1 SAMUEL 13:5 - Biblia Guarani Tumpa Iñee

⁵ Jayave filisteo reta oyomboatɨ oñeraro vaerä Israel iñemuña reta ndive. Oyomboatɨ treinta mil käretou ñeraro pegua, seis mil kuimbae kavayu regua reta, jare jeta kuimbae reta, ɨ jembeɨ pe ɨvɨkuitï jeta yae vae rami; jare oyeupi reta jare oyembojeyupa reta Micmas pe, Bet-avén güi kuaraɨ oëa kotɨ.

1 SAMUEL 13:5 Iomraidhean Croise

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

2 SAMUEL 17:11

Jayave, che romboarakuaata vae jae ko oñemoïru vaerä nde ndive opaete Israel iñemuña reta, Dan güive Beerseba kotɨgua reta vi, jare nde etei ekua ñeraro pe, jókuae jeta ɨvɨkuitï ɨ jembeɨ pe rami ñogüɨnoi vae reta jenonde.

1 REYES 20:27

Israel iñemuña pegua reta omae jare oyopapa kavi vi, jare oñemee reta vi chupe jembiurä, jare ñogüɨnoe oövaiti Siriaɨgua reta. Oyembojeyupa Siriaɨgua reta jóvai mókoi atɨ mi kavara vaeecha, echa Siriaɨgua reta opaetei omotɨnɨe ɨvɨ.

2 CRÓNICAS 1:9

Añave cheYa Tumpa, embopo neñee remee cheru David pe vae, echa nde cheñono kuae tëta jeta ɨvɨkúi rami vae juvicha guasurä.

ISAÍAS 10:28

Asiriaɨgua reta yogüeru oväe tëta Ajat pe, jare oasa Migrón jee vae rupi; Micmas pe oipapa isundaro reta,

ISAÍAS 48:19

Peñemuña reta jeta yaeta tëi ko, ɨvɨkuitï jeta yae vae yaipapa rapembae ramita tëi ko, ngaraai ko opa tëi amboai, ngaraai ko ambosɨrɨ tëi cheróvai güi.’

JEREMÍAS 15:8

Aeya ipɨte reta pe jeta imemano vae reta, ɨguasu jembeɨ pe jeta yae ɨvɨkuitï rami. Kuaraɨ ara mbɨte yave ambou chupe reta mano, ichɨ reta re jare imembɨraɨe reta re; iparanoe ambouta chupe reta mbɨatɨtɨ jare kɨɨye.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 4:15

Pe Israel pegua reta, peyoa ko yave, pe Judá pegua reta, agüɨye peyoa. ¡Agüɨye pekua Gilgal pe ani Bet-avén pe, agüɨye peñererökuavee mbae peyapo vaerä yandeYa jee re!

OSEAS 5:8

¡Pemoñee vecha kuimbae-räti Gabaa pe jare mimbɨ guasu Ramá pe! ¡Pemoñee mimbɨ ñeraro pegua Bet-avén pe! ¡Pekɨɨye Benjamín pegua reta!

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

JOSUÉ 11:4

Opaete kuae mburuvicha guasu reta ñogüɨnoe isundaro reta ndive ndive, jeta kuimbae reta, ɨguasu jembeɨ rupi ɨvɨkuitï rami, jeta yeyé kavayu jare käretou reta ñeraro pegua ndive.

JOSUÉ 18:12

Kuae ɨvɨ jembeɨ oyemboɨpɨ ɨvɨtuguasu kotɨ güi, ɨ̈aka Jordán güive, jare oyeupi Jericó güi ɨvɨtuguasu kotɨ rupi; joko güi oyeupi ɨvɨtɨ guasu re, kuaraɨ oikea kotɨ jare oë ojo ñuu Bet-avén pegua pe.

JOSUÉ 7:2

Jaɨkue rupi Josué omondo kuimbae reta Jericó güi tëta Hai, Bet-avén iyɨpɨ pe oï vae pe, Bet-el güi kuaraɨ oëa kotɨ; jei chupe reta yogüɨraja vaerä omae jókuae ɨvɨ re. Jare jae reta opa yogüɨraja omae tëta Hai re.

JUECES 7:12

Jare Madián iñemuña reta, jare Amalec iñemuña reta jare kuaraɨ oëa kotɨgua reta, oñemoai ɨvɨpe kavi rupi, tuku jeta yae vae rami, jare jɨmba camello reta oyepapa rapeä, ɨguasu jembeɨ pe ɨvɨkuitï jeta yae rami.

1 SAMUEL 13:11

Jayave Samuel jei chupe: —¿Mbae pa ko reyapo? Jare Saúl jei: —Aecha sundaro reta oñemi ma yogüɨraja ye ñogüɨnoi chegüi, jare aecha mbaetɨño reyu reväe ñanemiari rami, jare filisteo reta oime ma oyomboatɨ ñogüɨnoi Micmas pe jeko pegua,

1 SAMUEL 13:2

oiparavo tres mil kuimbae Israel iñemuña reta, kuae reta güi dos mil ñogüɨnoi Saúl ndive Micmas pe jare Bet-el iɨvɨtɨ re, jare mil ñogüɨnoi Jonatán ndive Gabaa pe Benjamín iñemuña reta iɨvɨ pe; jare opaete vae jembɨregüe reta omondo jëta jëta ae kotɨ.

1 SAMUEL 14:23

Jökorai jókuae ara yandeYa güɨroasayepe Israel iñemuña reta jovaicho reta güi, jare oñoraro reta ojoi oväe Bet-avén pe.

1 SAMUEL 14:52

Opaete ara Saúl oiko ramboeve mburuvicharä, oiko ñeraro tuicha vae filisteo reta ndive. Jáeramo Saúl oecha yave kuimbae jëia, jare ipoki oñoraro vae, oñono isundaro reta ndive.

1 SAMUEL 17:1

Mburuvicha filisteo reta omboatɨ isundaro ñeraro peguarä, oyomboatɨ reta Soco pe, kuae ko Judá pe, jare oyembojeyupa reta Soco jare Azeca ipäu pe, Efes-damim jee vae pe.

1 SAMUEL 7:13

Jare jökorai filisteo reta mbaetɨ ma yogüeru oike Israel iñemuña reta iɨvɨ pe, jare yandeYa imbaepuere oï filisteo reta kotɨ, opaete ara Samuel oikove oiko ramboeve.