1 Juan 4:6 - Biblia Guarani Tumpa Iñee

⁶ Ërei yande ko jae Tumpa imbae reta. Kia oikuaa Tumpa vae, oyeapɨsaka yanderé. Ërei kia Tumpa imbaeä vae, mbaetɨ oyeapɨsaka yanderé. Körai yandepuere yaikuaa añete vae pegua espíritu ani tavɨ pegua.

Nuevo Testamento Guaraní Pe

⁶ Erei ñande co jae Tumpa imbae reta. Oime yave quia oicuaa Tumpa vae, jae oyeapɨsaca ñanderé. Erei oime yave quia mbaeti co Tumpa imbae vae, jae mbaeti oyeapɨsaca ñanderé. Jare corai yaicuaa añete vae pegua ra metei ñee, ani tavɨ pegua ra.

1 Juan 4:6 Iomraidhean Croise

2 CRÓNICAS 18:21

Jare jae jei chupe: “Ajata amee ñee apu pegua opaete ñeemombeúa mburuvicha guasu pe oyeokuai vae reta pe.” Jare yandeYa jei: “Ekua eyapo jökorai jare embotavɨuka.”

ISAÍAS 29:10

Echa yandeYa ombou peve topeɨ tätagüe, ñeemombeúa reta opa oesaöva, maratuta vae imombeúa reta opa oesaöva.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

OSEAS 4:12

Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

San Lucas 10:22

Jayave jei vi: “CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.”

San Juan 10:16

Oime vi anoi ïru vecha reta kuae peguambae vae reta. Ërei jae reta aruta vi jare oendu retata vi cheñee. Jayave oimeta metei atɨño jare meteiño vecha reta iyangarekoa.

San Juan 10:27

Chevecha reta oendu cheñee. Aikuaa chevecha reta, jare jae reta yogüɨraja cheraɨkue.

San Juan 10:3

Jare vecha iyangarekoa oipota oike yave, öke järoa oipea chupe. Jare vecha reta oendu iyangarekoa iñee. Echa iyangarekoa oenɨi vecha reta jee rupi jare güɨnoe vecharókai güi.

San Juan 13:20

Añetete che jae peve, che amondo vae omboresive vae, che ko chemboresive. Jare che chemboresive kavi vae, omboresive ko chembou vae.

San Juan 14:17

Jae ko Espíritu añetete pegua. Oporogüɨroviambae vae reta ngaraa ipuere omboresive. Echa mbaetɨ oecha ani oikuaa. Ërei pe reta peikuaa. Echa jae oime oï pe ndive jare oikota pepɨa pe.

San Juan 15:26

Ërei ambou ma peve cheRu güi Oporombopɨakatuta vae jae ko Espíritu añete pegua, cheRu güi ou vae yave, jae imiarita peve cheregua.

San Juan 16:13

Ërei Espíritu añetete pegua ou ma yave, oikuaauka kavita peve añete vae. Echa ngaraa imiari iyeugüi aeño, imiarita opaete oendugüe re jare oikuaaukata peve opaete mbaembae outa vae re.

San Juan 18:37

Jayave Pilato jei chupe: —¿Jayave, nde pa ko jae mburuvicha guasu? Jesús jei chupe: —Rere ma ko nde etei che mburuvicha guasu vae. Kuaerä aa. Kuaerä ayu ɨvɨ pe. Ayu amombeu vaerä añete vae. Opaete añete vae güɨrovia vae reta oyeapɨsaka cheñee re.

San Juan 20:21

Jayave Jesús jei ye chupe reta: —Mbɨakatu toï pe ndive. CheRu chembou rami, che pomondo vi.

San Juan 8:19

Jayave judío reta jei: —¿Kia pe pa oime oï ndeRu? Jesús jei chupe reta: —Pe reta mbaetɨ chekuaa jare mbaetɨ vi peikuaa cheRu. Chekuaa yave mona, cheRu peikuaata tëi vi ko.

San Juan 8:23

Jayave Jesús jei chupe reta: —Pe reta ara peguaä ko, che ko ara pegua. Pe reta ko kuae ɨvɨ pegua, ërei che kuae ɨvɨ peguaä ko.

Romanos 1:1

Che Pablo, Jesucristo jembiokuai. Jae cheparavo jemimondorä, jare cheñono tee amoërakua vaerä Tumpa iñee ikavi vae,

Romanos 11:8

Tumpa Iñee pe jei rami: “Tumpa omee chupe reta agüɨye vaerä iyarakuaa reta. Jáeramo yepe tëi omongeta reta Tumpa Iñee, ërei mbaetɨ oikuaa reta, jare yepe tëi oendu reta Tumpa iñee, ërei mbaetɨ güɨrovia reta añave regua.”

1 Corintios 14:37

Güɨramoi kia oyemongeta iyé jae ko metei ñeemombeúa ani Espíritu pegua ko vae. Jókuae nunga toikuaa kërai kuae mbaembae aikuatía peve vae yandeYa iporookuai reta ko.

2 Corintios 10:7

Pe reta pemae mbae oyekuaa vae reño. Kia oyemongeta jae ko Cristo imbae vae yave, toyemongeta vi ore jae ko Cristo imbae, jae reta rami.

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

1 Timoteo 4:1

Ërei Espíritu Santo omombeu kavi yandeve kërai ara reta taɨkuegua pe amogüe vae oyerovata iporogüɨrovia güi, ojo vaerä espíritu oporombotavɨ vae reta ndive jare aña reta iporomboe rupi,

2 Pedro 3:2

Aipota peyemongeta ñeemombeúa oñeñono tee Tumpa peguarä vae reta jei vae re, jare vi mborookuai yandeYa Yandemboasa vae mborookuai omee jemimondo reta rupi vae;

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

1 Juan 4:8

Mbaetɨ oporoaɨu vae oikuaaä ko Tumpa. Echa Tumpa ko mboroaɨu.

1 Juan 5:19

Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.

Judas 1:17

Ërei pe cherɨvɨ aaɨu vae reta, pemaendúa yandeYa Jesucristo jemimondo reta omombeu peve vae re,