1 Juan 1:7 - Biblia Guarani Tumpa Iñee

⁷ Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

Nuevo Testamento Guaraní Pe

⁷ Erei yaico yave tembipe oia pe yogüɨreco vae rami - echa Tumpa vi oico tembipe oia pe - ñañemoiru oyoupi, jare Jesucristo jugüɨ ñandeyoe opaete ñanembaeyoa reta güi. Jesucristo co jae Tumpa Taɨ.

1 Juan 1:7 Iomraidhean Croise

SALMOS 104:2

reñeapeva tembipe pe, temimonde pe rami; ¡reipɨso ara, asoya oyepɨso rami!

SALMOS 51:2

Cheyoe yeyé ikavimbae güi, chetɨo cheyoa güi.

SALMOS 56:13

Echa chereroasayepe mano güi, jare agüɨapi vaerägüe güi, aguata vaerä nderóvai, oikove vae reta ipɨte pe.

SALMOS 89:15

CheYa Tumpa, oyerovia ko tëta ndemboete oyerovia katu reve vae; nderemimbota rupi oguata vae,

SALMOS 97:11

Tembipe oyekuaa jupi vae reta peguarä, jare yerovia katu ipɨa jupi vae reta peguarä.

ISAÍAS 2:5

¡Peyu, Jacob iñemuña reta, yaguata yandeYa omee tembipe yandeve vae pe!

ISAÍAS 33:24

Sión pegua reta ngaraa ma jei: “Chembaerasɨ aï.” Tumpa iñɨ̈rota opaete iyoa re chupe reta.

ISAÍAS 6:7

jare pɨpe cherembe oñátai reve jei: “Mase, kuae tätapɨi oñátai nderembe. Oyeekɨ ndegüi ndereko, jare oyetɨo ndeyoa.”

AMÓS 3:3

¿Oguata päveta pa mókoi kuimbae reta, mbaetɨ reve yogüɨreko kavi?

ZACARÍAS 13:1

Jókuae ara oyepeata metei ɨesaɨ David iñemuña reta peguarä jare Jerusalén pegua reta peguarä, oyeapo vaerä yetɨo mbaeyoa güi jare ikɨa Tumpa jóvai vae güi.

San Mateo 6:12

Neɨ̈ro oreve oreyoa reta re, ore oreɨ̈ro iyoa orekotɨ vae reta pe rami.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

San Juan 12:35

Jesús jei chupe reta: —Tembipe oimeño pe reta ndive ramboeve peguata tembipe pe, agüɨye vaerä pepokou pɨ̈tu. Echa pɨtumimbi pe oguata vae mbaetɨ oikuaa kerupi ojo.

San Juan 5:4

Echa amo ámope ogüeyɨ metei araɨgua omomɨi vaerä ɨ. Jare ɨ omɨi yave, jókuae imbaerasɨ vae tenonde voi oike ɨ pe vae okuera oipotagüe mbaerasɨ güi.

Romanos 13:12

Pɨare katu yae ma, köe seri ma. Jáeramo agüɨye mo yayapo pɨtumimbi jembiapo. Yayemonde tembiporu tembipe pegua pe.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Efesios 5:8

Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

1 Pedro 1:19

jaeño Cristo jugüɨ jepɨ yae vae rupi, jókuae vecha kuimbae taɨrusu vae jete kavi jare ikɨambae vae oñemee Tumpa pe rami.

1 Juan 1:3

Romombeu peve roecha jare roendu vae, pe reta vi peñemoïru vaerä ore ndive. Jare kuae ñañemoïru vae añetete ko yandeRu Tumpa jare Taɨ Jesucristo ndive.

1 Juan 1:5

Romombeu peve ñee Jesucristo omombeu oreve vae. Jae ko kuae: Tumpa ko tembipe, mbaetɨ etei jese kërai ave pɨtumimbi.

1 Juan 5:6

Kuae Jesucristo ko jae omboɨpɨ iparavɨkɨ ɨ jare tugüɨ rupi vae; mbaetɨ ɨ rupiño, ɨ rupi jare tugüɨ rupi vi. Espíritu Santo ko omombeu kuae regua. Echa Espíritu Santo añete vae ko.

1 Juan 5:8

Jökoraiño vi oime mboapɨ ɨvɨ pe omombeu kuae regua vae, jae ko: Espíritu Santo, ɨ jare tugüɨ; kuae mboapɨ reta imiari oyovake.

2 Juan 1:4

Aikuaa yave joko pegua oporogüɨrovia reta yogüɨreko añete vae rupi, yandeRu yandeokuai vae rami.

3 Juan 1:4

Añete ko, ayerovia yae aendu yave kërai cheraɨ reta jekuaeño yogüɨreko añete vae rupi.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.