1 Juan 3:1 - Biblia Guarani Tumpa Iñee

¹ Mase, kërai yandeRu Tumpa yanderaɨu yae, ñanereenɨi jae taɨ retarä. Jáeramo ɨvɨ pegua reta mbaetɨ yandekuaa, echa jae reta mbaetɨ oikuaa Tumpa.

Nuevo Testamento Guaraní Pe

¹ Mase, ñandeRu Tumpa ñanembojee jae taɨ reta. Cuae oicuauca ñandeve quirai ñandeRu Tumpa ñanderaɨu yae. Jae rambue oporogüɨrovia mbae vae reta mbaeti ñandecuaa cavi, mbaeti oicuaa cavi Tumpa rambue.

1 Juan 3:1 Iomraidhean Croise

2 SAMUEL 7:19

Jare mbaeä ndeve cheYa Tumpa, cheñemuña re ave nemiari këraita yogüɨreko kuri vae re. ¡Mbaetɨ kia nde rami vae cheYa Tumpa!

SALMOS 31:19

¡Tuicha yae ko ndepɨakavi, oipoɨu ndegüi vae reta kotɨ! Kuimbae reta jovake remee nderé oyeko vae reta pe.

JEREMÍAS 3:19

Israel, che ko aipota reiko cheraɨrä, jare amee ndeve ɨvɨ ipotaa yae vae, tëtaguasu reta iɨvɨ ikavi yae vae. Ayemongeta ko rere vaerä cheve cheRu, jare mbaetɨ yeta resɨrɨ chegüi.

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

San Lucas 20:36

Ngaraa ye ma omano reta. Echa araɨgua reta ramita ko. Jae ko Tumpa taɨ reta. Echa Tumpa omoingovegüe reta ko.

San Juan 1:12

Ërei opaete omboresive vae reta, güɨrovia jese vae reta pe, omee ipuere vaerä yogüɨreko Tumpa taɨ retarä ani tayɨ retarä.

San Juan 11:52

Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae.

San Juan 15:21

Ërei opaete kuae mbaembae oyapo retata peve cheré perovia ramo. Echa jae reta mbaetɨ oikuaa chembou vae.

San Juan 16:3

Kuae oyapo retata mbaetɨ oikuaa cheRu ramo jare mbaetɨ che chekuaa ramo.

San Juan 17:25

CheRu jupi vae, oporogüɨroviambae vae reta mbaetɨ ndekuaa. Ërei che rokuaa, jare kuae reta oikuaa nde ko chembou vae.

San Juan 3:16

Echa Tumpa oaɨu yae ɨvɨ pegua reta. Jáeramo omee Taɨ jaevaeño vae, oipotagüe güɨrovia jese vae güɨnoi vaerä tekove opambae vae, ngaraa ojo kañɨtei pe.

Romanos 5:8

Ërei Tumpa oechauka ma iporoaɨu yandekotɨ vae, yepe tëi yande ko jae iyoa vae reta, ërei Cristo omano yanderé.

Romanos 8:19

Echa opaete Tumpa jembiapo oäro ñogüɨnoi ikɨ̈reɨ yae reve Tumpa oechauka vaerä taɨ reta.

Romanos 8:21

jaeramiño vi Tumpa oepɨta jembiapo reta ikavimbae güi, jae omboeteuka taɨ reta yave.

Romanos 8:32

Echa Tumpa mbaetɨ ñäteɨ omee Taɨ omano vaerä yanderé. Jáeramo jae ¿omee potaä pa opaete mbaembae Taɨ ndive yandeve?

2 Corintios 6:18

Jare che aikota peRurä, jare pe reta peikota cheraɨrä jare cherayɨrä. Jökorai jei yandeYa Imbaepuere yae vae.”

Gálatas 3:26

echa opaete pe reta Tumpa taɨ reta ko, perovia Cristo Jesús re vae rupi;

Gálatas 3:29

Pe reta Cristo imbae ko yave, Abraham iñemuña ma ko pe reta, jare pembae ko jókuae Tumpa güɨrökuavee Abraham pe vae.

DEUTERONOMIO 14:1

Pe jae ko yandeYa Tumpa taɨ reta. Agüɨye pembopere perete, agüɨye peñeapi kia omano yave.

Colosenses 3:3

Echa pemano ma ko, jare perekove oime ma oï Cristo ndive Tumpa re.

1 Juan 3:10

Yandepuere yaikuaa kia ra ko jae Tumpa taɨ reta jare kia ra ko jae aña guasu taɨ reta vae. Opaete kia jupimbae oyapo vae, jare mbaetɨ oaɨu ïru oporogüɨrovia vae, Tumpa taɨä ko.

1 Juan 3:2

Cherɨvɨ aaɨu vae reta, añave yande ko jae Tumpa taɨ reta ma. Jare ndeiño oyekuaa kërai eteita ko yande vae, ërei yaikuaa Cristo ramita ko yande jae ou ye yave, echa yaechata jae etei.

1 Juan 4:17

Jare kuae re okuakuaa mboroaɨu yanderé, yandepuere vaerä ñaï Tumpa jóvai yakɨɨyembae reve jókuae iporojäa iara pe. Echa kuae ɨvɨ pe yaiko ramboeve, jae rami ko yaiko.

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.