1 Juan 2:7 - Biblia Guarani Tumpa Iñee

⁷ Cherɨvɨ reta, kuae aikuatía aï peve vae mbaetɨ ko mborookuai ipɨau. Jaeño mborookuai indechi vae iyɨpɨ güive peikuaa vae. Kuae mborookuai indechi vae ko jae ñee peendu iyɨpɨ güive vae.

Nuevo Testamento Guaraní Pe

⁷ Cherɨvɨ reta, cuae aicuatía ai peve vae mbaeti co mboroócuai ipɨau vae. Jaeño metei mboroócuai indechi vae iyɨpɨ güive peicuaa vae. Cuae mboroócuai indechi vae co jae ñee peendu iyɨpɨ güive vae.

1 Juan 2:7 Iomraidhean Croise

LEVÍTICO 19:18

Agüɨye peyepɨse, agüɨye peñovatu pepɨa pe ikavimbae perëtaɨgua kotɨ. Peaɨu perapicha pe peyeaɨu rami. Che ko peYa.

LEVÍTICO 19:34

Pemae kavi jese reta, pe pemae oyoe rami; peaɨu, pe reta peyeaɨu rami; echa pe reta ketɨgua peikose yepi ɨvɨ Egipto pe. Che ko peYa Tumpa.

San Mateo 5:43

Peikuaa ko Moisés jei körai: ‘Eaɨu nderapicha, jare emotareɨ nderovaicho.’

San Juan 13:34

Amee peve metei mborookuai ipɨau vae, jae ko: Peyoaɨu. Peyoaɨu che poaɨu rami.

Hechos 17:19

Jare güɨraja reta Pablo Areópago jee vae pe. Jare jei reta chupe: —Emombeu oreve mbae nunga mboromboe ipɨau vae ra kuae nemiari jese vae.

DEUTERONOMIO 6:5

Peaɨu peYa Tumpa opaete pepɨa ndive, opaete perekove ndive, jare opaete pepɨ̈rata ndive.

Hebreos 6:9

Ërei, cherɨvɨ aaɨu vae reta, yepe tëi chemiari ma peve körai, ërei aikuaa pe reta mbaetɨ ko pepia yemboasa güi.

1 Juan 2:24

Iyɨpɨ güive peendu vae, peñovatu pepɨa pe. Echa jökorai yave, peiko aveita Tumpa Taɨ re jare yandeRu Tumpa re.

1 Juan 3:11

Echa iyɨpɨ güive peendu kuae ñee: “Yayoaɨu päve oyoupi.”

1 Juan 3:2

Cherɨvɨ aaɨu vae reta, añave yande ko jae Tumpa taɨ reta ma. Jare ndeiño oyekuaa kërai eteita ko yande vae, ërei yaikuaa Cristo ramita ko yande jae ou ye yave, echa yaechata jae etei.

1 Juan 3:21

Cherɨvɨ aaɨu vae reta, mbaetɨ yave yandepɨa omboeta, yayeko Tumpa re;

1 Juan 3:23

Jare Tumpa yandeokuai vae jae ko yarovia vaerä Taɨ Jesucristo jare yayoaɨu päve vaerä jae yandeokuai rami.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.

1 Juan 4:11

Cherɨvɨ aaɨu vae reta, Tumpa jökorai yanderaɨu, jáeramo ikavi ko yande yayoaɨu päve vaerä.

1 Juan 4:21

Jare Jesucristo oeya yande kuae mborookuai: Oaɨu Tumpa vae, toaɨu vi iñeïru oporogüɨrovia vae.

1 Juan 4:7

Cherɨvɨ aaɨu vae reta, yayoaɨu päve. Echa Tumpa güi ko ou yandeve mboroaɨu. Jókuae oporoaɨu vae güɨnoi tekove Tumpa güi, jare oikuaa ko Tumpa.