerä.

1 SAMUEL 1:7

Jökorai año ñavo omoambeko avei; ojo yandeYa jo kotɨ yave; jáeramo Ana oyaeo jare okarúä.