1 Juan 2:22 - Biblia Guarani Tumpa Iñee

²² Oime yave kia “Jesús jaeä ko Cristo” jei vae, jae ko iyapu vae. Oime yave kia mbaetɨ güɨrovia yandeRu Tumpa jare Taɨ re vae, jae ko Cristo re oyemboyovaicho vae.

Nuevo Testamento Guaraní Pe

²² Oime yave quia, Jesús mbaeti co jae Cristo, jei vae, jae co metei iyapu vae. Oime yave quia mbaeti güɨrovia ñandeRu Tumpa jare Taɨ re vae, jae co Cristo ndive oyovaicho vae.

1 Juan 2:22 Iomraidhean Croise

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 24:5

Echa yogüeruta jeta cheree re jei reve: “Che ko jae Cristo.” Jare jeta yae ko ombotavɨta vae.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

1 Juan 1:6

Yae yave ñañemoïru ma ko jae ndive, ërei yaiko yave pɨtumimbi pe yandeapu ko, jare mbaetɨ yayapo añete vae.

1 Juan 2:18

Cheraɨ aaɨu vae reta, oväe ara taɨkuegua. Peendu kërai Cristo re oyemboyovaicho vae oime ou, ërei añave oime ñogüɨnoi jeta Cristo re oyemboyovaicho vae reta. Jáeramo yaikuaa ou ma ko oväe ara taɨkuegua.

1 Juan 2:23

Oime yave kia mbaetɨ güɨrovia Tumpa Taɨ re vae, mbaetɨ ko güɨrovia yandeRu Tumpa. Ërei güɨrovia Tumpa Taɨ re vae, güɨrovia vi ko yandeRu Tumpa re.

1 Juan 2:4

Oime yave kia “aikuaa ko Jesucristo”, jei vae, ërei mbaetɨ yave oyapo Jesucristo iporookuai reta, jókuae iyapu ko, mbaetɨ etei ko oï jese añete vae.

1 Juan 4:20

Oime yave kia “che aaɨu Tumpa” jei vae, ërei omotareɨ yave iñeïru oporogüɨrovia vae, iyapu yae ko. Echa iñeïru oporogüɨrovia vae oecha etei vae mbaetɨ oaɨu yave, ¿këraita pa oaɨu Tumpa oechambae vae?

1 Juan 4:3

Ërei opaete vae omombeu Jesucristo mbaetɨ ko oyeapo kuimbaerä vae yave, mbaetɨ ko ou Tumpa güi. Jókuae jae ko Cristo re oyemboyovaicho vae iespíritu, jae ko pe reta peikuaa outa vae, jare añave oime ma oï ɨvɨ pe.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.

2 Juan 1:7

Echa kuae ɨvɨ pe jeta oë oporombotavɨ vae reta, jae reta mbaetɨ omombeu Jesucristo ko jae oyeapo kuimbaerä vae. Kuae jei vae, jae ko oporombotavɨ vae jare Cristo re oyemboyovaicho vae.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.