1 SAMUEL 1:3 - Biblia Guarani Tumpa Iñee

³ Año ñavo jókuae kuimbae ojo jëta güi tëta Silo jee vae pe ombaemboete vaerä jare omee vaerä mɨmba oyeyukagüe yandeYa imbaepuere yae ete vae pe. Jókuae mókoi Elí taɨ yogüɨrekoa pe, Ofni jare Finees, yandeYa isacerdote.

1 SAMUEL 1:3 Iomraidhean Croise

SALMOS 78:60

Jáeramo, oeya tupao guakapi pegua Silo pe oï vae, küaraɨa guakapi pegua, pɨpe oikose kuimbae reta ipɨte pe vae.

ÉXODO 23:14

Año pe mboapɨ arete toyeapo cheve.

ÉXODO 23:17

Año pe mboapɨ ye toyogüeru opaete kuimbae, che peYa jóvai.

ÉXODO 34:23

Mboapɨ ye año pe, kuimbae reta nde ndive ñogüɨnoi vae toñeñono che peYa, Israel iTumpa jóvai.

San Lucas 2:41

Jare año ñavo tu reta yogüɨraja Jerusalén pe, arete Pascua pe.

DEUTERONOMIO 16:16

Opaete kuimbae reta toyogüeru mboapɨ vese año pe yandeYa Tumpa jóvai, jókuae jae oiparavo jee oï pɨpea pe: Arete mbɨyape oyembovumbae pegua pe, arete semana vae pe, jare o ñairaka pegua iyarete pe. Agüɨye etei kia tou ipogüɨrai yandeYa jóvai,

JOSUÉ 18:1

Opaete Israel iñemuña reta oyomboatɨ Silo pe, jare joko pe omopüa reta o guakapi pegua opɨ̈ro güire ɨvɨ,

JUECES 18:31

Joko pe güɨreko reta tumpa-raanga reta Micaía oyapogüe, opaete ara Silo pe Tumpa jo oime reve.

JUECES 21:19

Ërei ngatu oime año ñavo arete tuicha vae oyeapo Silo pe yandeYa peguarä, jae ko Bet-el güi ɨvɨtuguasu kotɨ tape Bet-el güi ojo Siquem kotɨ vae güi kuaraɨ oëa kotɨ, Lebona güi arayevɨ kotɨ.”

1 SAMUEL 1:21

Jaɨkue rupi Elcana ojo opaete jo pegua reta ndive omee vaerä mɨmba oyeyukagüe yandeYa pe, iñee ombopo vaerä. Jae oyapoñoi rami.

1 SAMUEL 1:9

Jare tëta Silo pe Ana oï yave, opüa opa okaru güire; sacerdote Elí oguapɨ ramboeve oï metei tenda pe okɨta iyɨpɨ pe yandeYa itupao pe.

1 SAMUEL 14:3

Jare temimonde iyɨvambae sacerdote pegua omonde vae jae ko Ahías, Ahitob taɨ, Icabod jiɨ, Ahitob jae ko Finees taɨ, Finees jae ko Elí yandeYa isacerdote Silo pegua taɨ. Jare mbaetɨ etei kia oikuaa ketɨ ojo Jonatán vae.

1 SAMUEL 2:19

Jare ichɨ oyapo chupe metei temimonde michi raɨ vae, jare güeru chupe año ñavo ou yave ime ndive omee mɨmba oyeyukagüe oyapoñoi vae.

1 SAMUEL 2:34

Kuae oikota ikañɨmaa ndeve vaerä, nderaɨ Ofni jare Finees omanota mókoi reve metei ara peño.

1 SAMUEL 3:13

Che amombeu chupe aiporarauka vaerä iñemuña reta pe jekuae avei pegua, mbaeyoa jae oikuaa oï vae re; echa taɨ reta cheangao, jare jae mbaetɨ oyopia taɨ reta.

1 SAMUEL 4:11

Jare Tumpa ikäjou opɨ̈ro jare güɨraja reta, jare mókoi reve Elí taɨ, Ofni jare Finees omano vi.

1 SAMUEL 4:4

Jayave Israel iñemuña reta omondo güeru Silo güi, yandeYa imbaepuere yae vae ikäjou morogüɨrökuavee päve pegua, araɨgua reta iä ipäu pe oiko vae ikäjou. Jare mókoi reve Elí taɨ Ofni jare Finees yogüeru vi.