1 Juan 2:4 - Biblia Guarani Tumpa Iñee

⁴ Oime yave kia “aikuaa ko Jesucristo”, jei vae, ërei mbaetɨ yave oyapo Jesucristo iporookuai reta, jókuae iyapu ko, mbaetɨ etei ko oï jese añete vae.

Nuevo Testamento Guaraní Pe

⁴ Oime yave quia, Aicuaa co Jesucristo, jei vae, iyapu co mbaeti yave oyapo Jesucristo iporoócuai reta. Jocuae nunga mbaeti jei añete vae.

1 Juan 2:4 Iomraidhean Croise

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Tito 1:10

Echa oimeño jeta iñeereendumbae reta, osirivembae re imiari jare oporombotavɨ vae reta; kuae ko jae judío reta.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

1 Juan 1:10

Yae yave mbaetɨ ko yayapo mbaeyoa, yamboapu ko Tumpa jare iñee mbaetɨ oï yanderé.

1 Juan 1:6

Yae yave ñañemoïru ma ko jae ndive, ërei yaiko yave pɨtumimbi pe yandeapu ko, jare mbaetɨ yayapo añete vae.

1 Juan 1:8

Yae yave mbaetɨ ko yandeyoa, yayembotavɨ ko yande aeño. Mbaetɨ etei ko oï yanderé añete vae.

1 Juan 2:3

Tumpa iporookuai reta yayapo yave, jókuae rupi ko oyekuaa yaikuaa kavi ko Tumpa vae.

1 Juan 2:9

Oime yave kia “che aiko tembipe pe” jei vae, ërei omotareɨ yave ïru oporogüɨrovia vae, oiko vɨteri ko pɨtumimbi pe.

1 Juan 3:6

Oï avei Jesucristo re vae, mbaetɨ iyoa. Iyoa vae mbaetɨ ko oecha ani oikuaa Jesucristo.

1 Juan 4:20

Oime yave kia “che aaɨu Tumpa” jei vae, ërei omotareɨ yave iñeïru oporogüɨrovia vae, iyapu yae ko. Echa iñeïru oporogüɨrovia vae oecha etei vae mbaetɨ oaɨu yave, ¿këraita pa oaɨu Tumpa oechambae vae?

1 Juan 4:7

Cherɨvɨ aaɨu vae reta, yayoaɨu päve. Echa Tumpa güi ko ou yandeve mboroaɨu. Jókuae oporoaɨu vae güɨnoi tekove Tumpa güi, jare oikuaa ko Tumpa.