1 Juan 3:23 - Biblia Guarani Tumpa Iñee

²³ Jare Tumpa yandeokuai vae jae ko yarovia vaerä Taɨ Jesucristo jare yayoaɨu päve vaerä jae yandeokuai rami.

Nuevo Testamento Guaraní Pe

²³ Jare Tumpa jei ñandeve yarovia vaera Taɨ Jesucristo jee re jare yayoaɨu vaera. Jae co mboroócuai Tumpa omombeu ñandeve vae.

1 Juan 3:23 Iomraidhean Croise

SALMOS 2:12

Pemboete Taɨ, agüɨye vaerä iyarasɨ, jare opa pemano; echa aramoete pegua iyarasɨ. ¡Toyerovia katu opaete jese güɨrovia vae!

San Mateo 22:39

Jare mokoía jökorai etei vi: “Eaɨu nderapicha nde reyeaɨu rami.”

San Marcos 9:7

Jayave ou amapɨtu omoküaraɨa reta, jare amapɨtu güi oyeendu ñee jei: “Kuae ko jae cheRaɨ aaɨu yae vae. Peyeapɨsaka jese.”

San Juan 1:12

Ërei opaete omboresive vae reta, güɨrovia jese vae reta pe, omee ipuere vaerä yogüɨreko Tumpa taɨ retarä ani tayɨ retarä.

San Juan 13:34

Amee peve metei mborookuai ipɨau vae, jae ko: Peyoaɨu. Peyoaɨu che poaɨu rami.

San Juan 14:1

Agüɨye peyembopɨajopa. Perovia Tumpa re, perovia vi cheré.

San Juan 15:12

Kuae jae mborookuai amee peve vae: Peyoaɨu, che poaɨu rami.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

San Juan 2:23

Jesús oï ramboeve Jerusalén pe arete Pascua pe, jeta vae güɨrovia jese oecha yave jókuae mɨakañɨ reta oyapo vae.

San Juan 3:18

Güɨrovia jese vae, ngaraa oñejäauka. Ërei mbaetɨ güɨrovia jese vae oñejäauka ma ko. Echa mbaetɨ güɨrovia Tumpa Taɨ jaevaeño vae re.

San Juan 6:29

Jayave Jesús jei: —Tumpa oipota peyapo vae jae ko, perovia vaerä cheré. Echa jae ko chembou.

Hechos 16:31

Jayave jae reta jei chupe: —Erovia yandeYa Jesucristo re, jare reyemboasaukata nde jare ndero pegua reta.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

1 Tesalonicenses 4:9

Ërei mboroaɨu penoi vae regua, aecha mbaetɨ jupi aikuatía vaerä peve. Echa peikuaa ma Tumpa pemboe ma ko peyoaɨu vaerä.

1 Timoteo 1:15

Kuae ko jae ñee añete vae jare jupi ko opaete vae güɨrovia vaerä: Kërai Cristo Jesús ou kuae ɨvɨ pe omboasa vaerä iyoa vae reta, jare che ko jae iyoa vae reta güi iyoa yae ye vae.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

1 Pedro 4:8

Pembotenonde peyoaɨu yae avei vae. Echa mboroaɨu güeru jeta ñɨ̈ro mbaeyoa re.

1 Juan 2:7

Cherɨvɨ reta, kuae aikuatía aï peve vae mbaetɨ ko mborookuai ipɨau. Jaeño mborookuai indechi vae iyɨpɨ güive peikuaa vae. Kuae mborookuai indechi vae ko jae ñee peendu iyɨpɨ güive vae.

1 Juan 3:11

Echa iyɨpɨ güive peendu kuae ñee: “Yayoaɨu päve oyoupi.”

1 Juan 4:15

Oime yave kia “Jesús ko jae Tumpa Taɨ” jei vae, Tumpa oï jese jare jae oï Tumpa re.

1 Juan 4:21

Jare Jesucristo oeya yande kuae mborookuai: Oaɨu Tumpa vae, toaɨu vi iñeïru oporogüɨrovia vae.

1 Juan 5:13

Kuaekuae aikuatía peve, pe perovia Tumpa Taɨ jee re vae reta pe, peikuaa vaerä penoi ko tekove opambae vae.