1 Juan 5:12 - Biblia Guarani Tumpa Iñee

¹² Tumpa Taɨ güɨnoi ipɨa pe vae, güɨnoi tekove; ërei mbaetɨ Tumpa Taɨ güɨnoi ipɨa pe vae, mbaetɨ güɨnoi tekove.

Nuevo Testamento Guaraní Pe

¹² Tumpa Taɨ güɨnoi ipɨa pe vae oime güɨnoi tecove opa mbae vae. Tumpa Taɨ mbaeti güɨnoi ipɨa pe vae mbaeti güɨnoi tecove opa mbae vae.

1 Juan 5:12 Iomraidhean Croise

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Juan 1:12

Ërei opaete omboresive vae reta, güɨrovia jese vae reta pe, omee ipuere vaerä yogüɨreko Tumpa taɨ retarä ani tayɨ retarä.

San Juan 3:15

oipotagüe güɨrovia cheré vae güɨnoi vaerä tekove opambae vae, ngaraa ojo kañɨtei pe.

San Juan 3:36

Tumpa Taɨ re güɨrovia vae güɨnoi ma tekove opambae vae, ërei Tumpa Taɨ re mbaetɨ güɨrovia vae ngaraa güɨnoi tekove. Tumpa iyarasɨ oata jese.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.