1 SAMUEL 1:22 - Biblia Guarani Tumpa Iñee

²² Ërei Ana mbaetɨ ojo, jei ime pe körai: —Che mbaetɨta aja kunumi raɨ okambu poi regua, jayave ramo araja voi vaerä aeya yandeYa ipo pe, jare opɨta ete vaerä oiko joko pe.

1 SAMUEL 1:22 Iomraidhean Croise

SALMOS 110:4

YandeYa jei jee re ae, jare ngaraa oipoepɨ iyemongeta: “Nde ko jae sacerdote reiko avei vaerä, Melquisedec rami.”

SALMOS 23:6

Añetete ikavi vae jare mboroparareko oikota che ndive, opaete ara aikove aiko ramboeve, jare yandeYa jo pe aikota jekuae avei rupi.

SALMOS 27:4

Metei mbae aiporu yandeYa pe, jaeño kuae aipota vae: Aï vaerä yandeYa itupao pe, opaete ara aikove aiko ramboeve, amae vaerä yandeYa ipöra re, amboete vaerä itupao pe.

ÉXODO 21:6

jayave oyeokuai chupe vae togüɨraja oporojäa vae reta jóvai, jare tomboyemboɨ öke-ɨpɨ pe ani ɨvɨra reta öke oï jese vae re toinambi mombu, jare toiko jembiokuairä jekuae avei pegua.”

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

LEVÍTICO 25:23

Ɨvɨ agüɨye toñemee jekuae avei pegua, echa chembae ko; pe reta peguataiño peiko vae ko, ketɨgua ko pe reta chevegua jókuae ɨvɨ pe.

San Lucas 2:22

Jare ara ou oväe María ojo vaerä yandeYa jo pe, oyetɨouka vaerä ikɨa Tumpa jóvai vae güi, Moisés iporookuai pe jei rami. Jayave tu jare ichɨ güɨraja Jesús tëta guasu Jerusalén pe yandeYa jo pe oñono teeuka vaerä Tumpa peguarä.

DEUTERONOMIO 16:16

Opaete kuimbae reta toyogüeru mboapɨ vese año pe yandeYa Tumpa jóvai, jókuae jae oiparavo jee oï pɨpea pe: Arete mbɨyape oyembovumbae pegua pe, arete semana vae pe, jare o ñairaka pegua iyarete pe. Agüɨye etei kia tou ipogüɨrai yandeYa jóvai,

JOSUÉ 4:7

Pe pereta chupe reta: ‘Ɨ̈aka Jordán pegua ɨ oyemboyao yandeYa ikäjou morogüɨrökuavee päve pegua jenonde yave. Jókuae käjou oasa ɨ̈aka Jordán yave, pɨpegua ɨ oyemboyao. Kuae ita reta opɨta ko Israel iñemuña reta oyemomaendúa avei vaerä kuae pe oasagüe re.’ ”

1 SAMUEL 1:11

Jare oyapo ñererökuavee jei reve: “CheYa imbaepuere yae ete vae, jupi ko remae che nderembiokuai ipɨatɨtɨ vae re yave, jare nemaendúa cheré yave, jare remee che nderembiokuai pe imembɨrä kuimbae ko yave, tañono tee ndeveguarä jókuae michia raɨ opaete ara oikove oiko ramboeve jare mbaetɨta ia oñeapi.”

1 SAMUEL 1:28

Añave, che añono tee yandeYa peguarä; oikove oiko ramboeve toiko yandeYa imbaerä. Jare joko pe Elí omboete yandeYa.

1 SAMUEL 13:13

Jayave Samuel jei Saúl pe: —¡Mbaetɨ etei jaekavi kuae reyapogüe! Mbaetɨ reñovatu yandeYa Tumpa iporookuai, ndeokuai jese vae; echa añave omoañete eteta tëi ko ndeporookuaía Israel re jekuae avei pegua.

1 SAMUEL 2:11

Jare Elcana ojo ye jëta kotɨ Ramá pe, ërei kunumi raɨ opɨtaño oyeokuai yandeYa pe, sacerdote Elí iporookuai rupi.

1 SAMUEL 2:18

Ërei kunumi raɨ Samuel oyeokuai yandeYa pe, oyemonde temimonde iyɨvambae sacerdote pegua pe lino pegua.

1 SAMUEL 28:2

Jare David jei Aquis pe: —Añave reechata che nderembiokuai chepuere ko mbae oyapo vae. Jare Aquis jei David pe: —Jáeramo che roñonota reiko avei vaerä cheangarekoa reta juvicharä.

1 SAMUEL 3:1

Kunumi Samuel oyeokuai yandeYa pe Elí jóvai. Jókuae ara rupi yandeYa iñee mbaetɨ oyeendu, echa mbaetɨ oyeechauka avei.