1 Juan 5:19 - Biblia Guarani Tumpa Iñee

¹⁹ Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.

Nuevo Testamento Guaraní Pe

¹⁹ Yaicuaa ñande co jae Tumpa taɨ reta jare quirai aña guasu güɨnoi mbaepuere opaete oporogüɨrovia mbae vae reta re.

1 Juan 5:19 Iomraidhean Croise

San Lucas 4:6

Jayave aña guasu jei Jesús pe: —Tamee ndeve opaete kuae mbaepuere iyemboetea reve reve, echa kuae mbaepuere oñemee ko cheve jare chepuere amee aipota amee chupe vae pe.

San Juan 12:31

Oväe ma ara oñejäa vaerä ɨvɨ pegua reta. Aña, kuae ɨvɨ juvicha oyemombo ma ko.

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

San Juan 16:11

Jare morojäa regua oikuaaukata, echa aña kuae ɨvɨ juvicha oñejäauka ma.

San Juan 17:15

Mbaetɨ ayerure ndeve renoe vaerä kuae ɨvɨ güi. Ayerure ko ndeve reñovatu vaerä ikavimbae güi.

Romanos 8:16

Espíritu Santo etei oikuaauka yandeve yande ko jae Tumpa taɨ reta.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

2 Corintios 5:1

Echa yaikuaa yanderete opata ko, o yaiko pɨpe vae opa rami. Ërei opa yave Tumpa omeeta yandeve o ipɨau vae opambae vae, ara pe.

Gálatas 1:4

YandeYa Jesucristo oñemee omano vaerä yandeyoa reta re, yandeyora vaerä teko ikavimbae vae ɨvɨ pegua güi. Echa kuae ko jae yandeRu Tumpa jemimbota.

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

2 Timoteo 1:12

Jáeramo aiporara aï. Ërei mbaetɨ chemara, echa aikuaa kia re arovia vae, jare aikuaa vi jae imbaepuere yae ko oñovatu vaerä cheve che amee ipo pe vae, jókuae ara ou oväe regua.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.

1 Juan 3:14

Yande yaikuaa yaasa ma ko mano güi tekove pe, jókuae yaikuaa yayoaɨu vae rupi. Mbaetɨ oaɨu ïru oporogüɨrovia vae, omano vɨteri ko oï.

1 Juan 3:24

Jare Tumpa iporookuai reta oyapo vae oiko avei ko Tumpa re, jare Tumpa jese. Jare kuae re yaikuaa Tumpa oiko ko yanderé vae: Jae ko Espíritu Santo omee vae rupi.

1 Juan 5:10

Tumpa Taɨ re güɨrovia vae, güɨnoi ko ipɨa pe jókuae oñemoërakua vae; mbaetɨ güɨrovia Tumpa re vae, omboapu ko Tumpa, echa mbaetɨ güɨrovia Tumpa omombeu Taɨ regua vae.

1 Juan 5:13

Kuaekuae aikuatía peve, pe perovia Tumpa Taɨ jee re vae reta pe, peikuaa vaerä penoi ko tekove opambae vae.

1 Juan 5:15

Jare yaikuaa jae oendu ko yandeve oipotagüe mbae re yayerure chupe yave, yaikuaa jae oyapota ko yandeyerure.

1 Juan 5:18

Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 20:3

Jare omombo ɨvɨkua guasu pe. Jayave oyokenda ɨvɨkua jöke jare oñono jese mbae agüɨye vaerä kia ipuere oipea ye. Jökorai oyapo agüɨye vaerä ma ombotavɨ tëtaguasu reta mil año omboapɨ regua. Ërei jaɨkue rupi oyeyorauka yeta michi pegua.