1 Juan 5:7 - Biblia Guarani Tumpa Iñee

⁷ Oime ko mboapɨ ara pe omombeu kuae regua vae, jae ko: YandeRu, Ñee jare Espíritu Santo. Kuae mboapɨ reta meteiño ko.

Nuevo Testamento Guaraní Pe

⁷ Jare oime ara pe mboapɨ cuae regua omombeu vae. Echa ñandeRu Tumpa jare Ñee jare Espíritu Santo omombeu pave. Jare cuae mboapɨ meteiño co.

1 Juan 5:7 Iomraidhean Croise

SALMOS 33:6

YandeYa oyapo ara reta iñee peño, ipɨ̈túe peño oyapo opaete ara ipo reta.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Mateo 18:16

Ërei mbaetɨ oipota oyeapɨsaka nderé yave, eraja nderupíe metei ani mókoi neïrurä, oikuaa vaerä mókoi ani mboapɨ vae jóvai mbae pere vae.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

San Juan 1:1

Iyɨpɨ ete pe oiko Ñee. Jare jókuae Ñee oiko Tumpa ndive. Jae ko Tumpa etei.

San Juan 10:30

CheRu jare che meteiño ko.

San Juan 12:28

CheRu, eyapo emboeteuka nderee.” Jayave oyeendu ñee ara güi jei: “Amboeteuka ma ko, jare amboeteuka yeta.”

San Juan 14:17

Jae ko Espíritu añetete pegua. Oporogüɨroviambae vae reta ngaraa ipuere omboresive. Echa mbaetɨ oecha ani oikuaa. Ërei pe reta peikuaa. Echa jae oime oï pe ndive jare oikota pepɨa pe.

San Juan 15:26

Ërei ambou ma peve cheRu güi Oporombopɨakatuta vae jae ko Espíritu añete pegua, cheRu güi ou vae yave, jae imiarita peve cheregua.

San Juan 5:26

Echa cheRu güɨnoi tekove iyé etei. Jaeramiño vi omee cheve anoi vaerä tekove cheyé etei.

San Juan 8:18

Che chemiari cheyé aeño jare cheRu chembou vae imiari vi cheré.

San Juan 8:54

Jesús jei: —Che aeño ayembotuicha yave, jókuae mbaeä etei ko. Ërei cheRu ko chembotuichauka, pe reta oreTumpa pere chupe vae.

Hechos 2:33

Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

Hechos 5:32

Jare ore romombeu ïru vae reta pe kuae, jare Espíritu Santo vi omombeu. Echa Tumpa omee Espíritu Santo jei vae oyapo vae reta pe.

2 Corintios 13:14

YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!

DEUTERONOMIO 6:4

Peendu Israel iñemuña reta: YandeYa Tumpa, meteiño ko.

1 Juan 1:1

Roikuatía peve Ñee tekove opambae vae regua. Jae oikoño mai ndei ɨvɨ oyeapo mbove. Jare ore roendu jókuae Ñee. Roecha kavi, romae jese. Royavɨkɨ vi orepo pe etei.

1 Juan 5:6

Kuae Jesucristo ko jae omboɨpɨ iparavɨkɨ ɨ jare tugüɨ rupi vae; mbaetɨ ɨ rupiño, ɨ rupi jare tugüɨ rupi vi. Espíritu Santo ko omombeu kuae regua. Echa Espíritu Santo añete vae ko.

1 Juan 5:8

Jökoraiño vi oime mboapɨ ɨvɨ pe omombeu kuae regua vae, jae ko: Espíritu Santo, ɨ jare tugüɨ; kuae mboapɨ reta imiari oyovake.

Apocalipsis 19:13

Jare jemimonde moropɨ̈ta tugüɨ pe. Jare jae jee ko: TUMPA IÑEE.