1 Juan 1:2 - Biblia Guarani Tumpa Iñee

² Jókuae Ñee tekove opambae vae etei ko, ore etei roecha. Romoërakua peve jae ko tekove opambae vae. Jae oimeño mai oiko yandeRu Tumpa ndive, ërei oyekuaa oreve.

Nuevo Testamento Guaraní Pe

² Jocuae Ñee tecove opa mbae vae etei co. Romombeu peve quirai ore etei roecha. Roicuauca peve jae co tecove opa mbae vae. Jae jecuaeño oico ñandeRu Tumpa ndive ndei ɨvɨ oyeapo mbove, erei ou oyecuaa oreve.

1 Juan 1:2 Iomraidhean Croise

San Juan 1:18

Mbaetɨi kia oecha Tumpa vae. Ërei Tumpa Taɨ jaevaeño vae, oiko jae ndive etei vae oikuaauka yandeve.

San Juan 1:4

Jese ko oï tekove, jare jókuae tekove jae ko tembipe ɨvɨ pegua reta pe.

San Juan 10:28

Jare amee chupe reta tekove opambae vae, jare ngaraa etei omano reta. Ngaraa kia ipuere opɨ̈ro chegüi.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 15:27

Jare pe reta vi pemiarita. Echa iyɨpɨ güive peiko che ndive.

San Juan 16:28

Ayu ko cheRu güi kuae ɨvɨ pe. Aja yeta ko kuae ɨvɨ güi cheRu oïa pe.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

San Juan 17:5

Ndei ɨvɨ oyeapo mbove aiko nde ndive yave ayemboeteuka ko. Jökorai añave chemboeteuka ye ndeɨpɨ pe.

San Juan 19:35

Jare oecha vae omombeu kuae, pe reta vi perovia vaerä. Jare kuae omombeu vae añete ko. Echa jae oikuaa kavi omombeu vae añete ko.

San Juan 21:14

Jare mboapɨa ma kuae re Jesús oyekuaa jemimboe reta pe, oikove ye güire omanogüe vae reta ipɨte güi.

San Juan 3:13

Mbaetɨ kia ave ojo ara pe, jaeño ara güi ogüeyɨ vae, jae ko che Kuimbaerä ayeapo vae.

San Juan 7:29

Ërei che aikuaa. Echa chugüi ko ayu. Jae ko chembou.

San Juan 8:38

Che chemiari peve cheRu oechauka cheve vae, ërei pe reta peyapo peru omombeu peve peyapo vaerä vae rupi.

Hechos 1:22

jae ko Juan ombobautisa Jesús güive, ojo regua ara pe. Kuae reta güi toyeparavo metei oñemoïru vaerä yande ndive, jae omombeu vaerä Jesús oikove ye vae re.”

Hechos 10:41

mbaetɨ omboyekuaauka opaete vae pe, jaeño oreve. Echa tenonde voi ma Tumpa oreparavo romombeu vaerä ïru vae reta pe. Ore rokaru jare ɨ rou jae ndive, oikove ye güire vae reta.

Hechos 2:32

Tumpa omoingove ye kuae Jesús, jare opareve ore roecha kuae.

Hechos 3:15

Jare peyukauka jókuae tekove Iya. Jae ko Tumpa omoingove ye omanogüe reta ipɨte güi vae. Jókuae ko ore roecha vae.

Hechos 5:32

Jare ore romombeu ïru vae reta pe kuae, jare Espíritu Santo vi omombeu. Echa Tumpa omee Espíritu Santo jei vae oyapo vae reta pe.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

Gálatas 4:4

Ërei ara oväe ma oyembopo vaerä yave, Tumpa ombou Taɨ. Jae oa kuña güi, mborookuai iara pe,

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

2 Timoteo 1:10

Añave oikuaauka yandeve ipɨakavi, yandemboasa vae Jesucristo rupi. Echa jae omboai mano imbaepuere, jare ñee ikavi vae rupi oikuaauka yandeve kërai ñanoi tekove opambae vae.

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.

1 Juan 1:1

Roikuatía peve Ñee tekove opambae vae regua. Jae oikoño mai ndei ɨvɨ oyeapo mbove. Jare ore roendu jókuae Ñee. Roecha kavi, romae jese. Royavɨkɨ vi orepo pe etei.

1 Juan 2:25

Jare Jesucristo güɨrökuavee yandeve vae ko jae tekove opambae.

1 Juan 3:5

Jare peikuaa kërai Jesucristo oyeapo kuimbaerä omboai vaerä yandeyoa reta. Jare jae mbaetɨ etei iyoa.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

1 Juan 4:14

Jare ore roecha jare romoërakua Tumpa ombou Taɨ ɨvɨ pegua reta Omboasa vae.

1 Juan 4:2

Kuae rupi pepuere peikuaa Tumpa iEspíritu: Opaete vae omombeu Jesucristo ko jae oyeapo kuimbaerä vae yave, jae ko Tumpa güi ou vae.

1 Juan 5:11

Jare Tumpa omombeu yandeve vae jae: Jae omee yandeve tekove opambae vae; kuae tekove oï Taɨ re.

1 Juan 5:13

Kuaekuae aikuatía peve, pe perovia Tumpa Taɨ jee re vae reta pe, peikuaa vaerä penoi ko tekove opambae vae.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.