1 SAMUEL 10:4 - Biblia Guarani Tumpa Iñee

⁴ Jókuae reta opa oyapo maraetei ndeve güire, omee retata ndeve mókoi mbɨyape, jókuae eipɨɨ chugüi reta.

1 SAMUEL 10:4 Iomraidhean Croise

JUECES 18:15

Jayave jókuae pandepo vae reta yogüɨraja kunumi levita pɨri Micaía jo pe, jare oparandu reta chupe kërai ra oï vae.

1 SAMUEL 10:3

Javoi joko güi reasa kutɨ katu, reo reväe ɨvɨra encinarupa Tabor pe oïa pe yave, nerövaitita mboapɨ kuimbae reta Bet-el kotɨ yogüɨraja omboete vaerä Tumpa vae; metei güɨraja mboapɨ kavara kuimbae taɨrusu vae, ïru güɨraja mboapɨ mbɨyape, jare kuimbae mboapɨa güɨraja metei jɨru vino.

1 SAMUEL 10:5

Jókuae jaɨkue rupi reota reväe Tumpa iɨvɨtɨ re, sundaro filisteo reta jeyupa güɨnoia pe; jare reike jókuae tëta pe yave, reövaitita mbovɨ ete ñeemombeúa reta yogüeru ɨvɨtɨ mbaemboete renda güi vae, jae reta jenonde yogüɨrajata ngitara imbopúa, angúa raɨ, jare mimbɨ imoñeea jare arpa imbopúa reta, jare jae reta omombeu Tumpa iñee.

1 SAMUEL 16:20

Javoi Isaí ombovoɨta imburika mbɨyape pe, metei jɨru vino pe, jare metei kavara raɨ, jare omondo Saúl pe taɨ David ndive.