1 Juan 2:13 - Biblia Guarani Tumpa Iñee

¹³ Tenondegua reta, aikuatía körai peve, echa peikuaa oimeño mai oiko ndei ɨvɨ oyeapo mbove vae. Taɨrusu reta, aikuatía körai peve pemoamɨri aña guasu ramo. Cheraɨ aaɨu vae reta, aikuatía körai peve, peikuaa yandeRu ramo.

Nuevo Testamento Guaraní Pe

¹³ Tae ocuacuaagüe reta pe cuae: Aicuatía corai peve peicuaa Jesucristo rambue. Jae jecuaeño oico ndei ɨvɨ oyeapo mbove. Tae taɨrusu reta pe cuae: Aicuatía corai peve pemoamɨri aña guasu rambue. Aicuatía corai peve, cheraɨ reta, peicuaa ñandeRu Tumpa rambue.

1 Juan 2:13 Iomraidhean Croise

SALMOS 148:12

¡Kunumi reta, jare kuñatai reta vi, ndechi reta jare michia reta!

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

SALMOS 91:14

“Echa iporoaɨu oñono cheré ramo, che vi aepɨta; jare añonota ɨvate, echa cheré reikuaa ramo.

PROVERBIOS 20:29

Taɨrusu vae reta iyemboetea, jae ko ipɨ̈rata; ndechi reta iyemboetea, jae ko iatï.

JOEL 2:28

“Kuae jaɨkue rupi ambouta cheEspíritu opaete vae reta re; jare peraɨ reta jare perayɨ reta oñemoñeeta cheregua; jare ndechi reta opaɨuta jare taɨrusu reta oechata Tumpa oechauka vae.

ZACARÍAS 9:17

Echa ikavi jare ipöra yaeta iɨvɨ. Trigo jeta vae ombovɨakatuta taɨrusu vae reta, jare uva tɨɨgüe kuñatai reta.

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 13:19

Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

San Mateo 13:38

Jókuae, ko, oyembojaanga opaete ɨvɨ re. Trigo ikavi vae oyembojaanga Tumpa iporookuaía pegua reta re. Ërei trigoraanga oyembojaanga ikavimbae vae oyapo vae reta re.

San Mateo 5:37

Ërei rere yave: ‘Ayapota’, eyapo. Ani rere yave: ‘Ngaraa ayapo’, agüɨye eyapo. Echa remboasa ete kuae güi rere yave, reyapota ikavimbae vae.

San Lucas 10:22

Jayave jei vi: “CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.”

San Juan 14:7

Chekuaa kavi yave mona, peikuaata tëi vi ko cheRu. Ërei añave güive peikuaa ko. Echa peecha ma.

San Juan 14:9

Jesús jei chupe: —Ɨma ma aiko pe reta ndive, ¿mbaetɨño pa chekuaa Felipe? Chereecha vae oecha ma ko cheRu. ¿Maera pa rere: “Eechauka oreve ndeRu”?

San Juan 16:3

Kuae oyapo retata mbaetɨ oikuaa cheRu ramo jare mbaetɨ che chekuaa ramo.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 17:21

Ayerure ndeve opaete jae reta yogüɨreko vaerä metei ramiño. Nde cheRu Tumpa, reiko che ndive meteiño, jare che nde ndive. Jaeramiño vi jae reta toyogüɨreko metei ramiño vi yande ndive, ɨvɨ pegua reta güɨrovia vaerä nde ko chembou vae.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

San Juan 8:19

Jayave judío reta jei: —¿Kia pe pa oime oï ndeRu? Jesús jei chupe reta: —Pe reta mbaetɨ chekuaa jare mbaetɨ vi peikuaa cheRu. Chekuaa yave mona, cheRu peikuaata tëi vi ko.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

1 Timoteo 5:1

Agüɨye eñeengata indechi vae pe, ërei emboarakuaa nderu rami; jare taɨrusu vae reta, emboarakuaa nderɨvɨ rami;

Tito 2:6

Jaeramiño vi emboarakuaa kuimbae taɨrusu vae reta oyeandu vaerä.

1 Juan 1:1

Roikuatía peve Ñee tekove opambae vae regua. Jae oikoño mai ndei ɨvɨ oyeapo mbove. Jare ore roendu jókuae Ñee. Roecha kavi, romae jese. Royavɨkɨ vi orepo pe etei.

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.

1 Juan 2:12

Cheraɨ aaɨu vae reta, aikuatía körai peve, echa Tumpa iñɨ̈ro ko peve peyoa reta re jee re.

1 Juan 2:14

Tenondegua reta, aikuatía körai peve, echa peikuaa oimeño mai oiko ndei ɨvɨ oyeapo mbove vae. Taɨrusu reta, aikuatía körai peve, echa pepɨ̈rata, jare Tumpa iñee oiko peré jare pemoamɨri aña guasu.

1 Juan 3:12

Agüɨye yaiko Caín rami. Echa Caín aña guasu imbae ko jare oyuka tɨvɨ. Jare ¿maera ra oyuka? Caín oyapo ikavimbae vae, jare tɨvɨ oyapo jupi vae ramo.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

1 Juan 5:18

Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

Apocalipsis 2:7

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’